DORËHEQJA E HARADINAJT
Presidenti i Kosovës, Hashim Thaçi, u kthye të premten në Kosovë pas katër ditësh qëndrimi dhe marrje në pyetje në Prokurorinë Speciale për Krime Lufte në Hagë dhe me gjithë kuriozitetin publik, nuk dha asnjë detaj për çfarë ishte ato katër ditë, për mbi gjashtë orë intervistim.
Askush nuk mund të parashikojë qartë se çfarë do të ndodhë tani me Presidentin e Kosovës, gjithçka varet nga gjykimi i ekspertëve të drejtësisë në Hagë mbi dëshminë e tij. Por gjykatësi që ka përsipër çështjen e Thaçit në strukturat e specializuara të drejtësisë ndërkombëtare, ka kohë deri më 24 tetor për të vendosur nëse Presidenti do të gjykohet apo akuzat e ngritura nga prokurorët nuk kanë bazë të qëndrueshme. Me konfirmimin e cilësdo prej akuzave të aktakuzës, i dyshuari bëhet i akuzuar dhe gjykatësi i procedurës paraprake mund të lëshojë një fletarrestim apo një urdhërparaqitje. Përgjigjja nga Haga mund të dalë edhe më shpejt nëse gjykatësi është i qartë. Nëse akuza aktuale quhet e pabazë pas dëshmisë së Thaçit, prokurorët kanë të drejtë të rindërtojnë akuzën e tyre, duke modifikuar apo përdorur vetëm pjesë të saj, siç ka ndodhur me ish- luftëtarët e tjerë. Thaçi është ftuar në Hagë, pasi Zyra e Prokurorit të Specializuar ka njoftuar muajin e kaluar se më 24 prill ka paraqitur një aktakuzë për krime lufte dhe krime kundër njerëzimit kundër tij, kundër kryetarit të Partisë Demokratike të Kosovës, Kadri Veseli, dhe disa të tjerëve, emrat e të cilëve nuk janë bërë publikë, për përfshirje në mbi 100 vrasje.
Pas daljes së Thaçit nga Prokuroria, gazetarët u interesuan nëse Presidenti është pyetur për krimet e supozuara në të ashtuquajturën “Shtëpia e verdhë” dhe për krimet e pasluftës. “Sonte nuk e kam të drejtën të flas lidhur për asnjë informacion për dëshminë time tash e
Ish- Kryeministri i Kosovës, Ramush Haradinaj, ka dhënë dorëheqje më 19 korrik të vitit 2019, sepse ai kishte marrë ftesë nga Gjykata Speciale në Hagë. “Arsyeja e këtij vendimi është se kam marrë thirrje të paraqitem për t’u marrë në pyetje nga Dhomat e Specializuara në Hagë si i dyshuar”, tha Haradinaj. katër ditë, mirëpo lidhur me pyetjen tuaj që ju parashtruat, deri më sot nuk jam pyetur për pretendime të tilla në asnjë rast. E ritheksoj edhe një herë, pretendime të tilla nuk janë parashtruar në adresën time për këtë periudhë”, tha Thaçi. “Gjatë këtyre katër ditëve jam munduar të sqaroj dhe të jap informacione për rolin tim, përgjegjësitë e mia gjatë luftës, këtë periudhë që mbulon mandati i Gjykatës Speciale. Përkundër faktit që dëshmia ime ka zgjatur shumë, unë konsideroj se kemi pasur seanca produktive. Tani i mbetet prokurorit dhe gjykatësit që të vlerësojnë me paanshmëri dhe me mendje të hapur dëshminë time. Në rast se ata bëjnë një gjë të tillë në mënyrë profesionale, të paanshme dhe të ndershme, ata lehtë mund të vijnë në përfundimin se unë se nuk kam bërë asnjë lloj krimi apo shkelje të pretenduara”, shtoi Thaçi.
Deklarata e tij më e plotë pritej ditën e shtunë, por Thaçi nuk dha sërish detaje mbi marrjen në pyetje. Ai tha se e respekton procesin për zbardhjen e së vërtetës nga Zyra e Prokurorit të Specializuar në Hagë dhe se “Ky proces do të vulosë njëherë e përgjithmonë rolin historik të UÇK- së”. Gjatë ditës së shtunë, përveç deklaratës Thaçi ka publikuar 24 foto nga rrugëtimi i tij në Hagë, ku falënderonte të gjithë ata që e kanë mbështetur në dyert e Prokurorisë Speciale, por edhe për pritjen në Kosovë. Të dielën, Presidenti i Kosovës ka kujtuar betejën e Rahovecit dhe ata që humbën jetën, ka kaluar ditën duke u ngjitur në ujëvarat e malit të Sharrit dhe duke vizituar prindërit e tij në vendlindje, me të cilët ka publikuar edhe foto në rrjetet sociale.