Situata nga COVID në Kosovë, 228 të vdekur

Hoti: Gjendja është e rëndë, faleminderit atyre që respektojnë masat

Kosova po përballet me një nga situatat më dramatike në rajon në lidhje me koronavirusin dhe viktimat e shkaktuara prej tij në spitalet e saj. Gjatë 24 orëve të së premtes, 15 persona, sipas të dhënave të IKSHPKsë, kanë vdekur nga COVID- 19. Disa orë më pas, edhe një person tjetër ka vdekur në Kamenicë nga e njëjta sëmundje, duke e çuar në 228 numrin e të vdekurve. Gjithashtu, është shënuar numër i lartë i atyre që kanë rezultuar pozitivë në testet e Institutit. Nga 459 mostrat e marra të IKSHPK- së, 226 persona kanë rezultuar pozitivë. Në të njëjtën hapësirë kohore janë shëruar edhe 115 pacientë. Prishtina vazhdon të jetë në krye të listës me 82 raste të konfirmuara me COVID- 19 në 24 orë. Më pas janë Komuna e Podujevës me 26 raste, Fushë- Kosova me 18, Mitrovica me 15 raste etj. Të premten, drejtoresha e Klinikës Infektive ka thënë se gjendja e pacientëve që po pranohen në këtë klinikë, është rënduar nga dita në ditë.

Ndërsa Kryeministri i Kosovës, gjatë një vizite që i ka bërë IKSHPK- së në Festën e Kurban Bajramit, pranoi se gjendja me COVID- 19 në vendin e tij është e rëndë. Hoti i falënderoi qytetarët e Kosovës që në ditën e Festës së Kurban Bajramit kanë respektuar masat dhe apelin e qeverisë së Kosovës që të mos i vizitojnë objektet fetare, në këtë rast xhamitë. "Unë sot i falënderoj të gjithë qytetarët që po i respektojnë masat për këtë ditë feste. Duket që apeli që kemi bërë si qeveri, bashkë me të gjitha institucionet dhe aktorët e tjerë të përfshirë në menaxhimin e kësaj situate, ka dhënë efekt. Shpresoj që kjo të vazhdojë dhe njerëzit t'i respektojnë masat dhe të jenë të vetëdijshëm, sepse vetëm kështu mund ta menaxhojmë këtë situatë", tha Hoti. Ai ka falënderuar stafin në Qendrën Klini