Trump bojkoton inaugurimin e Biden, theu traditën që nga 1869
Lajmi, në kohën kur Pelosi pyet gjeneralin e stafit për sigurinë e kodeve nukleare në duart e ‘presidentit të çmendur”
Donald Trump njoftoi të Premten se ai do nuk të marrë pjesë në ceremoninë e inaugurimit të Joe Biden më 20 janar, ndërsa u rikthye në “Twitter” dhe braktisi çdo ton pajtimi me Presidentin e zgjedhur.
Kështu, Trump ka thyer traditën duke refuzuar të marrë pjesë në betimin e Biden, ndërsa ndihmësit dhe aleatët e tij që kanë mbetur ende në detyrë, e përshkruanin atë si një “përbindësh” dhe “Mbreti i çmendur George”, pasi presidenca e tij përfundoi në kaos. Trump u izolua nga stafi i tij dhe Partia Republikane, i ngujuar në Zyrën Ovale, ndërsa ndihmësit e lutën të dërgonte një mesazh “shërimi” për vendin pas shkatërrimit që shkaktoi turma e mbështetësve të tij. Por Presidenti nuk ka pranuar asnjë rol në nxitjen e turmës së dhunshme në ndërtesën e Kongresit, edhe pse në fjalimin e tij ai kërkonte “marshimin në Kapitol”. Të premten në mëngjes,
Trump nisi një mesazh për të falënderuar mbështetësit e tij, duke i quajtur ata “patriotë të mëdhenj amerikanë”. “75,000,000 patriotët e mëdhenj amerikanë që votuan për mua… do të kenë një ZE GJIGANT në të ardhmen. Ata nuk do të respektohen ose trajtohen padrejtësisht në asnjë mënyrë apo formë”, shkroi ai. Dhe duke u shkëputur nga tradita historike për pasardhësin presidencial në ditën e përurimit, Trump tha: “Për të gjithë ata që kanë pyetur, unë nuk do të shkoj në inaugurim më 20 janar”. Presidenti i fundit që nuk mori pjesë në betimin e pasardhësit të tij ishte Presidenti Andrew Johnson në 1869, ndaj të cilit ishte kryer “impeachment”. Edhe John Adams dhe John Quincy Adams nuk kanë marrë pjesë në inaugurimin e pasardhësve të tyre. Trump dhe familja e parë thuhet se do të largohen nga Shtëpia e Bardhë në 19 janar për të shkuar në rezidencën e tij Mar-a-Lago në Florida, një vendim i marrë në mënyrë që ai të fluturojë në një avion me “Air Force One”, që është një privilegj, që ai e humbet pasi lë presidencën.
Lajmi për bojkotin e Trump në ceremoninë e inaugurimit erdhi në të njëjtën ditë kur Nancy Pelosi zbuloi se ajo ka pyetur gjeneralin Mark Milley, kryetarin e shefave të përbashkët të Shtabit se si ai po ndalon një “President të çmendur” të përdorë kodet bërthamore, ose të nisë veprimet ushtarake. Ajo nuk tha se si u përgjigj gjenerali. Kryetarja e Dhomës së Përfaqësuesve, Pelosi, mbajti një takim me anëtarët demokratë të Dhomës, duke u thënë atyre se nëse Trump nuk jep dorëheqjen menjëherë, ai do të fajësohet javën e ardhshme për trazirat. Senatori republikan, Ben Sasse, tha se ishte i gatshëm të fajësonte dhe hiqte nga detyra Trump, duke e bërë atë të parin nga grupi drejtues i republikanëve, që kishte votuar kundër dënimit të presidentit vitin e kaluar dhe tashmë ndryshoi pozicionin.