Duka: Presim qeverinë për Superioren, në qershor vendosim për Champions- in
Edhe një herë tjetër, në një prononcim për mediat e huaja, presidenti i FSHF- së ka deklaruar se futbolli në Shqipëri pret përgjigjen e qeverisë për rifillimin. Armand Duka, edhe në cilësinë e anëtarit të Komitetit Ekzekutiv të UEFA- s, krahas situatës në vendin tonë, ka folur edhe mbi vendimet që do të ndërmarrë UEFA dhe për mënyrën se si do të mund të përcaktohet pjesa e mbetur e ndeshjeve të Ligës së Kampionëve. "Do të ndërmarrim një vendim se si do të përfundojnë kompeticionet europiane edhe se kur do të jetë dita përfundimtare për mbarimin e kampionateve", është shprehur Armand Duka, në cilësinë e anëtarit të Komitetit Ekzekutiv të UEFA- s. PROPOZIMI I FIFA- s Duka ka treguar se çfarë është propozuar nga FIFA në lidhje me kontratat e futbollistëve që përfundojnë në qershor. "FIFA ka propozuar që të shtyhet përfundimi i kontratave të futbollistëve për shkak të situatës emergjente. Tani ky sugjerim duhet të merret parasysh nga federatat e ndryshme të futbollit", është shprehur Duka. KAMPIONATET DHE CHAMPIONS- i Gjatë fjalës së tij, ai ka shpjeguar se çfarë do të ndodhë në Komitetin Ekzekutiv të UEFA- s, në lidhje me kampionatet europiane dhe kampionatet kombëtare në vende të ndryshme të Europës. "Më 17 qershor do të marrim një vendim se si do të përfundohen garat europiane dhe cila do të jetë dita e fundit kur duhet të përfundojnë kampionatet. Një ide që po vlerësohet është zhvillimi i çerekfinaleve të Ligës së Kampionëve me ndeshje teke dhe luajtja e gjysmëfinaleve dhe finales në Stamboll. Vendimi do të merret në 17 qershor", tha më tej ai. SITUATA NË SHQIPËRI
Presidenti i FSHF- së ka komentuar se çfarë ndodh me futbollin në vendin tonë, duke kujtuar edhe një herë se gjithçka varet nga qeveria. "Të gjitha skuadrat po stërviten. Presim të fillojë kampionati më 3 qershor. Po presim një përgjigje pozitive nga qeveria shqiptare. Në protokollin tonë, nëse një lojtar preket me COVID- 19, karantinohet vetëm ai dhe jo i gjithë ekipi në të cilin ai luan", ka deklaruar presidenti i Federatës Shqiptare të Futbollit, si dhe anëtari i Komitetit Ekzekutiv të UEFA- s, Armand Duka.