“U ftuam për të dëgjuar propozimet e liderëve, ka rëndësi bashkëpunimi”
Organizata e drejtuar nga ish- ministrja Majlinda Bregu, Këshilli për Bashkëpunim Rajonal ( RCC), ka reaguar në lidhje debatin e ditëve të fundit mbi me nismën e quajtur “Mini- Shengeni Ballkanik”. Në një mesazh të shpërndarë për mediat, RCC sqaron qëndrimin e saj, duke thënë se ka marrë pjesë në takime me ftesë dhe për të të dëgjuar propozimet e liderëve të Ballkanit Perëndimor. “RCC- ja ka qenë e ftuar në takimet për MiniShengenin së bashku me BEnë, SHBA- në, Bankën Botërore ( BB), BERZH- in dhe BEI- n për të dëgjuar propozimet e liderëve të Ballkanit Perëndimor. RÇ- ja është tërësisht e angazhuar ndaj bashkëpunimit rajonal. Me krenari ne po bashkërendojmë dhe mbikëqyrim zbatimin e Planit Shumëvjeçar të Veprimit për krijimin e Zonës Rajonale Ekonomike në Ballkanin Perëndimor, siç jemi ngarkuar në dakordësi nga udhëheqësit e gjashtë vendeve të Ballkanit Perëndimor, tri vjet më parë në samitin e Procesit të Berlinit në Trieste. Të gjashta ekonomitë, Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia janë në këtë proces, që u prezantua me kërkesë të të gjashtë udhëheqësve të sipërpërmendur, një projekt që ka për synim të çojë përpara bashkëpunimin ekonomik në Ballkanin Perëndimor, duke eliminuar pengesat sociale sa i takon lëvizjes së lirë të të rinjve, profesionistëve, aftësive dhe novacionit. Për RCC- në, bashkëpunimi rajonal është një histori në zhvillim. Bashkëpunimi rajonal merr kuptim në momentin që rezultati përfundimtar është integrimi në BE”, thuhet në njoftimin e organizatës.