Borrell: Marrëveshja Kosovë- Serbi është çështje muajsh
Emisari i BE- së për dialogun sot në Prishtinë pritet të diskutojë për temën që bllokoi bisedimet: Asociacionin
Përfaqësuesi i lartë i Bashkimit Europian për Politikë të Jashtme dhe Siguri, Josep Borrell, tha se dialogu ndërmjet Kosovës dhe Serbisë është një proces kompleks, por arritja e një marrëveshjeje finale është çështje muajsh.
Komentet e Borrell u bënë pasi ministrat e Jashtëm të BE- së u takuan në Luksemburg, për të diskutuar mes disa çështjeve të rëndësishme, edhe për dialogun Kosovë- Serbi. “Ky është një proces kompleks dhe dialogu nuk është i lehtë. Bisedimet po vazhdojnë, kemi pasur dy takime në nivel të lartë dhe nuk ka qenë gjithmonë e lehtë. Të dyja palët kanë shprehur gatishmëri për të vazhduar këtë dialog të vështirë. Të dy liderët, Presidenti i Serbisë ( Aleksandar Vuçiq) dhe Kryeministri i Kosovës ( Avdullah Hoti), kanë thënë se i japin prioritet të lartë perspektivës eUropiane të rajonit. Dialogu është një kusht i domosdoshëm për rrugën e tyre europiane”, është shprehur Borrell. Ai tha se BE- ja nuk do të vendosë afate artificiale për arritjen e një marrëveshjeje përfundimtare, por shtoi se një marrëveshje e tillë mund të arrihet shpejt, nëse palët angazhohen. “Unë personalisht besoj se arritja e marrëveshjes përfundimtare është çështje muajsh e jo vitesh, me kusht që të gjitha palët të angazhohen në mënyrë konstruktive. Ne nuk e shkruajmë paraprakisht se cila është zgjidhja. As nuk do të caktojmë afate artificiale për të përshpejtuar procesin. Ne mirëpresim të gjitha nismat në mbështetje të dialogut. Mirëpresim edhe angazhimin e SHBAsë, por është BE- ja ajo që e udhëheqë këtë proces”, tha Borrell, duke përkujtuar se kusht është edhe forcimi i fqinjësisë së mirë. Shefi i politikës së jashtme të BE- së tha se përmbyllja e dialogut ndërmjet Kosovës dhe Serbisë, do të konsiderohej sukses edhe për rajonin e Ballkanit Perëndimor. “Mbetemi të përkushtuar që ta sjellim dialogun në një përmbyllje të suksesshme. Suksesi është kyç jo vetëm për Prishtinën dhe Beogradin, por për rajonin në tërësi. Në takim është shprehur një mbështetje e fuqishme për punën që po bën Mirosllav Lajçak”, tha Borrell. LAJÇAK, SOT NË
KOSOVË Përfaqësuesi i posaçëm i Bashkimit Europian në dialogun midis Kosovës dhe Serbisë, Mirosllav Lajçak, do të qëndrojë të martën në Kosovë, por ende nuk ka detaje rreth axhendës së diplomatit. Lajçak, në ditët në vijim, pritet të vizitojë edhe Beogradin për “zhbllokimin e çështjes së Asociacionit të komunave me shumicë serbe”. Kosova nuk dëshiron ta hapë më çështjen e këtij Asociacioni, por Serbia insiston që të bisedohet për të, madje ka kushtëzuar dialogun me themelimin e tij. Të hënën, Lajçak iu adresua ministrave të Jashtëm të BE- së për dialogun Kosovë- Serbi. “Jam mirënjohës për interesin e tyre të sinqertë dhe mbështetjen e fuqishme. Ky diskutim konfirmoi se dialogu është qartazi i lidhur me të ardhmen europiane të
Kryeministri i Kosovës, Avdullah Hoti, ka deklaruar se në dialogun me Serbinë në Bruksel, të ndërmjetësuar nga Bashkimi Europian, Kosova bisedon ekskluzivisht për elemente të marrëveshjes gjithëpërfshirëse për njohje të ndërsjellë, e cila duhet të jetë ligjërisht dhe ndërkombëtarisht obliguese. Komentet e Hotit u bënë në seancën e së hënës në Kuvendin e Kosovës, në një interpelancë të thirrur nga Partia Demokratike e Kosovës, lidhur me rrjedhën e deritashme të procesit të dialogut me Serbinë, të ndërmjetësuar nga BE- ja. “Çdo dakordim, për cilatdo elemente të marrëveshjes, është dakordim vetëm parimor, sepse nuk ka pajtim për asgjë përderisa nuk ka pajtim për çdo gjë, përkatësisht përderisa nuk ka pajtim për njohje reciproke”, ka deklaruar Hoti. Kryeministri i Kosovës ka shtuar se çështja e personave të pagjetur, për të cilën edhe është thirrur interpelanca, është tema e parë e hapur nga pala e Kosovës pas rinisjes së dialogut dhe përbën vetëm një pikë të marrëveshjes gjithëpërfshirëse. “Këtu pritet të specifikohen veprimet konkrete që duhen ndërmarrë për ta përmbyllur këtë temë të dhimbshme për shumë familje kosovare dhe për të gjithë opinionin”,
Kosovës dhe Serbisë”, shkroi ai.
TAKIMI NË LUKSEMBURG Ministrat e jashtëm të BEsë u mblodhën të hënën për të diskutuar një sërë çështjesh, përfshirë dialogun Kosovë- Serbi. Ky dialog, i cili synon normalizimin e marrëdhënieve midis dy vendeve, ka nisur qysh në vitin 2011 me ndërmjetësimin e Bashkimit Europian dhe mbështetjen e Shteteve të Bashkuara. BE- ja, në disa raste, e ka bërë të qartë për Prishtinën dhe Beogradin se e ardhmja e tyre europiane lidhet me përparimin e bërë në dialog.