PIPERO: TË HAPEN PLAZHET DHE PISHINAT
Ka shkuar mbi 1 mijë numri i të infektuarve me koronavirus në vendin tonë. Dje janë konfirmuar 6 raste të reja, duke e çuar në 1004 numrin e të prekurve.
Por në pjesën dërrmuese, gati 80 për qind prej të infektuarve e kanë mposhtur këtë sëmundje duke rezultuar pozitivë në të dy testet e mëvonshme. Aktualisht, sipas autoriteteve janë vetëm 177 persona aktivë. Pjesa më e madhe prej tyre në Tiranë, Krujë dhe Durrës, ku ka pasur një riaktivizim të vatrës me burim infeksioni fasoneritë. "Numri i rasteve të konfirmuara pozitivë në të gjithë vendin sot ka kaluar mbi 1 mijë. Gjatë 24 orëve të fundit janë konfirmuar 6 raste pozitive, 4 raste janë në Tiranë dhe 2 në Shkodër, kryesisht kontakte të rasteve të mëparshme pozitive, por edhe raste në proces hetimi epidemiologjik. Po aq sa numri i të prekurve është edhe numri i të shëruarve gjatë 24 orëve të fundit. 6 raste janë të shëruar në 24 orët e fundit. Në vendin tonë, aktualisht janë 177 persona aktivë me Covid- 19, kryesisht ne Tiranë, Durrës dhe Krujë", ka bërë me dije Eugena Tomini, përfaqësuese e Task- Forcës së ngritur nga Ministria e Shëndetësisë.
SITUATA NË SPITAL
Por pavarësisht shifrave në rritje, situata në spital është e qetë. Aktualisht po marrin trajtim mjekësor vetëm 16 të infektuar. Pjesa tjetër po ndiqet në shtëpi nga mjeku i familjes. Në fundjavën që kaloi dhe dje, pritshmëritë ishin për shtim të rasteve, nisur edhe nga protestat e organizuara në mbrojtje të Teatrit Kombëtar. Por edhe dje, kurba njohu një rritje të lehtë, duke dëshmuar edhe një herë se më e keqja ka kaluar. Ekspertët janë të mendimit se edhe virulenca apo agresiviteti i virusit ka rënë. Pra, vetëm një përqindje e ulët e atyre që infektohen kanë nevojë për kujdes spitalor, pjesa tjetër janë asimptomatikë. "Mbështetur në strategjinë e lehtësimit të masave mbi kriteret e rasteve të shtruara në spital, rasteve që kërkojnë trajtim në terapi intensive, rasteve të humbjeve të jetës, situata ka qenë e qëndrueshme, përkundrejt 14 ditëve të vlerësimit të saj. Kurba epidemike
Mjeku infeksionist Pëllumb Pipero ka kërkuar nga autoritetet që të mundësohet frekuentimi i plazheve apo pishinave. "Sa më shpejt të mundësohet frekuentimi i plazheve apo pishinave, shumë më mirë do të ishte", u shpreh ai në një intervistë për "ABC News". Sipas doktorit, kemi mbërritur në fazën e fundit të pandemisë, kjo gjë dëshmohet edhe nga numri i rasteve pozitive asimptomaike, pra në pjesën dërrmuese të infektuarit nuk paraqesin shenja. "Indikatorët epidemiologjikë dhe klinikë mundësojnë hapjen e kufijve tokësorë apo shtimin e zonave të gjelbra, por kjo nuk do të thotë të ftojmë turistët dhe t'i mbajmë në karantinë. Unë do të këshilloja të gjitha resortet, baret, restorantet të respektojnë protokollet, por edhe qytetarët duhet të kenë kujdes. Në këtë fazë të hapjes, qytetarët duhet të shmangin grumbullimet", ka këshilluar doktori. në Shqipëri ka qenë e butë dhe e qëndrueshme. Hetimi i thelluar epidemiologjik ka treguar luhatje ditore të rasteve në dy javët e fundit. Situata në spitalin Infektiv paraqitet e qëndrueshme. Aktualisht po trajtohen 16 pacientë, ndërsa 4 prej tyre janë në terapi intensive", tha Tomini.
MASAT
Të dielën është prezantuar edhe plani i masave. Ka qenë sërish Kryeministri Rama që ka bërë të ditur kufizimet për ditët dhe javët në vijim. Paradoksalisht me situatën Rama ka paralajmëruar kufizim të lëvizjes edhe për dy fundjavat në vijim. Ndërkohë që duke nisur nga data 1 qershor do të hapen plazhet, por vetëm për resortet. Në ditët në vijim, Ministria e Turizmit pritet të publikojë edhe udhëzimin përkatës mbi protokollet e sigurisë që do të vihen në zbatim për të mos lejuar përhapjen e infeksionit.