Legalizimet, lista me emrat që marrin tapinë
Zbardhet vendimi i djeshëm i qeverisë me emrat e familjeve që marrin tapinë e legalizimit në Tiranë e rrethe. Gazeta boton edhe 280 pronarët që marrin paratë e kompensimit
Një ditë pas vendimit të qeverisë, Agjencia e Kadastrës ka publikuar listën e qytetarëve që marrin tapinë dhe emrat e 280 pronarëve që përfitojnë kompensimin për tokën e zënë nga ndërtimet pa leje.
"Këshilli i Ministrave vendosi kompensimin financiar të pronarëve të pasurive të paluajtshme, pronë private, për sipërfaqet takuese të zëna nga ndërtimet e legalizuara në drejtoritë vendore të Agjencisë Shtetërore të Kadastrës: Durrës, Tiranë Jug, Elbasan, Tiranë Rurale 1, Tiranë Rurale 2, Sarandë, Tiranë Veri, Vlorë dhe Gjirokastër", thuhet në vendimin e qeverisë.
LEGALIZIMET Në ligjin e ri, të zyrtarizuar në maj të këtij viti, janë përcaktuar edhe afate konkrete për përmbylljen e procedurave të legalizimit për ato që janë në proces. "ASHK- ja, brenda 60 ditëve nga përfundimi i procedurave të kualifikimit, ligjëson ndërtimin, duke respektuar dispozitat e legjislacionit në fuqi për regjimet pasurore martesore, sipas gjendjes së momentit të aplikimit për ligjësim. Poseduesi i ndërtimit pa leje ka të drejtë të kërkojë përfundimin e procedurave administrative brenda 30 ditëve, nga paraqitja e kërkesës, kundrejt pagesës së një tarife shërbimi shtesë", saktësohet në ligj. Sa i takon sipërfaqes për të cilën do të bëhet kalimi i pronësisë ajo mbetet siç ka qenë. Për qytetarët do të jetë sa trefishi i bazës së ndërtimit dhe jo më shumë se 500 m ² , ndërsa për bizneset vetëm trefishi i bazës së ndërtimit. Çmimet llogariten mbi vlerën e truallit sot në treg. "Kur për shkak të përmasave ose planvendosjes së parcelës ndërtimore krijohen sipërfaqe të lira, që nuk mund të shfrytëzohen më vete për ndërtim, ato i kalohen në pronësi poseduesit të ndërtimit pa leje, sipas çmimit të përcaktuar në hartën e vlerës së pronës, të miratuar me vendim të Këshillit të Ministrave", theksohet në ligj. Me ndryshimet e bëra, praktika e kalimit të pronësisë nuk do të bëhet më në qeveri, por nga vetë Agjencia e Kadastrës. Një risi kjo që pritet të reflektohet në reduktimin e afateve për marrjen në dorë të certifikatës së pronësisë nga ana e qytetarëve që janë në proces legalizimi.
KOMPENSIMI Fondi që do të ndahet për pronarët e prekur nga ndërtimet pa leje kap vlerën e rreth 2.6 milionë dollarëve, të cilat do të ndahen nga Agjencia e Pronave. "Masa e kompensimit është 19 208,42 m ² dhe vlera e përgjithshme e kompensimit financiar është 268 334 303,8 lekë. Për kompensimin e pronarëve përdoren po ato të ardhura që arkëtohen nga drejtoritë vendore të Agjencisë Shtetërore të Kadastrës, si rrjedhojë e kalimit të pronësisë nëpërmjet shitjes së parcelës ndërtimore, si për pasuritë shtetërore, edhe për pasuritë e të tretëve, në favor të objekteve informale që legalizohen", thuhet në vendimin e miratuar në mbledhjen e fundit të qeverisë.
Në ligjin e ri, të zyrtarizuar në maj të këtij viti, janë përcaktuar edhe afate konkrete për përmbylljen e procedurave të legalizimit për ato që janë në proces. "ASHK- ja, brenda 60 ditëve nga përfundimi i procedurave të kualifikimit, ligjëson ndërtimin, duke respektuar dispozitat e legjislacionit në fuqi për regjimet pasurore martesore, sipas gjendjes së momentit të aplikimit për ligjësim