“Çështje kyçe”, zbardhet mesazhi i Komisionerit të BE për koalicionet në zgjedhje. Meta: Nuk e dekretoj Kodin
KOMISIONERI PER ZGJERIMIN SQARON PAKETEN 9 MILIARDE EURO TE BE- SE PER BALLKANIN. ÇFARE U DISKUTUA NE TAKIMET ME RAMEN, METEN DHE BASHEN
Ilirjan Celibashi mori dje zyrtarisht detyrën si Komisioneri Shtetëror i Zgjedhjeve. Pasi u prit në zyrë nga paraardhësi i tij, Klement Zguri, Celibashi mbajti edhe një qëndrim para mediave, duke shpalosur shkurtimisht disa nga objektivat e tij në drejtimin e këtij institucioni të rëndësishëm. Kryekomisioneri tha se në punën e tij do të udhëhiqet nga integriteti, paanësia dhe transparenca.
OBJEKTIVAT Sipas Celibashit, Institucioni i KQZ- së ka një përbërje të tillë që do të krijojë besim edhe te forcat politike sa i përket paanësisë. “Përgjegjësia si kryekomisioner që duhet të reflektoj është një sfidë e vështirë, e imponuar edhe nga koha, por gjej rastin ta theksoj se qoftë veprimtaria ime si Komisioner Shtetëror i Zgjedhjeve, por edhe e KQZ- së do të karakterizohet nga disa parime kryesore si: integriteti, paanësia dhe transparenca. Gjej rastin të inkurajoj median të ketë bashkëpunim të hapur me KQZ- në dhe me mua si Komisioner Shtetëror. Ky bashkëpunim është në interes të procesit, të shqiptarëve, por edhe faktorit politik. Sfida kryesore për ne është çështja e teknologjisë së informacionit. Ne do të bëjmë të pamundurën që ta realizojmë këtë proces, por koha ka bërë që edhe çështje të tjera të aspektit zgjedhor të jenë po me kaq prioritet”, u shpreh kryekomisioneri, Celibashi. NUMËRIMI I VOTAVE
I pyetur për shpejtësinë e numërimit të votave, Celibashi tha se do të jetë një tjetër çështje në fokusin e punës së institucionit që do të drejtojë tashmë. “Edhe kjo çështje meriton adresim të shpejtë dhe me shumë kujdes nga ana jonë, sepse përdorimi i teknologjisë së informacionit si risi dhe disa procedura kanë atë impaktin e vet lidhur me kohën e nxjerrës së rezultatit. Do të bëjmë të mundur gjithçka që na lejon ligji”, deklaroi Ilirjan Celibashi.