“Antishpifja”, PPE: Ndryshoni ligjin, rrezikoni negociatat

David Lega: Qeveria “Rama” të përmbushë rekomandimet e KE dhe KiE

Dy ligjet për mediat, që ndryshe janë quajtur edhe si paketa “Antishpifje”, konsiderohen si një rrezik për hapjen e negociatave të Shqipërisë me BE- në. Ky konstatim vjen nga reporteri për Shqipërinë në Grupin e Partive Popullore Europiane, David Lega.

Në një reagim në rrjetet sociale në lidhje me këtë çështje, Lega shprehet shumë i qartë se rreziku që kjo paketë mund ta cenojë procesin e negociatave me BE- në, është real. Sipas tij, ligjet nuk respektojnë kriteret e Kopenhagenit, që janë thelbësore për një vend kandidat. “Po përsëris qëndrimin tim mbi rrezikun që mbartin ligjet e reja për median në lidhje me çeljen e mundshme të negociatave me BE- në. Grupi PPE në Parlamentin Europian beson fort në çeljen e negociatave të anëtarësimit me Shqipërinë, por Shqipëria duhet të respektojë kriteret e Kopenhagenit, që janë një standard bazik e minimal për një vend kandidat”, shprehet Reporteri për Shqipërinë në Grupin e Partive Popullore Europiane. Teksa sot pritet që maxhoranca t’i rrëzojë dekretet e Presidentit Meta, duke i lënë të dyja ligjet të hyjnë në fuqi, europarlamentari Lega thekson se qeveria duhet të përmbushë rekomandimet edhe nga Komisioni Europian, por edhe nga KIE. Sipas tij, ligjet nuk mund të hyjnë në fuqi në formën aktuale, pa i marrë parasysh rekomandimet. “Nëse qeveria Rama do të miratojë në seancën plenare, ligjet në formën aktuale, atëherë ajo po vë në rrezik serioz shansin për çeljen e negociatave të anëtarësisë në Bashkimin Europian. Qeveria Rama duhet patjetër të përmbushë rekomandimet specifike të dhëna nga Komisioni Europian dhe nga Këshilli i Europës”, shkruan David Lega në “Tëitter” Me këtë shënim, ai thotë se shpreh edhe qëndrimin e grupit të madh parlamentar në Parlamentin Europian, atë të PPE. Ky reagim i Legës është i dytë për paketën “Antishpifje”, pasi një alarm të tillë, ai e kishte ngritur edhe në muajin dhjetor, një ditë para se dy ligjet të miratoheshin në seancën plenare. Pak ditë më parë në lidhje me paketën “Antishpifje” reagoi me rezerva edhe zëdhënësja e Komisionit Europian, Ana Pisonero, e cila kthimin e dy ligjeve nga Presidenti i konsideroi si një mundësi shumë të mirë për t’i përmirësuar ato. Sipas saj, ligjet në formën siç u miratuan në Kuvend në seancën e datës 19 dhjetor nuk i reflektonin rekomandimet e KiE. Ky i fundit, pasi ligjet u kthyen nga Meta, vendosi që të kërkonte edhe një opinion nga Komisioni i Veneci as në lidhje me kushte tutshmërinë dhe përputhjen me konventat ndërkombëtare të të drejtave të njeriut.