VENDIMI I KADASTRES Tokat me 7501, lista me emrat që marrin tapinë

ZbardhetlistaereeKadastrësmeemratefamiljeveqëmarrindokumentinepronësisëpërtokat me 7501. Gazeta boton tabelat me përfituesit dhe procedurat për të dyja kategoritë

Janë 320 familje për të cilat ka përfunduar faza e parë për regjistrimin e tokës bujqësore që kanë në përdorim.

Drejtoria Vendore e Kadastrës Tirana Rurale 1 ka publikuar emrat e përfituesve, të cilët do të kenë 45 ditë afat për të bërë plotësimet e nevojshme në dokumentacion apo për të shprehur ankesa nëse do të kenë. Pas përfundimit të afatit 45-ditor nisin procedurat e regjistrimit të tokës bujqësore dhe pajisjen e këtyre familjeve me tapi. “Afishimi do të jetë për një periudhë 45-ditore dhe gjatë kësaj periudhe mund të paraqiten ankesa dhe pretendime nga të interesuarit”, thuhet në njoftimin e Agjencisë.

Bashkangjitur kësaj liste janë edhe emrat e qytetarëve në Qarkun e Vlorës, për të cilët nisin procedurat e pajisjes me tapi, por për këtë duhet fillimisht që familjet, të cilat kanë emrin në listë, të paraqiten për të aplikuar. “Me miratimin e ligjit Nr. 20/2020 për përfundimin e proceseve kalimtare të pronësisë në Republikën e Shqipërisë, u hoqën kushtet për verifikimin e vlefshmërisë së Akteve të marrjes së tokës në pronësi. Njoftohen të gjithë subjektet, të cilat e gjejnë emrin te lista më poshtë, të aplikojnë për t’u pajisur me Certifikata Pronësie”, thuhet në njoftimin e Drejtorisë Vendore të Kadastrës Vlorë. Sipas ligjit të ri, pasuria do të regjistrohet nga Agjencia e Kadastrës nëse: Përfituesi i AMTP-së ka qenë i legjitimuar për të përfituar tokë sipas akteve ligjore e nënligjore për ndarjen e tokës bujqësore. Së dyti, përfituesi i AMTP-së ka marrë tokë në territorin e një kooperative ose ndërmarrjeje bujqësore dhe së treti, toka për të cilën është lëshuar AMTP-ja nuk ka qenë “truall”, “vepër e infrastrukturës publike”, “rërë bregdetare”, “plazh”, ose “sipërfaqe ujore”, në kohën e lëshimit të aktit.