Pensionet me KEMP, ndryshon skema për caktimin e pagesës
Manastirliu: Ata në gjendje më të rëndë, përfitojnë më shumë
Hiqet pagesa fikse për personat me aftësi të kufizuar, duke u zëvendësuar me pagesën e përshkallëzua, r në varësi të gjendjes shëndetësore.
Kështu, me reformën e ndërmarrë, një ndër pikat në të cilën është vënë dorë, është edhe ajo për caktimin e masës së përfitimit, duke e kushtëzuar këtë të fundit me gjendjen shëndetësore.
SKEMA Ministrja e Shëndetësisë, Ogerta Manastirliu, tha dje se ai që është në gjendje më të rëndë, do të përfitojë më tepër nga pagesa që shteti jep për aftësinë e kufizuar. Ndryshimet do të nisin prej 1 dhjetorit, fillimisht në kryeqytet. Prej kësaj date, në gjithë Qarkun e Tiranës, do të ketë edhe një sistem të ri vlerësimi, që sipas ministres do të garantojë transparencë maksimale në përcaktimin e aftësisë për punë, apo siç njihet nga të gjithë si KEMPI, në mënyrë që pagesat e aftësisë së kufizuar të shkojnë për qytetarët që kanë vërtet nevojë. Jo vetëm kaq, në emër të transparencës, çdo intervistë do të jetë e regjistruar përmes kamerave që do të instalohen në të gjitha pikat ku janë ngritur komisionet multidisiplinore të vlerësimit të PAK. "Nga data 1 dhjetor nis një vlerësim i ri i aftësisë së kufizuar në të gjithë Qarkun Tiranë, i cili parashikon vlerësimin e gjendjes së personit me aftësi të kufizuar, sipas shkallës së rëndesës, në mënyrë që ai person që është në gjendje më të rëndë, të përfitojë më shumë nga pagesa që jep shteti për aftësinë e kufizuar. Në këtë vlerësim të ri, për të shmangur abuzimet dhe për të garantuar transparencë, do të vendoset një sistem survejimi me kamera në intervistat e qytetarëve, të cilat do të jenë subjekt monitorimi dhe vlerësimi në çdo kohë", u shpreh Manastirliu gjatë vizitës në pikën e hapur te Dispanseria. Me vlerësimin e ri biopsiko- social dhe hapjen e 6 komisioneve brenda qendrave shëndetësore, qëllimi është të krijohen më shumë lehtësi për qytetarët që deri më sot grupoheshin në një komision të vetëm. "Me hapjen e gjashtë pikave, me 6 komisione vlerësimi, kemi reduktuar sorollatjet dhe kemi shkurtuar në maksimum kohën e aplikimeve. Dhe jo vetëm kaq, por me sistemin e ri të vlerësimit, evitohet shtrimi i detyruar në spital për të marrë fletët e drejtimit", tha Manastirliu.
MILIARDË
lekë ose rreth 160 milionë dollarë është fondi i vënë në dispozicion për personat me aftësi të kufizuar për vitin e ardhshëm. Sipas Ministrisë së Shëndetësisë, janë rreth 166 mijë persona që përfitojnë
NDRYSHIMET Gjatë inspektimit në Dispanserinë në Tiranë, ministrja u ndal edhe në disa nga risitë që reforma e re e aftësisë së kufizuar sjell. "Kemi hequr kriterin e mospërfshirjes në vlerësim, të fëmijëve të grupmoshës 0- 2 vjeç, pra, sot në Tiranë do të përfshihen të gjithë fëmijët nga mosha 0- 18 vjeç. Kemi hequr kufizimin e pagesës prej 75% për fëmijët, i kemi kthyer këto pagesa në 100%, duke shmangur kështu diferencimin për shkak të moshës si dhe duke pasur parasysh që rreth 27% e përfituesve janë fëmijë 0- 18 vjeç. Një tjetër risi e kësaj reforme është futja e konceptit të ndihmësit personal, i cili do të ofrojë asistencën për kujdesin personal për personin me aftësi të kufizuar. Gjithashtu, hoqëm kufizimin ligjor të ndërprerjes së pagesës së aftësisë së kufizuar pas periudhës 4vjeçare të punësimit", tha Manastirliu. Me buxhetin e ri 2020, pagesat e aftësisë së kufizuar do të financohen me 16.6 miliardë lekë, nga të cilat përfitojnë rreth 166 mijë persona.