KREU I PD I PREMTON DHOMËS AMERIKANE LUFTËKUNDËR MONOPOLEVE
Kryetari i opozitës, Lulzim Basha, deklaroi dje se PD- ja ka një plan konkret për të dalë nga kriza që shkaktuan masat strikte për parandalimin e përhapjes së koronavirusit.
Gjatë një takimi që zhvilloi dje me përfaqësuesit e Dhomës së Tregtisë, Basha u shpreh se plani i PD- së shtrihet te ndihma financiare nga njëra anë dhe nga ana tjetër, lehtësirat nga taksat. “Unë dhe opozita e kemi një plan konkret për rimëkëmbjen ekonomike të vendit dhe rritjen e punësimit të shqiptarëve: ky është prioriteti absolut i programit tonë, ku përveç ndihmës financiare për të kapërcyer krizën, ne do të ofrojmë edhe instrumentet dhe financimin e duhur për ekonominë prodhuese, uljen e taksave, luftën ndaj monopoleve dhe klientelizmit, si dhe mbështetjen dhe financimin e projekteve madhore ekonomike, që do krijojnë punësim dhe mirëqenie për shqiptarët”, deklaroi kryeopozitari. Ndërkohë, duke iu referuar bashkëbisedimit që pati me përfaqësuesit e Dhomës së Tregtisë, sipas kreut të selisë blu, masat e marra nga qeveria kanë qenë joefektive. Për kryedemokratin Basha, shuma e parave e përcaktuar për t’u shpërndarë nga qeveria nuk jep efekt në ekonomi, ndërsa edhe më problematike u bë situata për shkak të vështirësive burokratike. “Me përfaqësinë më të lartë nga Dhoma e Tregtisë dhe Industrisë Tiranë diskutuam për krizën ekonomike pas pandemisë Covid- 19 dhe për alternativat tona për rimëkëmbjen e ekonomisë shqiptare. Ata shprehën shqetësimin e tyre se paketat 1 dhe 2 të ndërmarra nga qeveria kanë qenë joefektive dhe me një ndikim të papërfillshëm te biznesi. Masa e financimit është shumë e ulët, ndërsa pengesat burokratike i kanë bërë ato të pazbatueshme. Si rrjedhojë, sot në kohë emergjence financimi i ekonomisë është inekzistent, ndërsa sektorë si biznesi prodhues, turizmi, bujqësia dhe transporti mbeten ende pa asnjë mbështetje”, tha
Basha.
AKUZAT Kryetari i PD- së, Lulzim Basha, u kujtoi përfaqësuesve të Dhomës së Tregtisë rekomandimet që PD- ja bëri për t’u ardhur në ndihmë qytetarëve dhe bizneseve në kohën e pandemisë, ndërkohë akuzoi edhe kreun e qeverisë se i refuzoi ato dhe zgjodhi të shpërndante paratë e buxhetit të shtetit me miqtë e tij, që Basha i quan oligarkë. “Menaxhimi i pandemisë dhe krizës ekonomike është dështimi më i madh i Ramës. Fatkeqësisht, këto dështime po u kushtojnë shumë shtrenjtë shqiptarëve dhe ekonomisë së tyre, që sot po varfërohen edhe më shumë. Partia Demokratike propozoi masa konkrete mbështetëse për biznesin vendës dhe për të punësuarit e tij, por Rama zgjodhi t’i harxhojë lekët e
Pak ditë më parë, kreu i selisë blu priti në zyrën e tij edhe përfaqësuesit e Dhomës Amerikane të Tregtisë. Zyra e medias e selisë blu bëri me dije pak ditë më parë se Basha u premtoi përfaqësuesve të AmCham, se ka në prioritet luftën kundër monopoleve dhe thithjen e investimeve të huaja. “Lufta kundër monopoleve dhe trajtimit të pandershëm të investitorëve në Shqipëri, lufta kundër korrupsionit dhe klientelizmit, sundimi i ligjit dhe siguria juridike, janë disa nga sfidat jetike para të cilave ndodhet vendi dhe ekonomia. Në takim diskutuam edhe mbi pasojat e Covid- 19 në ekonominë shqiptare. Aksesi në likuiditet, lehtësimi i barrës fiskale për bizneset dhe mbështetja ndaj tyre për të ruajtur vendet e punës, janë ndër kërkesat e kahershme të AmCham dhe çështje prioritare të platformës sonë”, deklaroi Lulzim Basha. buxhetit të shtetit për një grusht oligarkësh dhe jo për njerëzit. Ai është sot e keqja më e madhe për vendin”, vijoi ai.