EDHE PEDAGOGËT KUNDËR REKTORIT
“Proceset normale zgjedhore nuk mund të mbeten peng i përpjekjeve tuaja të vazhdueshme për të krijuar tensione në Universitetin e Tiranës”.
Kështu i është përgjigjur ministrja e Arsimit, Besa Shahini, rektorit të UT- së, Mynyr Konit, pas konkludimit të tij se s’do të ketë zgjedhje, në pamundësi për të formatuar komisionet zgjedhore. Përmes një letre që mban datën 20 korrik, ministrja shprehet prerë se procesi zgjedhor është tejet i ligjshëm dhe se në 30 korrik do të ketë drejtues të rinj. Në letërkëmbimin, që me gjasë do të jetë i fundit midis ty titullarëve, ministrja i shpreh gjithë zhgënjimin e saj për rolin e Konit në institucionin më të madh universitar. “Në kohë krizash, si kjo e pandemisë COVID- 19, njerëzit bëhen bashkë dhe përpiqen të tejkalojnë situatat e vështira, duke ndihmuar njëri- tjetrin. Ju më keni zhgënjyer gjithmonë me prirjen për të mos bashkëpunuar dhe për krijimin e situatave problematike në institucion”. Përpos përplasjeve të brendshme në universitet, rektori ka fituar edhe “inatin” e ministres, e cila kërkoi shkarkimin e tij, propozim ky që u kthye mbrapsht nga Presidenti. THEMELIMI I KIZ- IT Në katër vite qeverisje UTnë e kanë shoqëruar vetëm ngërçe, akuza- kundërakuza e procese gjyqësore të pafundme. Muajt e fundit përplasjet brenda trupës drejtuese u zhvendosën në institucionin zgjedhor ( KIZ). Shkëndijë për këtë sherr shërbeu vendimi për çeljen e kandidimeve, që vijon edhe sot. Lidhur me këtë, ministrja vë në dijeni rektorin se kishte kohë mjaftueshëm të themelonte KIZ- in e ri. “Menjëherë pas daljes së urdhrit në janar 2020, keni qenë të detyruar të themeloni Komisionin Institucional të Zgjedhjeve dhe Këshillin e Etikës. Me sa jam informuar, ju këto institucione nuk i keni themeluar. Për shkak të pandemisë, me kërkesë të rektorëve u detyruam ta shtyjmë dy herë datën e zgjedhjeve. IAL- të e tjera
Shkarkimi i pedagoges së Shkencave Sociale, për pedagogët është jo vetëm i padrejtë, por edhe i paligjshëm. Përmes një deklarate, Sindikata e Personelit Akademik Universitar kërkon shfuqizimin e menjëhershëm të vendimit nga ana e rektorit. “Akti i fundit, ai i pushimit nga puna të anëtares së SPAU/ Seksioni FSHS, pedagoges Eliona Kulluri, përkohësisht edhe zv. kryetare e Senatit Akademik UT, konsiderohet nga ana jonë si një akt i pabazuar në ligj dhe i padrejtë. Akti shkel konkretisht nenin 68/ 2 të Ligjit 80/ 2015 dhe nenin 76 të Statutit të UT- së, ku në të dyja nenet theksohet se procedura e heqjes nga puna e personelit akademik për shkelje të rënda dhe/ ose të përsëritura bëhet nga rektori me propozim të drejtuesit të njësisë bazë dhe të miratuar nga ana e një komisioni ad hoc të ngritur nga Senati, pas zhvillimit të një procedure verifikimi. Në këtë rast, një procedurë e tillë nuk është respektuar”. publike kishin themeluar KIZet dhe ishin gati në çdo moment, ndërsa ju nuk i kishit themeluar. Rrjedhimisht, KIZi ekzistues ka vijuar punën. Mandati i anëtarëve të KIZ- it është po aq i vlefshëm sa dhe mandati juaj”, nënvizon Shahini, duke shtuar në fund se përgatitjet për zgjedhje gjatë kësaj kohe kanë qenë plotësisht brenda parashikimeve ligjore, dhe si të tilla, duhet të vazhdojnë deri në përfundim.