DISKUTIMI NE KUVEND:
Vasil Steriovski: Ky projektligj synon ratifikimin e marrëveshjes së qeverisë së Republikës së Shqipërisë dhe qeverisë së republikës së Maqedonisë për... Mimi Kodheli: Së Veriut! Vasil Steriovski: Për ngritjen e qendrave kulturore dhe informative mes Shqipërisë dhe Maqedonisë... Mimi Kodheli: Së Veriut! Vasil Steriovski: Fokusi i marrëveshjes është zhvillimi dhe thellimi i bashkëpunimit në fushën e kulturës... Këto qendra kulturore dhe informative do të jenë një kontribut i rëndësishëm në marrëdhëniet miqësore midis Shqipërisë dhe Maqedonisë. Unë i ftoj të gjithë kolegët që ta votojnë. Ditmir Bushati: I vetmi dallim mes prezantimit që bëri sekretari i përgjithshëm i ministrisë dhe relatori ishte mënyra se si relatori u përkufizoi shtetin fqinj, pjesa tjetër ishte e njëjtë dhe na gëzon kjo harmoni. Ralf Gjoni: Unë kisha një pyetje për z. Steriovski, se në fund të fundit ne jemi entitet i shtetit shqiptar dhe jemi të detyruar që sipas konventave ndërkombëtare, pas marrëveshjes mes Shkupit dhe Athinës t'i referohemi Maqedonisë si Maqedoni e Veriut. Pse ju insistuat që ta përmendni vetëm Maqedoni dhe a mund të merret në konsideratë relacioni juaj në këtë komision? Mimi Kodheli: Dua t'i kërkoj shumë miqësisht kolegut Steriovski, që ne së pari jemi përfaqësues të Parlamentit shqiptar dhe si të tillë, mbi gjithçka duhet të respektojmë vendimmarrjet dhe konventat ndërkombëtare, pavarësisht i duam apo jo. Të respektojmë edhe emrin e ri që shteti fqinj tashmë ka dhe t'i drejtohemi me emrin që ka sot. Ligoraq Karamelo: Doja të shtoja diçka. Në vijim të atyre që u thanë nga parafolësit dhe nga ju zonja kryetare, doja të thosha që kjo marrëveshje ka një ngërç për sa u përket dy institucioneve themelore, Ministrisë së Punëve të Jashtme dhe Ministrisë së Kulturës...