Situata pas tërmetit, Basha: Sa më shpejt, 160 mijë lekë për ata që humbën punën
“40% e shqiptarëve pritet të zhyten në varfëri, Rama të zbatojë menjëherë planin me 5 pika, 1 mijë euro për çdo biznes”
Kryetari i Partisë Demokratike, Lulzim Basha, akuzoi dje nga Kurbini Kryeministrin Edi Rama se nuk ka ndërmarrë asnjë masë për të zbutur pasojat e COVID19 dhe tërmetit.
Gjatë takimit me qytetarët dhe biznesin e vogël në Kurbin, Basha tha se shqetësimi i tyre është ulja e konsumit dhe mungesa e vendeve të punës. Ndërkohë, referuar parashikimeve të bëra edhe nga Banka Botërore, por edhe institucione të tjera financiare, 40% e shqiptarëve do të varfërohet. “Kriza ekonomike po thellohet çdo ditë. Parashikimet për të ardhmen janë edhe më shqetësuese. 40% e shqiptarëve pritet të zhyten në varfëri. Qeveria nuk do t’ia dijë. Ajo vazhdon të heshtë për qytetarët dhe bizneset që vuajnë dhe të mbushë xhepat e një grushti oligarkësh të lidhur me të. Sot u takova me banorët e Kurbinit. Halleve dhe harresës 7- vjeçare të qeverisë, u janë shtuar edhe pasojat e tërmetit dhe pandemisë”, tha Basha gjatë bashkëbisedimit me qytetarët. Ndërkohë, edhe në Kurbin panorama e bizneseve paraqitet e njëjta, ndaj kryedemokrati Basha i bëri thirrje Kryeministrit Edi Rama që të implementojnë propozimet e bëra nga PD- ja për minimalizimin e dëmit nga COVID te shqiptarët. “Pa humbur kohë, qeveria duhet që lekët që ndan me një grup oligarkësh t’i çojë te qytetarët dhe biznesi. Çeku prej 1,000 eurosh për biznesin e vogël, për të lehtësuar barrën e pagesave dhe shpenzimeve të papërballueshme për 6 muajt e ardhshëm; pagesa mujore prej 160 mijë lekësh të vjetër për ata që kanë humbur vendin e punës, si minimum konsumi për 6 muajt e ardhshëm; pagesa mujore prej 200 mijë lekësh për çdo punonjës që biznesi rikthen në punë gjatë 6 muajve të ardhshëm; shtesa mujore prej 20 mijë lekësh për pensionistët, për shpenzimet shëndetësore shtesë gjatë 6 muajve të
BOÇI: DREJTORËT E SHKOLLAVE PO MARRIN KARTAT E PRINDËRVE TË NXËNËSVE
Partia Demokratike ka vijuar me denoncimet për tentativën e manipulimit të votave. Dje ish- deputeti Luçiano Boçi përmes një deklarate për shtyp akuzoi Kryeministrin se ka urdhëruar drejtorët e shkollave që të marrin kartat e identitetit të prindërve të nxënësve. “Në lojë kanë hyrë edhe drejtorët e shkollave, të cilët janë disa militantë që nuk punojnë për të mirën e nxënësve, por i shërbejnë partisë- shtet. Drejtorët e shkollave janë urdhëruar të marrin të dhënat personale nga prindërit e nxënësve. Prindërve u është kërkuar në grupet e ‘ WhatsApp’- it që të dërgojnë foto të kartave të identitetit, me justifikimin e teksteve mësimore”, tha Boçi. ardhshëm”, u shpreh Basha.
DENONCIMI E ndërsa fushata ka nisur për zgjedhjet parlamentare të vitit të ardhshëm, nga Laçi kryedemokrati bëri edhe dy denoncime. I pari lidhet me punësimet elektorale. “Qytetarët janë hequr nga puna jo vetëm për shkak të rënies së xhiros së bizneseve, por edhe nga institucionet shtetërore. Bashkia, ujësjellësi dhe ndërmarrjet publike janë shndërruar në hambarë për militantë që nuk shkojnë asnjë ditë në punë”, tha Basha. Ndërsa denoncimi i dytë lidhet me manipulimet që po bëhen me dëmet e shkaktuara nga tërmeti i rreth një viti më parë. “Veçanërisht i rëndë është konstatimi i qytetarëve se shumë banesa në gjendje shumë të mirë po shemben pa asnjë paralajmërim nga shteti. Kjo aferë korruptive bëhet për t’i dhënë këto troje për ndërtime shumëkatëshe për sponsorët e regjimit”, vijoi kryedemokrati.