Arrestohen në Rinas tre persona me dokumente false
Me pasaporta të sozive të tyre tentuan të udhëtonin drejt BE
Sipas burimeve zyrtare të Policisë së Tiranës, operacioni i koduar "Shpërblimi" u zhvillua nga Policia Kufitare e Rinasit, në bashkëpunim me Seksionin për Hetimin e Trafiqeve të Paligjshme në Drejtorinë Vendore të Policisë Tiranë. Në pranga u vunë tre shtetas nga Gana dhe Kameruni, si dhe u shpallën në kërkim dy të tjerë nga Franca. Nga ky operacion u sekuestruan pasaporta e karta identiteti, që do përdoreshin me anë të ngjashmërisë për të kaluar kufirin drejt vendeve të BE- së.
RASTET Në vijim të goditjeve të njëpasnjëshme të realizuara nga Policia Kufitare e Rinasit, në bashkëpunim me Seksionin për Hetimin e Trafiqeve të Paligjshme në Drejtorinë Vendore të Policisë Tiranë, në Rinas u godit një tjetër rast i tentativës për kalim të kufirit me dokumente me ngjashmëri. Si rezultat i informacionit të marrë në rrugë operative dhe shkëmbimit në kohë të informacionit mes Policisë Kufitare të Rinasit dhe Seksionit për
Hetimin e Trafiqeve të Paligjshme në Drejtorinë Vendore të Policisë Tiranë dhe falë koordinimit të veprimeve në terren që zgjatën gati 48 orë, u finalizua me sukses operacioni policor i koduar "Shpërblimi", në kuadër të të cilit u bë kapja dhe arrestimi në flagrancë i shtetasve: J. B., 21 vjeç, lindur dhe banues në Kamerun ( organizator); B. A., 34 vjeç, lindur dhe banues në Gana; J. B., 23 vjeç, lindur dhe banues në Kamerun dhe u shpallën në kërkim shtetasit francezë D. I. dhe B. Y.
SHPËRBLIMI Nga hetimet e kryera nga ana Policisë ka rezultuar se shtetasi B. A., kundrejt shpërblimit monetar, ka siguruar nga shtetasi J. B. një pasaportë franceze që i përkiste shtetasit D. I. dhe duke përfituar nga ngjashmëria fizike me këtë shtetas ka tentuar të udhëtojë me këtë pasaportë nga Aeroporti i Rinasit në drejtim të vendeve të BE- së. Po nga hetimet ka rezultuar se 23vjeçari J. B., kundrejt shpërblimit monetar ka siguruar nga 21- vjeçari J. B. një kartë identiteti franceze që i përket shtetasit B. Y. dhe duke përfituar nga ngjashmëria fizike me këtë shtetas ka tentuar të udhëtojë me këtë pasaportë nga Aeroporti i Rinasit, në drejtim të vendeve të BE- së.