Pas Asamblesë Rama mbledh drejtuesit në qarqe
Kush ishin porositë e kryesocialistit për krerët politikë
Kryeministri Rama u takua dje me krerët politikë të 12 qarqeve në selinë rozë në kuadër të përgatitjeve të fushatës elektorale për zgjedhjet e 25 prillit. Takimi, që tani po rikthehet një rutinë në selinë e Partisë Socialiste, ishte me praninë e të gjithë drejtuesve politikë, kryesocialistit Rama dhe Sekretarit të Përgjithshëm të Partisë, Taulant Balla. Ky takim i përjavshëm këtë herë vjen pas mbledhjes së Asamblesë më 9 tetor në ambientet e Amfiteatrit në Liqenin e Tiranës. Në asamblenë e datës 9 tetor, si asnjëherë më parë, nuk u bë asnjë ndryshim i kryesisë së partisë, por edhe në sekretariatet përgjegjëse.
Në mbledhjen e zhvilluar dje mësohet se Rama ka dhënë disa porosi për drejtuesit politikë, por me fokusin kryesor për të pasur një qasje të re me bazën e partisë. Rama sërish edhe në mbledhjen e djeshme ka ngulmuar që t’i raportohet çdo drejtor apo njeri me përgjegjësi në administratë që nuk është në ritmin e kërkuar të reformave, apo që nuk ka angazhimin e duhur. Gjithashtu, një tjetër temë që është diskutuar në këtë mbledhje ka pasur të bëjë me përplasjen e fundit Rama- Meta. Kryesocialisti ka qenë i interesuar të dijë se cili është qëndrimi i bazës në lidhje me këtë çështje, duke ditur edhe “background”- in e Presidentit si socialist dhe drejtues i lartë ndër vite i kësaj partie. Kreu i Partisë Socialiste ka kërkuar gjithashtu raporte të detajuara për problematikat specifike të çdo rajoni apo komuniteti të veçantë në të 12 qarqet e vendit. Organizimi i Partisë Socialiste këtë vjeshtë në qarqe pësoi disa ndryshime të vogla. Në Durrës, me përgjegjësinë për të drejtuar politikisht këtë qark, është ngarkuar kreu i OSHEE- së, Ardian Çela. Ndërsa nga qarku i Lezhës pati një largim të ministrit të Brendshëm, Sandër Lleshaj, për t’ia lënë vendin në këtë pozicion ish- ministres së Arsimit, Lindita Nikolla. Gjithashtu, edhe në qarkun e Shkodrës pati sërish ndryshime, pasi drejtimi politik i këtij qarku iu besua ish- ministrit të Shëndetësisë, Ilir Beqaj. Ndërsa në qarkun e Kukësit frenat e drejtimit të fushatës së PS- së i ka marrë kryebashkiaku i Kukësit, Safet Gjici. Në Tiranë, përveç kryebashkiakut Erion Veliaj, janë ngarkuar me përgjegjësi edhe Elisa Spiropali dhe Ervin Bushati. Nëse ky i fundit fokusin e punës së tij do ta ketë brenda kryeqytetit, Spiropali do të përqendrohet më shumë në bashkitë e tjera të qarkut të Tiranës. Sakaq, në qarqet e tjera të vendit drejtimi politik i PSsë nuk ka pësuar ndryshime dhe do të jenë sërish të njëjtët njerëz që drejtuan edhe fushatën e 2017- ës. Për 25 prillin Kryeministri Rama u ka shpallur si objektiv drejtuesve politikë mbledhjen e votave që do të