"ANTIMAFIA"
Në një ditë kur u emëruan prokurorët e SPAK- ut, Kryeministri Edi Rama prezantoi një paketë të re ligjore, që sipas tij synon të godasë më fort krimin e organizuar.
Një projektligj që duket thuajse i ngjashëm me ligjin "Antimafia" dhe thuajse ka të njëjtën fushë veprimi me "Forcën e Ligjit". Por ajo që të bie në sy është fuqizimi i Policisë, që sipas draftit të bërë publik dje, duket se merr kompetencat e Prokurorisë. Nga ana tjetër forcohet edhe roli i drejtorit të Përgjithshëm të Policisë së Shtetit, i cili në rastet e përgjimeve apo kontrolleve, sipas këtij projektligji, përcakton procedurat standarde të punës. Në një kohë kur pritet ngritja e Byrosë Kombëtare të Hetimit, e cila parashikohet të jetë një strukturë krejt e pavarur nga Policia e Shtetit dhe që do funksionojë paralelisht me SPAK, O. P. Gj. e Policisë fuqizohen nga ky draft që pritet të diskutohet. Ligji që Kryeministri Rama e prezantoi dje me emrin "Anti- KÇK", parashikon që Policia mund të sekuestrojë të gjitha pasuritë e personave që dyshohet se i kanë vënë në rrugë të jashtëligjshme. Drafti "Për parandalimin, ndjekjen dhe marrjen e masave ndaj krimit të organizuar, terrorizmit dhe krimeve të rënda", parashikon të aplikohet mbi persona ndaj të cilëve është dhënë një vendim Gjykate për krime të rënda apo që nuk justifikojnë standardin e jetesës së tyre me aktivitetin që kanë. SUBJEKTET E LIGJIT Në nenin 5 të këtij drafti, përcaktohen subjektet e masave dhe procedurave, të cilat parashikohen në këtë ligj, që janë të gjithë ata për të cilët: ka dyshime se janë të përfshirë në aktivitete me objekt krimin e organizuar, krimet e rënda dhe terrorizmin; ka dyshime se standardi i jetesës nuk është i justifikuar nga burime të ligjshme, por nga të ardhura të veprimtarisë së krimit të organizuar, krimeve të rënda dhe terrorizmit; janë dënuar me vendim të formës së prerë në Republikën e Shqipërisë për vepra penale, sipas dispozitës së nenit 3; janë dënuar me vendim të formës së prerë në një shtet të huaj për vepra penale sipas dispozitës së nenit 3 apo të ngjashme me to, sipas legjislacionit të huaj. Personave të cilët kanë rekorde të mëparshme kriminale dhe për të cilët ka dyshime se me veprimet ose mosveprimet e tyre kanë për qëllim cenimin e sigurisë publike dhe kombëtare, sipas dispozitës së
Ligji "Antimafia" është një tjetër përpjekje e qeverive shqiptare në luftën kundër krimit të organizuar dhe korrupsionit, që rregullon kuadrin ligjor për sekuestrimin e pasurive të personave të dënuar dhe të përfshirë në krimin e organizuar. Ky ligj parashikon vënien nën sekuestro të pasurive, të cilat nuk arrihen të justifikohen nga personat që i posedojnë. "Qëllimi i këtij ligji është parandalimi dhe goditja ndaj krimit të organizuar dhe trafikimit përmes konfiskimit të pasurisë së personave, të cilët kanë një nivel të pajustifikuar ekonomik, si rezultat i veprimtarisë së dyshuar kriminale", parashikohet në ligjin "Antimafia". nenit 3. Subjektet juridike për të cilët ka dyshime se ndihmojnë, përfitojnë ose financojnë në veprimtarinë e krimit të organizuar, krimeve të rënda dhe terrorizmit.
HETIMET PASURORE Në nenin 17 të draftit që