Nuk ndalojnë koncesionet, në 2021 do të kontraktohen 2.1 miliardë USD
217,581,553,850 lekë. Mund t’ju merret fryma duke e lexuar shifrën e frikshme të mësipërme, por kjo është sasia e parave që do të kontraktojë qeveria për vitin 2021 si koncesion apo PPP. Edhe pse pjesë e raporteve të BE- së, FMN- së dhe institucioneve të tjera financiare, ku shprehet hapur dyshimi, qeveria nuk tërhiqet nga koncesionet dhe PPP. Në vitin zgjedhor 2021, janë parashikuar të lidhen kontrata për një rekord të ri, që përkthehen në 2.1 miliardë USD. Për të thënë sa e lartë është shifra, mjafton ta krahasosh me totalin e koncesioneve dhe PPP- të e dhëna deri në vitin 2020: në total janë 620 miliardë leke, ose rreth 6.2 miliardë USD. Pra, në vitin e përballjes elektorale, qeveria shton me rreth 30 për qind angazhimet e saj koncensionare.
Por çfarë do përfitojmë nga shpenzimi i 2.1 miliardë miliardë USD, rekord më vete për një kontratë të vetme. Vitin tjetër skadon edhe kontrata e kolaudimit, qeveria do ta japë me koncesion apo PPP- të, me një vlerë prej rreth 200 milionë USD. Një tjetër kontratë është ajo e aeroportit të Vlorës me 129 milionë USD. Ndërsa e katërta, për rritjen e sigurisë rrugore, prej 50 milionë USD. Në total do të shtohen edhe 2.1 miliardë USD të tjera kontrata koncesionesh. Por sa po paguajmë tani për këto kontrata? Gjatë vitit 2020, edhe pse fatkeqësisë u agravuan, qeveria ka shpenzuar 7,8 miliardë lekë ose rreth 78 milionë USD për kontrata koncensionare. Vitin tjetër, atë të zgjedhjeve, pagesat arrijnë maja të tjera. Në 2021, qeveria do të shpenzojë gati dyfishin, 14,4 miliardë lekë, ose 144 milionë USD për PPP- të dhe koncesionet.