Gjykata vendos të ekstradojë përfaqësuesin e ‘ Ndragheta’- s
Sejdinaj u arrestua më 24 korrik për llogari të shtetit italian
Masa e ekstradimit ndaj Sejdinajt është vendosur nga Gjykata, ndërsa pjesëtari i "Ndraghetas" njihet edhe me nofkën "xhaxhai". Bujar Sejdinaj me origjinë nga Dibra, i njohur si "xhaxhai", u ndalua në Tiranë më datë 24 korrik. Autoritetet italiane thonë se Sejdinaj ka takuar pjesëtarë të mafies në shtetin italian. Bujar Sejdinaj ka pretenduar se në Itali ka punuar si marangoz dhe s'ka lidhje me trafikun e drogës. Ndërkohë, Sejdinaj ka afat 10 ditë për të apeluar vendimin e ekstradimit të dhënë nga Gjykata. Bujar Sejdinaj dyshohet si anëtar i familjes mafioze "Belloço". Ai dyshohet se në Spanjë ka marrë pjesë në trafikun e kokainës, duke blerë 20 kilogramë drogë. KUSH ËSHTË "XHAXHAI" Bujar Sejdinaj njihet si përfaqësuesi i Ndranghetas në Shqipëri dhe në zonën e Ballkanit e në veçanti përfaqësuesi i familjes mafioze "Belloço". Shpeshherë, Antimafia Italiane ka dhënë alarmin për bashkëpunimin e ngushtë që aleanca e "Ndragetës" ka me krimin shqiptar, në trafikimin e lëndëve narkotike, kryesisht kokainë dhe kanabis sativa. I fundit që u ra kambanave ishte zyrtari i Antimafias, Federiko Cafiero de Raho, që e konsideroi partneritetin mes mafies italiane si një marrëveshje të krimit që mbulon portet e Europës, veçanërisht për kokainë.
Pikërisht nga ky shqetësim për lidhjet e "Ndragetës në Europë", në Lion ( Francë), është ngritur një njësi e posaçme "ICAN", që përmes Interpolit gjurmon "Ndragetën". Ndërkohë, Bujar Sejdinaj, me nofkën "xhaxhai", është një nga të arrestuarit, i cili akuzohet si bashkëpunëtor i "Ndragetës" në Shqipëri dhe në Ballkan. Ai u arrestua në të njëjtën kohë kur aksioni ndërkombëtar i mbajtur edhe në Itali, Argjentinë e Kosta Rika dërgoi edhe anëtarë të tjerë: Ferdinanto Sarago, Giovani di Pietro, Fabio Pompeti dhe Franko D'agapiti. Më herët, në Shqipëri ishte arrestuar edhe i gjashti, Ardjan Cekini, gjithashtu i kërkuar për t'u ekstraduar drejt Italisë. Por, i ashtuquajturi "xhaxhai", jo vetëm ka organizuar blerjen e rreth 20 kg kokainë, por, në vitin 2019, shtetasi Alesandro Fonti, anëtar i familjes mafioze Ndrina Belloco, ka ardhur në Shqipëri për të takuar dy bashkëpunëtorët, Cekini dhe Sejdinaj. Në këtë takim, Ardjan Cekini ka ndërmjetësuar për udhëtimin e mëtejshëm të "xhaxhait" drejt Italisë. Në datën 22 shkurt, Gianfranco Marono, Fonti dhe "xhaxhai" realizojnë në Santiago de Compostela një takim me furnizuesin e drogës, me të cilin mendohet se është koordinuar importi. Takimet kanë vazhduar brenda muajit për të realizuar blerjen. Sipas autoriteteve italiane, faktet rëndohen pasi veprimtaria mes anëtarëve kryhet në mënyrë mafioze dhe me qëllim për të ndihmuar organizatën e "Bellocos". I pari që u arrestua është Çekini, i cili, sipas autoriteteve, është përsëritës sa kohë ai po kërkohej edhe nga Gjykata e Milanos që prej 2017- ës.