KQZ “pagesë papunësie” opozitës, i jep 660 milionë lekë
PS 630 milionë, PD 390 milionë dhe LSI 200 milionë lekë
Pa debate dhe unitet të plotë, 5 anëtarëve të Komisionit Qendror të Zgjedhjeve u janë dashur vetëm 5 minuta për t'u shpërndarë 1.4 miliardë lekë të vjetër partive politike, përfshirë edhe 3 forcave të opozitës, të cilat janë jashtë parlamentit.
Sipas formulës së KQZ- së, Partia Socialiste është ajo që përfiton më shumë fonde nga buxheti i shtetit, pasi në zgjedhjet e 2017- ës mori më shumë mandate deputetësh. Sipas vendit të marrë në mbledhjen e djeshme, KQZja vendosi që të shpërblejë me 63.417.047 lekë Partinë Socialiste të Shqipërisë, e cila fitoi e vetme zgjedhjet e vitit 2017, duke fituar 74 mandate parlamentare. Ndonëse momentalisht janë jashtë sistemit që prej muajt shkurt të vitit të kaluar, nga buxheti i shtetit të ardhura do të përfitojë edhe Partia Demokratike, Lëvizja Socialiste për Integrim dhe Partia për Drejtësi Integrim dhe Unitet. Forcat kryesore në opozitë do të marrin në total një shumë prej 663 milionë lekë të vjetër, ku përkatësisht PD- ja do të përfitojë rreth 390 milionë lekë, LSI- ja rreth 200 milionë, ndërsa PDIU- ja, 74 milionë lekë. Ndarja e fondeve sipas relacionit të KQZ- së është
MILIARDË
lekë të vjetër shpërndau dje Komisioni Qendror i Zgjedhjeve për 6 partitë kryesore në vend. Shpërndarja e fondeve u bë duke marrë parasysh rezultatet e zgjedhjeve të vitit 2017. përpjesëtuar 70% sipas numrit të deputetëve të fituar në zgjedhjet e fundit parlamentare, 20% në mënyrë të barabartë ndërmjet partive politike që kanë përfituar mbi 10 mijë vota në zgjedhjet e fundit parlamentare dhe 10% sipas përqindjes së fituar ndërmjet partive politike, që kanë marrë pjesë në zgjedhjet e fundit parlamentare dhe kanë fituar 1 për qind të votave në shkallë vendi. Varianti i parë i buxhetit të shtetit kishte parashikuar 1.9 miliardë lekë për partitë politike, por pas tërmetit të 26 nëntorit, fondi u reduktua me 500 milionë lekë.