ASOCIACIONI
Ditën që u largua nga Kosova, emisari i BE- së për dialogun, Miroslav Lajçak shkoi në Serbi, duke deklaruar se në Kosovë i kishin premtuar të gjitha palët politike, se angazhimet e tyre në dialog do të zbatoheshin ( duke iu referuar themelimit të Asociacionit të komunave me shumice serbe) dhe shtoi se nuk i kishin thënë as përgjigjen "jo" për ndryshimin e Kushtetutës, çfarë do të vinte në linjë marrëveshjet e kundërshtuara të miratuara më parë në Bruksel.
"Kushtetuta nuk është bibël", ishte deklarata e Lajçak, që nxiti reagime në Kosovë, por sipas Bashkimit
Tema e Asociacionit të komunave serbe është rikthyer temë debatesh në Kosovë, pasi opozita dhe Presidenti Hashim Thaçi, i kërkojnë Kryeministrit Avdullah Hoti të mos pranojë të diskutojë edhe një herë në Bruksel për çështjen e formimit të bashkësisë së komunave serbe në Kosovë.
Europian ajo është keqinterpretuar. Nga zyra e BE- së janë shprehur për "Express" se ndryshimi i Kushtetutës për çfarë ka folur Lajçak vlen edhe për Serbinë. Në Prishtinë ai tha se marrëveshja për Asociacionin duhet të zbatohet nga Kosova dhe meqenëse disa pika të asaj marrëveshjeje bien ndesh me Kushtetutën e Kosovës, duhen bërë ndryshime. Për këtë deklaratë pati reagime. Por, zëdhënësi i Zyrës për Politikë të Jashtme të BE- së, Peter Stano, tha se deklarata e Lajçakut është keqinterpretuar dhe se ajo nuk kishte të bënte vetëm me Kosovën. "Z. Lajçak ka shpjeguar se çfarë ndodh nëse je duke e negociuar një marrëveshje ndërkombëtare. Kur arrin një marrëveshje ndërkombëtare, atëherë duhet të konsiderohen rregullimet e nevojshme ligjore nga qeveria, duke përfshirë edhe nivelin kushtetues, në mënyrë që ta integrojë atë në rendin ligjor dhe kushtetues. Kjo vlen për Kosovën dhe Serbinë", ka thënë Stano për "Express". Lajçak, javën e kaluar tha se para se të shkonte në Prishtinë kishte deklarata të ndryshme, por që, shtoi ai, në 25 takime, aq sa kishte, askush nuk tha që ai nuk do t'i përmbushë detyrimet e tij. Kur bëhet fjalë për Kushtetutën, siç u shpreh ai, pozicioni i BE- së është të negociojë procese kaq serioze sa është logjike që Kushtetuta duhet të ndryshohet. "Dhe askush nuk tha që ishte e pamundur, Kushtetuta nuk është Bibla. Nëse biem dakord për çështje serioze, atëherë sigurisht që duhet të pasqyrohet në Kushtetutë", tha ai.