"FORCA E LIGJIT"
Nisma Anti- KÇK nuk është e para në llojin e saj e ndërmarrë nga qeveria aktuale, pasi më herët është krijuar Task Forca Speciale kundër krimit të organizuar e quajtur "Forca e Ligjit". Kjo njësi, përbëhet nga përfaqësues të disa institucioneve përkatësisht nga: Ministria e Brendshme, Ministria e Drejtësisë, Ministria e Financave, Shërbimi Informativ Shtetëror, Prokuroria, Policia e Shtetit dhe Shërbimi për Çështje të Brendshme dhe Ankesa. Edhe krijimi i kësaj njësie u prezantua fillimisht nga Kryeministri Edi Rama, e më pas në një konferencë ku morën pjesë edhe ambasadorë të huaj të cilët shprehën mbështetjen për këtë njësi, të ngjashme me atë të sotmen, KÇK. bën fjalë për hetimet pasurore, përcaktohet se: Ndaj pasurive të subjekteve sipas nenit 14, mund të procedohet hetimi nga Policia e Shtetit dhe BKH mbi standardin e jetesës për të cilin ka dyshime se nuk justifikohet nga të ardhurat e ligjshme, por nga veprimtari të aktivitetit të krimit të organizuar, krimeve të rënda dhe terrorizmit, me qëllim identifikimin e burimit të të ardhurave; Ndaj subjekteve, të cilat janë poseduese licencash apo autorizimesh, subjekte të regjistruara në regjistrat profesionalë dhe publikë, nëse përfitojnë nga kontributet dhe fondet publike/ prokurime/ PPP apo kredi të subvencionuara; Hetimet do të kenë objekt edhe bashkëshortin, fëmijët dhe bashkëjetuesit e 5 viteve të fundit, si dhe ndaj të gjithë personave juridikë, me të cilët pasuria e subjekteve të hetimit ka lidhje të drejtpërdrejtë apo të tërthortë; Për të gjithë subjektet e hetimit sipas këtij kreu, Policia e Shtetit mund të kryejë hetime dhe të kërkojë vënien në dispozicion të çdo informacioni dhe dokumenti që vlerësohet i dobishëm për qëllimet e hetimit, nga të gjitha institucionet publike dhe private pa përjashtim; Për qëllime të hetimit, sipas pikës 4 të këtij neni, të gjitha institucionet publike dhe private që ushtrojnë veprimtarinë në territorin e Republikës së Shqipërisë, do t'i sigurojnë strukturave të Policisë së Shtetit: Akses për strukturat e Policisë në kompanitë telefonike për identifikimin në kohë reale të subjektit/ numrit të telefonit apo lokalizimin e antenave loguese të dy komunikuesve, si dhe krijimin e mundësive të identifikimit të përdoruesit fundor të internetit. Akses për strukturat e Policisë në data base e regjistra elektronike të institucioneve shtetërore dhe subjekteve private; Në varësi të autorizimit të prokurorit/ gjykatësit, oficerët e Policisë së Shtetit mund të procedojnë me sekuestrimin e çdo prove/ dokumenti, sipas pikës 4 të këtij neni.