Lojërat e fatit çojnë RENEA- n në Laç dhe Mamurras
Sekuestrohen 32 makineta që shërbenin për zhvillimin e lojërave të fatit
Policia e Shtetit ka zhvilluar një operacion për goditjen e lojërave të fatit në Lezhë dhe Kurbin.
Sipas uniformave blu, bazuar në informacionet e marra në rrugë operative dhe nga informacionet e adresuara nga qytetarët në adresat zyrtare të Policisë së Shtetit, për ushtrimin dhe organizmin e lotarive dhe basteve sportive pa leje, vënien në dispozicion të lokaleve për lojëra fati, fshehje të ardhurash dhe pastrim të produktit të veprës penale, Drejtoria Hetimore Qendrore në Departamentin e Policisë Kriminale, në bashkëpunim me strukturat policore të DVP Lezhë dhe ato të Komisariatit të Kurbinit, të mbështetura nga forcat speciale RENEA, kanë ushtruar kontroll të imtësishëm në disa lokale dhe ambiente në Kurbin, Milot dhe Lezhë. Si rezultat i kontrolleve të ushtruara në vijim të operacionit “Fati i lojërave”, në aksin rrugor Milot- Thumanë, shërbimet e Policisë, gjatë kontrollit të ushtruar në lokalin e marrë me qira nga shtetasi Gj. P. dhe që menaxhohej nga shtetasi A. K., kanë gjetur dhe sekuestruar 32 makineta që shërbenin për zhvillimin e lojërave të fatit, 421.000 lekë të rinj, 3325 euro dhe tri kasaforta të mbyllura. Në vijim të veprimeve specialistët për Hetimin e Krimeve në Komisariatin e Policisë Kurbin arrestuan në flagrancë shtetasin Gj. Pula 28 vjeç, banues në Mamurras dhe shtetasin A. Kaçorri 40 vjeç, banues në Thumanë. Materialet procedurale i kaluan Prokurorisë pranë Gjykatës së Shkallës së Parë Kurbin, për veprat penale
“Organizimi i lotarive të palejuara” dhe “Vënia në dispozicion e lokaleve për lojëra të palejuara”.
KONTROLLET Sipas burimeve, subjekti në fjalë ushtronte veprimtarinë e paligjshme të lojërave të fatit prej disa kohesh, kryesisht gjatë orëve të natës, ndaj dhe është ndërmarrë ky operacion blic. Ndërkohë bëhet e ditur se kontrollet do të jenë të vazhdueshme edhe në ditët në vijim dhe nuk do të ketë tolerime ndaj shkelësve të ligjit në veprimtarinë e lojërave të fatit, e cila është e ndaluar më vendim qeverie. Pavarësisht vendimit të qeverisë për mbylljen e lojërave të fatit që prej janarit të vitit 2019, në qarkun e Lezhës nuk kanë munguar subjektet që operojnë në mënyre ilegale. Ata punojnë fshehurazi, kryesisht në zona periferike, por nuk mungojnë as në qendër të qytetit. Policia ka zhvilluar disa aksione, duke goditur veprimtari të tilla me sekuestrimin e materia
Sipas informacioneve të marra nga Policia e Shtetit, lokalet ku ushtrohej aktiviteti i paligjshëm i lojërave të fatit vepronin kryesisht gjatë orëve të vona të mbrëmjes. Për këtë, Policia ka mbledhur informacion dhe ka zhvilluar aksionin orët e vona të së martës, ku mbështetej edhe nga forcat speciale RENEA. Sipas burimeve, forcat RENEA janë kërkuar në mbështetje për të shmangur edhe ndonjë incident të mundshëm mes pronarëve të lokaleve ku zhvillohej aktiviteti i lojërave të fatit. leve e me procedimin penalisht apo dhe arrestimin e administratoreve të tyre. Por në shumicën e rasteve, të ndaluarit janë lënë të lirë nga organet e drejtësisë, madje duke u bërë sërish përsëritës të së njëjtës vepër penale. Puna në mënyrë selektive e këtyre subjekteve ka bërë që shumë pronarë që e ndërprenë veprimtarinë me hyrjen në fuqi të vendimit të qeverisë të referojnë në Polici rastet ku puna vijon sërish, pasi e quajnë konkurrencë të pandershme. Mbyllja e lojërave të fatit ka lënë pa punë dhjetëra persona në qarkun e Lezhës, duke ndikuar në ekonominë familjare të këtyre personave, të cilët kishin si burim të vetëm të ardhurash për familjet e tyre punën në këtë sektor.