PALOKA: AKTIVITETI I PS TEK INCENERATORI, RAMA E KTHEU PARTINË NË KOSH PLEHRASH

Nënkryetari i PD- së, Edi Paloka, reagoi dje pas përfundimit të aktivitetit të Partisë Socialiste, i cili u zhvillua në inceneratorin e Elbasanit. Përmes një deklarate për mediat, Paloka u shpreh se me atë gjest kreu i PS- së dha mesazhin se Edi Rama e ka kthyer partinë në një kosh plehrash. “Në fakt ky qejfliu i simbolikave, simbolikë më të gjetur se kjo nuk ka pasur gjatë gjithë historisë së tij. Edhe sikur ta kishim paguar ne, nuk do të bënte një gjë më të gjetur se ajo që bëri sot. Ka vite që Partinë Socialiste e ka kthyer jo vetëm në organizatë kriminale, por edhe në kosh plehrash. Pasi ka përzënë nga Partia Socialiste gjithë figurat intelektuale dhe të ndershme, e dimë të gjithë që ka mbledhur banditë të të gjitha llojeve. Dhe thashë, simbolikë më të gjetur se kjo e sotmja që të prezantonte të ardhmen e rilindjes në një vendgrumbullimi plehrash, Rama nuk mund të kishte. Në fakt, halli i Ramës ka qenë tjetër dhe është shumë më i madh se kjo që thashë unë. Halli i tij është që paniku që e ka zënë lidhur me hetimin e inceneratorëve”, tha Paloka.

Zgjerimin, Varhelyi? Dhe në këtë mënyrë i mbylli derën Shqipërisë për të nisur negociatat e anëtarësimit, sa kohë që ky është në pushtet, në qoftë se sondazhet i dilnin në rregull. Këto janë deklaratat e një njeriu në panik dhe të një gënjeshtari të kapur në mënyrë të përsëritur në flagrancë. Edi Rama ka mbaruar.

PËR PROCESIN E KANDIDATËVE Edi Rama: Do të jetë një investim i madh për Partinë Socialiste dhe për të ardhmen. Kjo nuk është një lojë, siç ishte ajo që bëri Partia Demokratike. E patë atë? Nuk e di, sikur t’u vësh këshilltarë që t’i këshillojnë për t’i treguar rrugën drejt humnerës, nuk e arrijnë dot këshilltarët ta bëjnë dot juve mundësinë që ju të zgjidhini ata që doni. Ne do t’ju japim mundësinë që të zgjidhni ata që nuk doni dhe jo vetëm të zgjidhni ata që nuk doni, por nga 30 veta, do të mblidheni gjithë ju, mijëra njerëz, do të hiqni 2 veta dhe 28 të tjerët pastaj; nga 28 të tjerët jemi ne që do të zgjedhim 2, apo 3, apo 5, apo asnjë. Kjo është një fyerje e inteligjencës më mesatare dhe unë shpresoj që demokratët ta kenë kuptuar këtë pavarësisht se nuk shpresoj që ata të vijnë të votojnë për ne, e nuk kërkoj që ata që janë votues në këto procese qesharake konkurrente të drejtpërdrejta e me konkurrencë të pandershme në fakt, sepse mbahen me lekët e shtetit ata, me Portokallinë, por së paku të jenë të vetëdijshëm

Gazment Bardhi: E pashë Edi Ramën shumë të shqetësuar sot nga procesi më demokratik i këtyre 30 vjetëve të ndodhur në ndonjë parti në Shqipëri: përzgjedhjen e kandidatëve nga anëtarësia e PD- së. Edi Rama është i shqetësuar, sepse e di që procesi është i vërtetë dhe ka angazhuar me mijëra e mijëra qytetarë, që janë gati të votojnë ndryshimin në 25 prill. Edi Rama vetë nuk e di çfarë do të thotë votë, as nga anëtarësia e partisë, as nga qytetarët, sepse karriera e tij është e bazuar te krimi, jo te vota. Edi Rama u refuzua nga socialistët, të cilët ia rrëzuan platformën për kryetar më 8 tetor 2005, por ai u emërua kryetar i Partisë Socialiste përmes një procesi korruptiv. “Një pallat, një votë” ishte modeli me të cilin Edi Rama kapi PS- në dhe prej atëherë nuk lejon të votohet me në PS. Zgjedhja për qytetarët është e thjeshtë. Ata do të votojnë për PD- në dhe kandidatët e saj përfaqësues, që i kanë propozuar dhe votuar vetë paraprakisht, që kanë kaluar filtrin e verifikimit nga partia dhe qytetarët, në vend të listës 3D të deputetëve të PS- së që do t’i përzgjedhë përsëri Niçja i Shijakut, por kësaj here nga burgu.

“Ne kemi dy vjet që kërkojmë zgjedhje të parakohshme. Ne dogjëm mandatet për zgjedhje të parakohshme. Pse nuk i bëri zgjedhjet e parakohshme? Pse ky njeri, që kontrollon edhe Parlamentin, edhe qeverinë, edhe Policinë, pra kontrollonte gjithçka në këtë vend, donte t’i merrte komisionerët opozitës, në qoftë se qenka kaq mirë në sondazhe”