Kallëzimi në Prokurori nga Drejtoria e Tatimeve
Drejtori i Hidrokarbureve, Klodian Gradeci dhe biznesmeni, Isuf Berberi, janë dy personat që nuk u arrit të arrestoheshin mbrëmjen e së martës, por as dje, gjatë operacionit të koduar “Akciza”, rezultat i një hetimi mbi abuzimet e kryera nga zyrtarët e AKBN- së.
Gradeci u shpall në kërkim për “shpërdorim detyre”, pasi dyshohet se së bashku edhe me biznesmenë dhe zyrtarë të tjerë i kanë shkaktuar një dëm prej 1.5 milionë dollarë buxhetit të shtetit. Nga ana tjetër, Denis Durrësi, drejtor i Drejtorisë Ekonomike tek Agjencia Kombëtare e Burimeve Natyrore e vartësi i tij, inspektori Qani Hoxhaj, u arrestuan, bashkë me dy inspektorë tatimorë, Arben Doda e Simon Marku dhe biznesmenin Naim Kasa. Prokuroria ka dyshime të arsyeshme se punonjësit e AKBN- së certifikuan punimet qe nuk ishin kryer asnjëherë në qytetet ku ko
Sipas dosjes së Prokurorisë së Tiranës, procedimi penal me numër 1340 është regjistruar mbi bazën e materialeve të dërguara nga Drejtoria e Hetimit Tatimor, në Drejtorinë e Përgjithshme të Tatimeve. Hetimet kanë filluar mbi bazën e kallëzimit penal të drejtorit të përgjithshëm të shoqërisë “Albpetrol” sh. a. Ka rezultuar se shoqëria “Feniks Petrolium”, me drejtues Naim Kasën dhe Isuf Berberin, që me marrëveshje hidrokarbure të miratuar nga Këshilli i Ministrave dhe të ndjekur për ecurinë nga AKBNsë, ka shfrytëzuar disa puse nafte. Me qëllim plotësimin e detyrimeve për programin minimal të punës dhe në kushtet kur këto investime nuk i ka kryer, kjo shoqëri ka paraqitur në AKBN 8 fatura të falsifikuara për shërbime që realisht nuk i ka përfituar nga kompania amerikane “Black Swan Energy”. Falsiteti i këtyre faturave është konfirmuar nga autoritetet gjyqësore amerikane dhe vlera totale e tyre është 1.299.000 dollarë. mpania “Feniks” kishte detyrim të investonte sipas një marrëveshjeje hidrokarbure për shfrytëzimin e 8 puseve të naftës. Prokuroria dyshon se zyrtarët shpërdoruan detyrën duke u bazuar në fatura të falsifikuara, për të cilat FBI, e përfshirë në këto hetime, i konfirmoi Prokurorisë së Tiranës përmes letërporosisë se firma amerikane “Blac Swan” nuk ka përfituar asgjë. Vlera e faturave të falsifikuara sipas përgjigjes së FBI- së është 1. 2 milionë dollarë. Po kështu, dy inspektorët e tjerë të tatimeve përpiluan raportkontrollin në kundërshtim me ligjin dhe sipas akuzës së kryeqytetit, sollën si pasojë një dëm prej rreth 500 mijë dollarësh. Kompania shqiptare “Feniks Petroleum”, që duhej të kontrollohej nga AKBN, drejtohet nga biznesmenët Naim Kasa, i arrestuar dhe Isuf Berberi, në kërkim.
NË KËRKIM Klodian Gradeci, ishdrejtor i OST, dyshohet të jetë përfshirë në një skemë mashtrimi me puset e naftës, ku në qendër të skandalit është kompania “Feniks Petrolium”, që i ka shkaktuar shtetit një dëm prej miliona dollarësh. Drejtori i Hidrokarbureve, pranë Agjensisë Kombëtare të Burimeve Natyrore, është shpallur në kërkim pasi Gjykata, me kërkesën e Prokurorisë së Tiranës caktoi ndaj tij masën e sigurisë “arrest me burg” në mungesë, pas të dhënave të mbërritura nga autoritetet amerikane. Në momentin, që Policia zbarkoi në derën e ishkreut të Operatorit të Sistemit të Transmetimit, për t’i vënë prangat, konstatoi se ai ishte larguar jashtë vendit një ditë përpara, gjë që solli dyshime se mund të jetë sinjalizuar për urdhrin e arrestit. Në kërkim është edhe biznesmeni Isuf Berberi, drejtues i shoqërisë
“Feniks Petrolium”, që është në qendër të skandalit financiar.
HETIMI Nga hetimet e Prokurorisë, të cilat nisën pas kallëzimit të bërë nga drejtori i Albpetrol, rezulton se shoqëria “Feniks Petrolium” me drejtues Naim Kasën dhe Isuf Berberin, e cila ka marrëveshje për shfrytëzimin e puseve të naftës me qeverinë shqiptare dhe ecuria e saj mbikëqyret nga AKBN, kishte detyrimin për të bërë investime në puset e naftës, të cilat nuk i ka realizuar. Megjithatë, kjo kompani, ka paraqitur pranë Agjencisë 8 fatura të falsifikuara për shërbime që realisht nuk i ka përfituar nga kompania amerikane “Black Swan Energy Service”. Në dosjen e Prokurorisë thuhet se falsiteti i këtyre faturave është konfirmuar nga autoritetet gjyqësore amerikane dhe vlera totale e tyre është 1.3 milionë dollarë. Prokuroria ka dyshime të forta se zyrtarët e AKBNsë, ku kryesori është Klodian Gradeci, kanë certifikuar në mënyrë të kundraligjshme punimet e pakryera nga kompania, duke i shkaktuar institucionit një dëm financiar në vlerën e 1.4 milionë dollarësh. Ndërsa inspektorët tatimorë, Arben Doda e Simon Marku, të cilët u arrestuan, kanë përpiluar një raport kontrolli në kundërshtim me ligjin, duke i shkaktuar institucionit një dëm ekonomik më shumë se gjysmë milioni dollarë. Ndaj biznesmenëve të “Feniks Petroleum”, rëndojnë dyshimet për mashtrim me pasoja të rënda, fshehje e të ardhurave, për zyrtarët e Agjencisë, është ngritur akuza e shpërdorimit të detyrës, ndërsa për tatimorët, ajo e moskryerjes së detyrave nga organet tatimore.