Basha te greva e naftëtarëve: 8 milionë euro t’ua japë shteti
Rama: Kam takuar Presidentin e Azerbajxhanit enkas për këtë problem
Në një kohë që greva e urisë së naftëtarëve të Uzinës së Përpunimit të Naftës në Ballsh dje ishte në ditën e saj të nëntë, reagimet nga politika shqiptare ishin të ndryshime.
Edhe Kryeministri Rama, edhe kreu i PD- së, Lulzim Basha, u s e n s i b i l i z u a n me problemin që kanë këta qytetarë.
RAMA Kryeministri Rama foli nga salla e konferencave për naftëtarët, duke theksuar se bëhet fjalë për një problem ku shteti nuk ka dorë, por se qeveria ka qenë e angazhuar v a z h d i m i s h t për t’u dhënë një zgjidhje. Rama nënvizoi në fjalën e tij se takimi në Turqi me Presidentin e Azerbajxhanit, Alijev, kishte qenë enkas për zgjidhjen e këtij problemi. “Ajo është një kompani e privatizuar në mënyrë kriminale dhe këto janë pasojat. Ne dhe unë personalisht jemi përfshirë në mënyrë të vazhdueshme për të mbështetur ata njerëz që janë aty, duke bërë lloj- lloj akrobacisë që ajo ndërmarrje të mund të vazhdojë normalisht. Jo më larg se pak javë më parë kam shkuar enkas për të takuar Presidentin e Azerbajxhanit. Sot ( dje) pasdite do të marr informacion se çfarë të rejash ka me kompaninë që do të hynte në procesin e ndezjes së rafinerisë. Në këtë pikë kemi bërë sa kemi mundur, por për të na fajësuar dhe për të thënë që ne jemi përgjegjës për këtë, është e tepërt. Do të bëjmë çmos, por është një ndërmarrje, e cila qysh në krye të herës duhej të ishte rimëkëmbur përmes investimesh, dhe privatizimi ishte kriminal”, u shpreh Rama.
BASHA Ndërsa kreu i PD- së, Lulzim Basha, zgjodhi që t’i vizitonte nga afër naftëtarët që janë në greve urie për pagat e prapambetura dhe mbylljen e rafinerisë.
Basha tha para naftëtarëve se paratë që atyre iu takojnë duhet të jepen nga qeveria dhe më pas t’u ushtrohet presion kompanive që kanë shkaktuar këtë situatë. Kreu i PD- së po ashtu kërkoi reagim dhe hetim nga organet e reja të drejtësisë, duke e cilësuar atë që po ndodh si një krim. “Sot ( dje) pasdite u takova me naftëtarët në Ballsh, të cilët kanë hyrë prej ditësh në grevë urie, si rruga e fundit për të kërkuar pagat e tyre të papaguara. Për fat të keq, korrupsioni, skemat mashtruese dhe babëzia e pushtetit e kanë shndërruar naftën, nga një bekim prej Zotit, në një mallkim për banorët dhe veçanërisht për naftëtarët që punojnë dhe nuk marrin shpërblimin për mundin dhe djersën e tyre. E kam diskutuar gjerësisht mundësinë e zgjidhjes së kësaj situate dhe së bashku me ekspertët tanë gjetëm si opsionin më të mirë dhe më të shpejtë, që naftëtarët dhe familjet e tyre të mos vazhdojnë të vuajnë e zhyten në borxhe, pagesa e pagave të fituara me gjyq të mbulohet nga shteti. Dhe njëkohësisht kjo shumë prej 8 milionë eurosh do t’u merret përgjegjësve dhe abuzueseve që e kanë çuar situatën në këtë gjendje. Çdo qindarkë e grabitur në këto afera nga kompani që vijnë e shkojnë në ortakëri me qeverinë, do t’u kthehet naftëtarëve dhe qytetarëve të Ballshit. Sot është koha që edhe SPAK- u të nisë hetimet dhe të çojë para përgjegjësisë të gjithë ata që kanë abuzuar me këtë pasuri të madhe dhe me mundin dhe djersën e naftëtarëve”, tha Basha.