KANDIDATËT E SPAK
Këshilli i Lartë i Prokurorisë emëroi 8 prokurorët e Strukturës së Posaçme Antikorrupsion, që do të nisin punën më 19 dhjetor.
Deri në betimin e tyre para Presidentit, administrata e Krimeve të Rënda do të merret me dosjet, llogaritjen dhe kalimin e tyre prokurorive të tjera. Gjatë mbledhjes djeshme, Këshilli hapi garën edhe për drejtues të SPAK- ut, që do të jetë një prej 8 prokurorëve të emëruar. "Mandati i prokurorëve specialë fillon ditën kur bëhet ceremonia e betimit përpara Presidentit të Republikës. Data e betimit i njoftohet edhe Këshillit dhe përfshihet në dosjen personale", njoftoi KLP- ja. Ndërkohë, gara për Kryeprokuror të SPAK- ut do të jetë hapur për një afat prej 15 ditësh, ku pritet shprehja e interesit. "Komisioni i Posaçëm për SPAK nis sot një kërkesë për shprehje interesi për pozicionin e drejtuesit të Prokurorisë së Posaçme. Gara është e hapur për një afat kohor prej 15 ditësh", njoftoi Këshilli. ZGJEDHJA E DREJTUESIT Për 15 ditë, KLP- ja do të presë kandidaturat për drejtimin e Strukturës së Posaçme Antikorrupsion dhe më pas do të vlerësojë dhe do të zgjedhë një prej tyre. Duke iu referuar rregullores, kreu i SPAK- ut do të zgjidhet në bazë të eksperiencës në ndjekjen e çështjeve sensitive, aftësia në organizimin dhe drejtimin e një strukture; eksperienca në çështje me ndjeshmëri të lartë publik, ku është dashur edhe bashkëpunimi me median; vizioni dhe plani që do ndjekin për krijimin e Prokurorisë së Posaçme, si dhe imazhit që ata kanë.
KOMPETENCAT Duke iu referuar ligjit për krijimin e SPAK- ut, kompetencat e Gjykatave dhe Prokurorive të posaçme kanë të bëjnë me krimin e organizuar dhe korrupsionin në nivele të larta dhe jo vetëm. SPAK do të hetojë çdo vepër penale të kryer nga grupi i strukturuar kriminal, organizata kriminale, organizata terroriste dhe banda e armatosur, si dhe korrupsionin. Do të hetojë akuzat penale kundër Presidentit të Republikës, Kryetarit të Kuvendit, Kryeministrit, anëtarit të Këshillit të Ministrave, gjyqtarit të Gjykatës Kushtetuese dhe të Gjykatës së Lartë, Prokurorit të Përgjithshëm, Inspektorit të Lartë të Drejtësisë, kryetarit të bashkisë, deputetit, zëvendësministrit, anëtarit të Këshillit të Lartë Gjyqësor, Këshillit të Lartë të Prokurorisë dhe drejtuesve të institucioneve qen
Vetëm 8 nga 15 kandidatë të lejuar për të qenë pjesë e Prokurorisë së Posaçme ia dolën të emëroheshin. Dy prej tyre nuk ishin më pjesë e garës në momentin e emërimit, Besnik Muçi është ish- anëtar i Kushtetueses dhe Ndini Tavani, i shkarkuar nga vetingu. Prokurorja Manjola Kajana kaloi Shkallën e Parë dhe është ankimuar nga Komisioneri. Prokurorja Anita Jella aktualisht është në proces rivlerësimi. Ndërsa 3 prokurorët Anton Martini, Elisabeta Imeraj dhe Doloreza Musabelliu janë në një fazë të hershme të rivlerësimit. drore ose të pavarura të përcaktuara në Kushtetutë ose në ligj. Do hetojë gjithashtu, edhe akuzat penale kundër ish- funksionarëve të mësipërm, kur vepra është kryer gjatë ushtrimit të detyrës. Sipas ligjit për SPAK, Gjykata kundër korrupsionit dhe krimit të organizuar dhe Prokuroria e Posaçme kanë gjithashtu kompetencë për të shqyrtuar, hetuar dhe ndjekur penalisht çdo vepër penale tjetër, e cila është e lidhur ngushtë me hetimin apo çështjen penale brenda kompetencave të parashikuara në ligj.
REAGIMI Partia Demokratike, me anë të sekretarit të përgjithshëm, Gazment Bardhi, përshëndeti e para emërimin e 8 prokurorëve, duke thënë se kjo ishte mënyra e duhur për të ndëshkuar të fortët dhe të korruptuarit. "Krijimi i Strukturës së Posaçme kundër Krimit të Organizuar dhe Korrupsionit, e njohur gjerësisht si SPAK, është mekanizmi i duhur kushtetues për të përmbushur një nga kërkesat kyçe të shqiptarëve dhe të partnerëve të huaj për t'i dhënë fund pandëshkueshmërisë së të fortëve, promovuesve të tyre në politikë dhe zyrtarëve të korruptuar. Pas vendimit të sotëm të Këshillit të Lartë të Prokurorisë, Partia Demokratike përshëndet ngritjen e SPAK- ut dhe mbështet funksionimin e pavarur të kësaj strukture", shkruhet në deklaratën e PD- së.