Partizani nis arratinë, Laçi tregon limite
Kampionët në fuqi i nderon goli i Asanit, + 4 ndaj Kukësit
Partizani i trajnerit, Franko Lerda, ka nisur "arratinë", ku me fitoren e djeshme në "Elbasan Arena" ndal edhe vrullin e Laçit, i cili i kishte fituar katër ndeshjet e fundit.
Kampionëve në fuqi u ka mjaftuar goli i Jasir Asanit, shënuar në minutën e 26- të, për të thelluar distancën në katër pikë me Kukësin e vendit të dytë. Kjo është shkëputja më e madhe e vendosur në 13 javë kampionat në Kategorinë Superiore. "Demat" vinin në këtë duel me çështjen "Mala", ku 21vjeçari është pezulluar nga klubi, pasi s'ka pranuar rinovimin.
Pjesa e parë- Të dy trajnerët e nisën ndeshjen thuajse me të njëjtën skemë, 4- 3- 3, por në mungesë të Fangajt, Armando Cungu, i besoi 18vjeçarit Florian Trokthi në të djathtë të mbrojtjes. Minutat e para ishin të qeta dhe të dyja ekipet po kontrollonin njëri- tjetrin në mesfushë. Rasti i parë u shënua në minutën e 9- të ku Telushi gjuan bukur një goditje dënimi, por po kaq bukur kundërpërgjigjet edhe portieri Stazhilla. Pas kësaj shkëndije, Partizani merr kontrollin dhe rrit presionin te porta kundërshtare, por duke i kushtuar vëmendje edhe neutralizimit të sulmuesve miq. Pas disa rasateve për shënim, takimi zhbllokohet në minutën e 26- të me Asanin, i cili arrin ta zgjidhë në favor të Partizanit rrëmujën e krijuar në mbrojtjen mike. Laçi kujtohet vetëm në pesë minutat e fundit, ku në të 41- ën humbasin një mundësi të pastër shënimi me Xhixhën, por meritë ka edhe portieri Hoxha që shpëton portën. Një minutë më pas është Lushkja që rrezikon, por 45 minuta e para mbyllen me golin e Jasir Asanit.
Pjesa e dytë- Takimi rinis me të njëjtët lojtarë në fushë dhe Partizani e nis sërish me vrull dhe pas dy minutash kanë një mundësi shënimi, por Stazhilla ndal kombinimin e Bardhit me Asanin. Pjesa e dytë është disi më e ekuilibruar, por sërish skuadra e Lerdës tregon cilësi dhe dëshirë. Partizani krijon raste, por finalizimi mbetet një e metë që nuk po përmirësohet dhe vijon nga java në javë. Për këtë arsye rezultatet e "demave" janë të vuajtura. Në minutën e 62të, Asani pretendon për një penallti, pasi topi i gjuajtur prej tij u ndal në duart e Ignjatoviç, që i kishte të mbledhura. Çinari ka pasur disa mundësi shënimi në këtë takim, por shkodrani nuk ka arritur që të gjejë shënjestrën e duhur. Në minutën e 71- të vjen zëvendësimi i parë i ndeshjes, ku Bardhi i lë vendin Solomon, por edhe nigeriani nuk arrin të bëjë më shumë se paraardhësi. Në të 76- ë, Cungu bën ndryshimin e parë ku 18- vjeçari Trokthi ia lë vendin Berishës. Një minutë më pas, Asaniz zëvendësohet me Romeron. Në minutën e 86- të, Xhixha ia lë vendin Mallcit, por nuk ka kohë për mrekulli. Në të 88ën Lerda largon Melon dhe në fushë hyn mbrojtësi Bitri, në mënyrë që ekipi të fitonte shtatlartësi në prapavijë. Zëvendësimet mbetet pa histori, pasi gjithçka u mbyll me fitoren 1- 0 të Partizanit.