Balla: Proces me integritet të plotë për anëtarësinë

Sekretari i Përgjithshëm i PS- së, Taulant Balla, duke shpjeguar platformën e re online, tha se ky do të jetë një proces me integritet të plotë. “Çdo anëtar i PS- së që tashmë i ka të gjitha të dhënat të hedhura në platformën dixhitale të sekretuar do të marrë përmes shërbimit postar kredencialet për të aksesuar platformën ‘ anëtarësia. ps. al’”. Anëtari merr kodin e përdoruesit dhe fjalëkalimin dhe faqja e parë ku ai akseson është lista e kandidatëve të qarkut ku ai bën pjesë e renditur alfabetikisht ku secili prej tyre do të vlerësohet lidhur me performancën, theksoi Balla. “Dua të garantoj çdo anëtar të Partisë Socialiste që ky është një proces me integritet të plotë, ku vlerësimi i tyre është shumë konfidencial dhe është shumë e rëndësishme që gjithkush të marrë pjesë”, u shpreh Balla. Sipas tij, “anëtarët e PS- së janë pa dyshim struktura që merr vendimet më të rëndësishme dhe konsultimi i anëtarësisë së partisë lidhur me ekipin që do të garojë në zgjedhjet e 25 prillit është një prej qëllimeve të këtij procesi”. Çdo anëtar i PSsë ka kohë 50- ditore dhe në përfundim të dhënat do të përpunohen duke ruajtur konfidencialitetin, pasi siç u shpreh Balla, “neve na duhet realisht se çfarë mendon anëtarësia e PS- së”. Ai foli dhe për procesin paralel të pyetjes së anëtarësisë që po zhvillohet në PD. “Kjo është një risi që përshtatet në fakt edhe me nevojat që solli pandemia, pra është nevojë në kushtet kur nuk mund të mblidhemi në takime të mëdha, nuk mund të zhvillojmë procese tradicionale votimi që mund të transformohen pastaj edhe në procese qesharake sikundër keni parë në ndonjë forcë tjetër politike ku ndodhin elemente të padëgjuara më parë që voton ata që nuk do. Unë di që historikisht duhet të votosh atë që do, atë që beson. Qesharakja thellohet kur për të shpëtuar njërin apo tjetrin, duhet të rrisësh fiktivisht numrin e pjesëmarrësve”, theksoi Balla.