ELVA MARGARITI: NUK E KISHE MBYLLUR ENDE MISIONIN

I njohur për rolet e tij protagoniste, Ferri e nisi karrierën e tij kur ishte ende student në Akademinë e Arteve, në degën e Dramës. Pas diplomimit në vitin 1982, ai mbeti si pedagog i Mjeshtërisë së Aktorit në këtë Akademi. E vazhdoi më tej karrierën akademike deri në detyrën si dekan i Fakultetit të Artit Dramatik pranë kësaj Akademie. Ka interpretuar në rreth 30 role në kinematografi e teatër dhe në kinema për herë të fundit publiku mundi ta shikonte në filmin “Delegacioni”, me regji të Bujar Alimanit. Ka qenë i pranishëm edhe me rolet në teatër, edhe pse suksesin më të madh e arriti me filmin artistik. Ferri, përveç kontributit të çmuar si aktor, ka pasur edhe pozicione si ish- kryetar i Qendrës Kombëtare të Kinematografisë ( 1997- 1998 dhe 2005- 2009) apo ish- anëtar i Këshillit Miratues të Projekteve, ku mundi të tregojë edhe një herë përkushtimin e tij, për ta çuar filmin shqiptar në një tjetër nivel. Në vitet 19992001, Ferri ka qenë drejtor i Teatrit Kombëtar. Në vitin 2004 ishte një nga bashkëthemeluesit e Shoqatës së Kineastëve Shqiptarë, duke qenë edhe kryetari i parë i kësaj shoqate. Krahas kontributit të tij të madh në fushën e artit e kulturës, Ferri ka qenë edhe deputet i Partisë Demokratike në Kuvendin Popullor në vitet e trazuara 1996- 1997. Homazhet për ndarjen nga jeta të aktorit do të mbahen nesër në orën 13: 00, ceremonia e përcjelljes do të jetë familjare. PROTAGONISTI XHEVDET FERRI Qysh në fillimet e tij, aktori Xhevdet Ferri me forcën e tij interpretuese karakteristike për role me peshë, duket se qe i destinuar për role protagoniste. Që në rolin e tij të parë kryesor, si Arjani në filmin “Skëterrë”, ai spikati, duke bërë që regjisorët ta thërrisnin për të tjera misione të filmit shqiptar. Po atë vit, Ferri interpretoi në “Vëllezër dhe shokë” me rolin e Markos, ku konfirmoi edhe një herë tal

Për ndarjen nga jeta të aktorit Xhevdet Ferri ka shprehur ngushëllimet edhe ministrja e Kulturës, Elva Margariti. “Do kisha dashur të ndaja me ju suksesin e tij të radhës, rolin më të ri, projektin më të afërt, por fatkeqësisht do të duhet të ndaj dhimbjen e largimit nga kjo jetë e një prej aktorëve më të mirë shqiptarë, Xhevdet Ferri. Ai ishte nga ata aktorë që rolin e sillte mes nesh të gjallë, të prekshëm, të vërtetë”, shkruan Margariti, duke e vënë theksin te loja autoriale e Ferrit, që siç ajo thotë, i ka dhënë më tepër ngjyra galerisë së karaktereve. “Xhevdet Ferri, ti nuk e kishe mbyllur ende misionin tënd mes nesh, atë të kultivimit të shijes së mirë në publik e ndër studentë”, shton më tej Margariti e keqardhur për këtë ndarje të parakohshme të njeriut dhe artistit, që la gjurmë të pashlyeshme tek ata që mundën ta njihnin nga afër dhe përmes artit të tij. entin e tij. Roli i Agronit në “Hije që mbeten pas” pesë vite më vonë do ta konsolidonte edhe më shumë figurën e Ferrit si aktor. Për interpretimin e Gorit te filmi “Dhe vjen një ditë” do të nderohej me çmim në 1986- ën.

Role të tjera të spikatura për aktorin Xhevdet Ferri janë edhe ai i Palit në “Besa e kuqe” ( 1982); Sandri në “Vendimi” ( 1984); Trimi në “Përrallë nga e kaluara” ( 1987); Martini në “Treni niset në 7 pa pesë” ( 1988); Gjon Kadri në “Vitet e pritjes” ( 1990); Me rolin e Sakos, në filmin “Dasma e Sakos” ( 1998), Xhevdet Ferri arrin sërish në një pikë të lartë artistike të interpretimit.