Sot, takimi PS- PD- LSI për zgjedhjet, propozimi i ish- Kryeministrit Meksi: Parlament me 100 deputetë
Mediu: “Nëse hiqen koalicionet, 20% e qytetarëve mbesin pa përfaqësim”. Ndoka: “Është grusht shteti, do ta pengojmë”
Teksa sot pritet që të rimblidhet Këshilli Politik i Reformës Zgjedhore për të diskutuar ndryshimin e Kushtetutës, aleatët e Partisë Demokratike rrisin presonin ndaj maxhorancës për t’u tërhequr nga ideja e heqjes së koalicioneve dhe vendosjes së pragut kombëtar. Në një intervistë për gazetën “Panorama”, tre kryetarët e partive në opozitë, Fatmir Mediu, Nard Ndoka dhe Agron Duka, ndajnë të njëjtin mendim se nisma për ndryshimin e dy neneve në Kushtetutë është hartuar nga Kryeministri Rama duke përdorur 28 deputetët e opozitës parlamentare. Ata hedhin poshtë pretendimin e kreut të qeverisë Rama se partitë e vogla rrisin korrupsionin, duke i kujtuar raportin e “Transparency International”, që tregon se vitet e fundit kur Partia Socialiste ka drejtuar e vetme, korrupsioni është rritur. Po ashtu, sipas tyre ndryshimet kushtetuese në këtë moment janë grusht shteti dhe realizimi i tyre do të linte pa përfaqësuar 20% të qytetarëve. Duka, Ndoka e Mediu shprehen se janë në sinkronizim të plotë me PD- në për të mos lejuar heqjen e koalicioneve dhe vendosjen e pragut dhe për këtë, ata thanë se do të përdorin çdo mekanizëm, duke filluar nga informimi i ndërkombëtarëve, të cilët ishin të pranishëm në firmosjen e marrëveshjes së 5 qershorit, dërgimin e ndryshimeve kushtetuese në VENECIA nëse do të realizohet e deri te protestat.
A jeni ju dakord me nismën e 28 deputetëve, që tashmë ka edhe mbështetjen e maxhorancës për ndryshimet kushtetuese që eliminojnë koalicionet tradicionale dhe e sanksionojnë në Kushtetutë pragun kombëtar?
Agron Duka: Ne si opozitë e bashkuar e kemi deklaruar prej kohësh që jemi kundër ndryshimeve kushtetuese të kryera në këtë formë. Është një pabesi dhe një imoralitet, sidomos nga ana e Ramës, i cili jo vetëm po shkel marrëveshjen e 5 qershorit, por njëkohësisht, pasi erdhi në pushtet nëpërmjet koalicioneve në vitin 2013, i ndalon ato sepse nuk i leverdisin atij. Pra, një qëndrim qesharak. Bëni si them unë, por mos bëni si bëj unë, i cili po dëmton seriozisht shanset europiane të Shqipërisë. Ju e patë qëndrimin shumë të qartë të Bundestagut dhe përfaqësuesit gjermanë për politikën e jashtme, të cilët vendosën në dyshim negociatat për shkak vetëm të papërgjegjshmërisë së Edi Ramës. Madje, duke na ndarë përfundimisht nga Maqedonia në procesin e bisedimeve.
Fatmir Mediu: Kjo nismë është e Edi Ramës, së cilës i janë bashkuar disa deputetë në Parlament për interes të hapjes së listave, duke e parë si një mundësi për t’u zgjedhur në Parlament, por duke bërë lojën e Ramës, i cili nëpërmjet kësaj nisme kërkon të vjedhë zgjedhjet në tavolinë, duke përjashtuar koalicionet dhe rritur pragun elektoral, konkretisht lë pa përfaqësim në Parlament rreth 20% të elektoratit.
Nard Ndoka: Nisma në fakt është e gatuar në kuzhinën e Ramës, këta firmëtarët po keqpërdoren thjesht për ta ngrënë këtë çorbë politike, duke i bërë shërbimin e fundit Ramsit, vendit dhe vetes se tyre.
A kanë aleatët e opozitës një plan B nëse Kryeministri i shkon deri në fund nismës për ndryshimet kushtetuese?
Fatmir Mediu: Unë mendoj që Rama është vendosur qëllimisht kundër demokracisë shqiptare, kundër shqiptarëve dhe partnerëve ndërkombëtarë. Ai është vendosur kundër integrimit europian të vendit. Opozita duhet të ngrejë në këmbë gjithë shoqërinë shqiptare, për të mos lejuar shkatërrimin e vendit dhe manipulimin e zgjedhjeve nga Rama. Kjo që bën Rama është njësoj si ajo që ka bërë Putin në Rusi, madje në mënyrë më brutale dhe antidemokratike. Opozita duhet të bashkohet me komunitetin ndërkombëtar kundër kësaj neodiktature dhe regjimi antikushtetues.
Nard Ndoka: Ne jemi të ndërgjegjshëm dhe të përgjegjshëm për t’i dalë për zot vendit, Kushtetutës, pluralizmit dhe standardeve të zgjedhjeve. Sot jemi të
DUKA: Për të mbrojtur këtë marrëveshje, do të ndjekim të gjitha rrugët, për ta filluar me informimin dhe sensibilizimin sa më të madh të ndërkombëtarëve, tek apeli për Presidentin e Republikës për të mos e kaluar atë, te Gjykata Kushtetuese, për të vijuar me Komisionin e Venecias dhe deri te protestat.
fokusuar te ndërgjegjësimi i qytetarëve për rrezikun që Rama po gatuan, po bashkëpunojmë ngushtë me faktorin ndërkombëtar. Natyrisht që kemi planet dhe objektivat tona për t’u përballur me bandën e rilindjes në pushtet.
Agron Duka: Opozita formalisht kishte në dorë të binte në ujdi dhe ne ramë në ujdi më 5 qershor. Për të mbrojtur këtë marrëveshje do të ndjekim të gjitha rrugët, për ta filluar me informimin dhe sensibilizimin sa më të madh të ndërkombëtarëve, tek apeli për Presidentin e Republikës për të mos e kaluar atë, te Gjykata Kushtetuese për të vijuar me Komisionin e Venecias dhe deri te protestat. Mjete ka plot dhe ne nuk do të presim që marrëzia që ka kapluar parlamentarët nga joshjet ose presioni i Ramës, të pengojnë zgjedhjet e lira dhe të ndershme.
Ndryshimet që aspiron maxhoranca, në thelb dhe më së tepërmi dëmtojnë partitë e vogla dhe ato të reja. Nëse kjo që është nisur në Parlament ndodh, çfarë do të bëni ju?
Nard Ndoka: Kjo që po ndodh është një grusht shteti dhe do bëjmë maksimalen që ta pengojmë dhe ta zhbëjmë. Kjo është goditja më e rëndë që i bëhet pluralizmit nga një i çmendur në këto 30 vite pluralizëm. Nuk kemi frikë nga përballja që në thelb ka votën e qytetarëve, as nga taktikat djallëzore të Ramës. Do t’i kundërpërgjigjemi së keqes që kemi përballë me organizim dhe me mënyrat e format më të mira të mundshme.
Agron Duka: Me bekimin e kryesisë së Partisë Agrare Ambientaliste, unë do të jem i pari në listën e partisë sonë për Qarkun e Durrësit dhe listat e PAA- së do të jenë të tilla në të gjitha qarqet, pasi nuk do të ketë asnjë ndryshim të njëanshëm të Kushtetutës. Jo vetëm sepse dëmton partitë e vogla, por në thelb dëmton demokracinë. Me prag aq të lartë dhe me heqjen e koalicioneve, qindra e mijëra njerëz do të jenë të papërfaqësuar, duke mbetur pa zë në institucionet vendimmar
MEDIU: Kjo dëmton zgjedhjet dhe çdo shqiptar, është shkatërrim i shtetit, Kushtetutës dhe parlamentarizmit. Opozita duhet të jetë proaktive për ta frenuar, apo gjetur rrugët për t’u përballur. Kur dhe çfarë duhet, besoj duhet diskutuar dhe vendosur shpejt.
rëse të vendit.
Fatmir Mediu: Kjo dëmton zgjedhjet dhe çdo shqiptar, është shkatërrim i shtetit, Kushtetutës dhe parlamentarizmit. Opozita duhet të jetë proaktive për ta frenuar, apo gjetur rrugët për t’u përballur. Kur dhe çfarë duhet, besoj duhet diskutuar dhe vendosur shpejt.
Sipas jush, si mund të frenohet kjo nismë e maxhorancës?
Agron Duka: Kam bindjen se frika e Ramës ndaj humbjes e ka detyruar atë të guxojë më shumë sesa mund të mbajë ndaj ndërkombëtarëve. Prandaj, do të shohim reagime përherë e më të forta në ditët në vijim nga partnerët tanë, të cilët nuk mund të lejojnë që investimi i bërë në dy marrëveshje politike, ajo e vitit 2017, e cila qartësisht u thye sikurse tregojnë dhe përgjimet e “Bild” dhe kjo e 5 qershorit, të grisen nga Rama për qëllimet e tija politike dhe kostot e tyre t’i paguajnë qytetarët shqiptarë. Edhe nëse Rama vendos t’i shkojë deri në fund kësaj sipërmarrjeje të rrezikshme, nuk do të bëjë gjë tjetër veçse do të përshpejtojë rënien e tij, duke i bërë edhe më të rënda pasojat për Partinë Socialiste, e cila do të ketë mbi shpinë një trashëgimi aspak të lavdishme.
Fatmir Mediu: Besoj që shoqëria shqiptare nuk mund të pranojë marrëzinë e kohës së diktaturës.
Nard Ndoka: Këto nisma provokuese, të njëanshme dhe antikushtetuese do të frenohen dhe rrëzohen. Ndërkombëtarët folën qartë kundër tyre. Nëse kjo ndodh, ne do izolojmë veten nga bota. Presidenti foli, nëse këto kalojnë, Presidenca do t’i kthejë sërish si antikushtetuese. Reagimi opozitar dhe qytetar do të rritet në maksimum. BE- ja pritet të mbajë një qëndrim kritik për politikën, vendin e qytetarët, do të aktivizojë regjimin e vizave, derisa regjimi i rilindjes të ikë. Pra, Edi Rama po i ndërton vetes fundin politik, madje të trishtueshëm.