“Pakti për detin, me rëndësi për integrimin e Shqipërisë”
Dendias: Siç e zgjidhëm me Italinë dhe Egjiptin, shpresojmë në nënshkrimin e një marrëveshjeje edhe me Shqipërinë
Arritja e një marrëveshjeje për ndarjen e kufirit detar në Jonin Verior mes Shqipërisë dhe Greqisë është komentuar sërish nga ministri i Jashtëm helen, Nikos Dendias.
Ky i fundit, përmes një interviste të dhënë në mediat e Athinës, ka deklaruar që shumë shpejt shpreson që të arrihet një marrëveshje mes dy vendeve për ta ndarë kufirin detar në Jonin Verior, siç më herët gjatë këtij viti Greqia ka bërë me Italinë dhe Egjiptin. Duke folur për marrëveshjen e 2009- ës, e cila nuk mundi të konkretizohej, Dendias tha se një përmbyllje sa më e shpejtë e këtij procesi për Shqipërinë do të thotë një hap më tej në rrugën e integrimin europian. Sipas tij, diskutimi për këtë çështje do të bëhet në kontekstin e një fqinjësie të mirë mes dy vendeve, me qëllimin që asnjë prej dy vendeve të mos dalë i zhgënjyer. “Është zgjedhje e Greqisë përcaktimi i shefit kontinental dhe zonës ekskluzive ekonomike të bazohet në të drejtën ndërkombëtare, me të gjitha vendet fqinje. Kështu, dëshirojmë edhe me Shqipërinë të zgjidhim këtë çështje të prapambetur sa më shpejt të jetë e mundur. Siç deklarova pak kohë më parë në Parlament, në debatin për ratifikimin e marrëveshjeve të demarkacionit detar me Italinë dhe Egjiptin, shpresoj që hapi tjetër të jetë nënshkrimi i një marrëveshjeje me Shqipërinë. Më lejoni t’ju kujtoj se ne kishim nënshkruar një marrëveshje në vitin 2009, por që nuk pati zhvillim për arsyet e njohura tashmë. Shpresoj që së shpejti të mundemi të rikapim sërish fillin e bisedimeve përkatëse dhe të arrijmë në rezultate të kënaqshme për të dyja palët. Është e rëndësishme, në kontekstin e marrëdhënieve të fqinjësisë së mirë dhe duke marrë parasysh perspektivën europiane të vendit tonë fqinj, Shqipërisë, që të mbyllen të gjitha çështjet e hapura, pasi kjo automatikisht do të drejtojë në një azhurnim të marrëdhënieve tona dypalëshe dhe do të jetë në të mirën e të gjithëve”, ka thënë ndër të tjera ministri grek në një intervistë për mediat në Athinë. Vlen të theksohet se çështja e ndarjes së kufirit detar është përdorur herë pas here nga Athina zyrtare në kontekstin e mbështetjes për rrugën e integrimit europian të Shqipërisë. Po ashtu, kjo intervistë e Dendias vjen vetëm pak javë pas deklaratës së fortë të Kryeministrit grek, Mitsotakis, i cili deklaroi në Parlamentin Grek që Athina
Është e rëndësishme, në kontekstin e marrëdhënieve të fqinjësisë së mirë dhe duke marrë parasysh perspektivën europiane të vendit tonë fqinj
zyrtare do të zgjerohet me 12 milje në Veri të detit Jon. Ditë më pas, në fillim të shtatorit, ishte vetë ministri i Jashtëm grek, Nikos Dendias, i cili deklaroi se do të vizitonte Tiranën me qëllim të posaçëm për ta zgjidhur çështjen e kufirit detar në Jon.