Meta akuza PS: Doli kundër “Venecias”, hoqi betimin e gjyqtarëve te Presidenti
“Kuvendi mori një akt që është në kundërshtim me rekomandimet e ‘ Venecias’. U prekën pabesisht ligjet e Reformës në Drejtësi”
Konferencën e djeshme të përjavshme për mediat, Presidenti Meta ia dedikoi në pjesën më të madhe të saj një ligji që maxhoranca socialiste miratoi të enjten “Për statusin e gjyqtarëve dhe prokurorëve në Republikën e Shqipërisë, të ndryshuar”.
Ligji në fjalë, që ishte kthyer më herët nga Presidenti Meta bashkë me ligjin për procedurat e betimit të gjyqtarëve të Gjykatës Kushtetuese, nuk u pranua nga maxhoranca në Kuvend, duke rrëzuar dekretin dhe duke i dhënë mundësinë që të futet në fuqi.
DY QENDRIMET E KUVENDIT
Këtë sjellje të maxhoranës, e cila për ligjin e gjyqtarëve të Gjykatës Kushtetuese pranoi rekomandimet e “Venecias” dhe nuk e votoi sërish, ndërsa për ligjin tjetër të ngjashëm për “Për statusin e gjyqtarëve dhe prokurorëve në Republikën e Shqipërisë të ndryshuar” e rrëzoi dekretin, Meta e cilësoi si një sjellje tinëzare me dy fytyra të Kuvendit. “Dje, Kuvendi ka miratuar dekretin e Presidentit për kthimin për rishqyrtim për Gjykatën Kushtetuese. Ky është ai dekret që pata kënaqësi që ta nënshkruaja, para sovranit në manifestimin në bulevardin ‘ Dëshmorët e Kombit’ në 2 mars. Ky dekret gjeti një mbështetje të gjerë popullore dhe pranimi i tij tregon qartë se maxhoranca u detyrua të pranojë fuqinë e popullit, të cilit i përket sovraniteti në Shqipëri. Por, në të njëjtën ditë kur vëmendja juaj ka qenë e përqendruar në çështje shumë më zhurmëmëdha, Kuvendi çuditërisht mori dhe një akt tjetër, që është pikërisht në kundërshtim më këtë filozofi dhe me rekomandimet e Komisionit të Venecias. Kuvendi u soll krejt ndryshe me ligjin tjetër ‘ Për disa shtesa dhe ndryshime në ligjin nr. 96/ 2016, Për statusin e gjyqtarëve dhe prokurorëve në Republikën e Shqipërisë, të ndryshuar’. Përmes këtij ligji, Kuvendi preku në mënyrë të njëanshme, të shëmtuar dhe të pabesë, ligjet e Reformës në Drejtësi, të miratuara me konsensus dhe veproi krejt ndryshe nga çfarë ka rekomanduar edhe së fundmi Komisioni i Venecias”, tha Meta. NDARJA E GJYQTARËVE DHE PROKURORËVE Meta theksoi se me miratimin e këtij ligji rrezikohet shumë ndarja në disa kategori e gjyqtarëve të Gjykatës së Lartë dhe e prokurorëve të SPAK, pasi ata që tashmë janë emëruar në këto institucione janë emëruar te Presidenti, ndërsa ata që do të zgjidhen më pas nuk do të kryejnë këtë ceremonial. “Përmes këtij ligji, Kuvendi i hoqi Presidentit kompetencën për të pranuar betimin e gjyqtarit të Gjykatës së Lartë dhe të prokurorit të Prokurorisë së Posaçme Antikorrupsion. Përmes këtij ligji, ky Kuvend njëpartiak i ndau gjyqtarët e Gjykatës së Lartë në Republikën e Shqipërisë në tri kategori: Në gjyqtarë që pritet të emërohen në Gjykatën e Lartë dhe që nuk kanë më detyrim për t’u betuar. Në gjyqtarë të cilët vijnë nga radhët e juristëve të spikatur, që do të duhet të betohen jo si 3 kolegët e tjerë, të cilët janë betuar përpara Presidentit sipas ligjit, por që mund të zgjedhin të postojnë betimin edhe në një copë letër në adresë të Këshillit të Lartë Gjyqësor. Përmes këtij ndryshimi në ligj, krijohet rreziku i shkeljes së integritetit të Gjykatës së Lartë, me disa anëtarë të betuar dhe disa jo. Ndërkohë, të mos harrojmë që Gjykata e Lartë është kompetente edhe për zgjedhjen edhe të 3 anëtarëve të Gjykatës Kushtetuese. Pra, në këtë mënyrë është cenuar edhe integriteti i një pjese të Gjykatës Kushtetuese. Të mos harrojmë se ngritja e Gjykatës së Lartë dhe Gjykatës Kushtetuese, në përputhje të Kushtetutës dhe të rekomandimeve të Komisionit të Venecias, janë dy nga kushtet kryesore të Parlamentin Europian, të Bunde
PRESIDENTI META, DJE GJATE KONFERENCES PER MEDIAT
Kuvendi çuditërisht mori dhe një akt tjetër, që është pikërisht në kundërshtim më këtë filozofi dhe me rekomandimet e Komisionit të Venecias. Përmes këtij ligji, Kuvendi preku në mënyrë të njëanshme, të shëmtuar dhe të pabesë, ligjet e Reformës në Drejtësi
stagut dhe të vendeve anëtare të Bashkimit Europian. Me këtë ligj, Kuvendi i ndau prokurorët e SPAK në dy pjesë: në prokurorë që tashmë janë betuar sipas ligjit përpara kreut të shtetit dhe kanë filluar detyrën dhe në prokurorë të tjerë që pas hyrjes në fuqi të këtyre ndryshimeve ligjore, nuk kanë më detyrim të betohen për marrjen e kësaj detyre përpara asnjë autoriteti”, deklaroi Presidenti.
RËNDËSIA E BETIMIT TE PRESIDENTI
Meta shpjegoi edhe rëndësinë që ka betimi te Presidenti për këta zyrtarë, duke cituar edhe nenet e Kushtetutës që shkelen nga ky ligj. “Kryerja e betimit para Presidentit të Republikës nuk është vetëm një akt formal, honorifik apo ceremonial. Edhe pse kjo kompetencë e parashikuar në ligjin fillestar është shfuqizuar një herë me Vendimin nr. 34, datë 10.04.2017 të Gjykatës Kushtetuese, sërish maxhoranca e rifut atë në mënyrë tinëzare përmes këtyre ndryshimeve ligjore. Parlamenti njëpartiak, përmes këtyre ndryshimeve në ligjin nr. 96/ 2016, shkeli nenet 7, 42, 116, 140, 145, 147/ a të Kushtetutës dhe vendimin nr. 34, datë 10.04.2017, të Gjykatës Kushtetuese, posaçërisht për këtë çështje”, sqaroi Presidenti.
NJOFTIMI I NDËRKOMBËTARËVE
Në fund, kreu i shtetit, Meta, theksoi se shqetësimet në lidhje me këtë ligj ua ka përcjell edhe diplomatëve të huaj në vendin tonë. “Unë ua kam paraqitur në mënyrë të detajuar, pasi dihet që BE jep qindra mln euro për drejtësi, jo për rrumpallë. Ne do vijojmë të informojmë partnerët tanë për këtë çështje, sepse problemet e Gjykatës Kushtetuese, Gjykatës së Lartë e SPAK dhe funksionimit të ligjit ndiqen në mënyrë të herëpashershme”, u shpreh Meta.