Dosja e plotë e skandalit, si e ngacmonte njerku vajzën 12-vjeçare
Zbardhet dosja e plotë e abuzimit seksual. E mitura rrëfen çdo episod të abuzimit ndaj saj. 39-vjeçari, E. Xhaferri, pranon akuzat
Episodi i parë që referon në kallëzimin e saj e mitura ka nisur një ditë të zakonshme, kur ajo ka qenë rreth 9 vjeçe dhe duhet të bënte një dush. Mami i saj do lante vëllain e vogël, ndërsa njerku tha se do të lante atë.
Një ngjarje e rëndë është shënuar në Ksamil, Sarandë, ku një vajzë 12-vjeçare ka denoncuar njerkun e saj në Polici, se ka abuzuar seksualisht me të.
Ngjarja e rëndë ka ndodhur në Ksamil, ndërsa ndaj abuzuesit E. Xhaferri është caktuar masa e sigurisë "Arrest me burg". Denoncimi i këtij rasti, burimet bëjnë të ditur se është bërë nga vetë vajza e mitur dhe nëna e saj në komisariatin e Policisë Sarandë. Në dosjen e prokurorisë që disponon gazeta "Panorama", e mitura pretendon se njerku 39-vjeç, ka abuzuar seksualisht me të për rreth dy vite. Ndërsa, abuzimi kryhej në rastet kur nëna e vajzës nuk ndodhej në banesë. E mitura është shprehur se 39-vjeçari E. Xhaferri, fillimisht ka filluar ta ngacmojë kur ishte 9 vjeçe, e prekte në vende të ndryshme të trupit dhe më pas ka nisur abuzimi seksual. Më datë 4 janar, vajza ka deklaruar se pasi i ka shpëtuar përdhunimit të njerkut të saj, ka shkuar në punën e nënës së saj për t'i treguar ngjarjen. 12-vjeçarja deklaron se mamaja nuk kishte kohë të bisedonte dhe se kishte shkuar te tezja e saj ku i ka rrëfyer gjithçka dhe më pas kanë lajmëruar nënën e vajzës. Pas rrëfimit nëna ka bërë ballafaqimin me bashkëshortin e saj, i cili nuk e ka pranuar fillimisht, por më pas ka pohuar se kishte ndodhur dy herë, por ai ka qenë në gjendje të pavetëdijshme. 39-vjeçari i denoncuar është ndaluar nga Policia, i cili ka pranuar faktin se në kohën që e ëma nuk ka qenë në shtëpi prezente ka ngacmuar seksualisht të miturën, duke e prekur në vende intime. Të gjithë këtë ngjarje ai e justifikon me faktin se nuk ka qenë i ndërgjegjshëm dhe vajza e mitur i është dukur si bashkëshortja e tij. Për 39vjeçarin Gjykata ka vendosur masën e sigurisë "Arrest me burg" për akuzën e kryerjes së veprës penale "Marrëdhënie seksuale ose homoseksuale me të mitur". Nëna e vajzës ishte divorcuar nga bashkëshorti i parë dhe ishte martuar me 39-vjeçarin me të cilin kanë edhe një djalë 9 vjeç.
DOSJA E PLOTË
Pranë Gjykatës së Shkallës së Parë Sarandë mbi bazën e materialit të referuar nga Drejtoria Vendore e Policisë Sarandë me shkresën nr. 20 prot. datë 11.01.2021 ka regjistruar në 11.01.2021 procedimin penal nr. 5 të vitit 2021 për veprën penale "Marrëdhënie seksuale ose homoseksuale me të mitur", të parashikuar nga neni 100/2 i Kodit Penal në ngarkim të personit në hetim.
Në datën 4.01.2021 është paraqitur në Komisariatin e Policisë Sarande shtetasja "X", e bija e lindur në Sarandë dhe banuese në Ksamil, Sarandë. E mitura e shoqëruar nga e ëma, shtetasja "X" ka kallëzuar se është dhunuar seksualisht nga njerku i saj shtetasi… Me konkretisht, kallëzuesja e mitur në prezencën e psikologes, në prezencën e koordinatores së të miturve pranë prokurorisë Sarandë, në prezencën e avokates ka parashtruar rrethanat si më poshtë:
Prindërit e saj quhen..., por janë divorcuar në kohën që kallëzuesja ka qenë rreth dy vjeçe. E ëma më pas është martuar me shtetasin "X", me të cilin ka dhe një djalë të moshës 9 vjeç dhe jetojnë të katërt në Ksamil. E mitura deklaron se me njerkun e saj ka pasur marrëdhënie të mira gjatë kohës që kanë jetuar në Greqi. Kur kanë ardhur për të jetuar në Shqipëri sjellja e tij ka ndryshuar. Ai ka filluar që ta ngacmojë seksualisht, derisa ka arritur në pikën që ka kryer dhe marrëdhënie seksuale me të.
Episodi i parë që referon në kallëzimin e saj e mitura ka nisur një ditë të zakonshme kur ajo ka qenë rreth 9 vjeçe dhe duhet të bënte një dush. Mami i saj do lante vëllain e vogël, ndërsa njerku tha se do të lante atë. Gjatë kohës që e ndihmonte të miturën të bënte dush njerku e ka prekur atë në vende intime duke e ngacmuar seksualisht edhe pasi kjo e fundit i ka thënë se ka dhembje dhe nuk duhet të vazhdonte ta prekte më. Mbas kësaj dite ai ka vazhduar më tej, në një rast kur e ëma e kallëzueses është larguar në Tiranë për t'i kryer një vizitë mjekësore tek okulisti djalit të saj. Në kohën që e mitura dhe njerku janë gjendur të vetëm në shtëpi ky e ka ngacmuar seksualisht përsëri duke e prekur në vende intime dhe ka fjetur me të në një krevat derisa ka ardhur e ëma në shtëpi.
Ngjarja ka agravuar më tej, në kohën kur e mitura ka qenë në klasën e pestë, një ditë kur vëllai i vogël i ka kërkuar mamasë së tyre që të flinte me të, njerku ka shfaqur vullnetin për të fjetur me vajzën e mitur me justifikimin që ajo të mos ishte vetëm. Gjatë kohës që po flinte, e mitura deklaron se njerku i është afruar dhe e ka zhveshur nga mesi e poshtë dhe ka kryer marrëdhënie seksuale me të. Kallëzuesja pohon se ka ndjerë shumë dhembje dhe njerku pasi ka mbaruar i ka thënë që të shkojë në tualet të pastrohet pasi ajo kishte gjakderdhje. Sipas kallëzueses, pas këtij episodi njerku i saj i thoshte vëllait që të luante përjashta me shokët dhe në momentin që e ëma nuk ndodhej në shtëpi ai hynte në dhomë, mbyllte dritaret që mos ta hapte njeri dhe e vendoste te krevati me force, pa dëshirën e saj duke e kapur nga gjoksi, e zhvishte, pastaj i hiqte tutat, afronte organin seksual me qëllim që të penetronte. E mitura deklaron se kishte frikë dhe largohej pasi e dinte që do të kishte dhembje sapo ai të afrohej, por njerku e kapte nga mbrapa me duar dhe me forcë e afronte rreth vetes. Afërsisht nga data 20 dhjetor 2020 kallëzuesja deklaron se njerku i ka shkuar përsëri te dhoma pasi kishte tre muaj që nuk e kishte prekur dhe ka tentuar të kryejë përsëri marrëdhënie seksuale me të, por ajo ka mundur të largohet dhe ka hipur në tarracën e shtëpisë, derisa ai është larguar nga shtëpia. Në datën 04.01.2021 vijon më tej e mitura, rreth pasdites pasi e ëma ishte në punë, njerku ka shkuar përsëri te dhoma e saj dhe i kërkoi vëllait të vogël të luante me shokët. E mitura deklaron se duke menduar se ai mund të tentonte përsëri ta përdhunonte si herët e tjera ka ikur nga shtëpia dhe ka shkuar tek e ëma me mendimin për t'i treguar për ngjarjen. E ëma nuk kishte pasur kohë të bisedonte në ato momente dhe ajo ka shkuar te tezja e saj dhe i ka treguar të gjitha çfarë kishin ndodhur. Më pas, tezja ka komunikuar me mamanë e saj dhe e kanë shoqëruar për të bërë kallëzimin në Polici.
Pasi ka kallëzuar, e mitura është pyetur në cilësinë e personit që ka dijeni për veprën penale mamaja dhe tezja e saj. E ëma e së miturës, shtetasja "X" ka deklaruar se nuk ka pasur dijeni rreth ngjarjes dhe është shokuar në momentin që e ka mësuar prej vajzës së saj. Ajo pohon se e ka njohur bashkëshortin aktual kur ka qenë në moshën 15-vjeçare dhe ka qenë e dashuruar me të gjatë gjithë kohës edhe pasi është martuar me shtetasin "Y", babain e kallëzueses. Ky i fundit i ka kërkuar divorcin pasi kishte dyshime mbi atësinë e fëmijës së tyre, por deklaruesja sqaron se "Y" është babai biologjik i vajzës. Në kohën që u nda nga shtetasi "X", i kallëzuari i ka premtuar se do e rrisnin vajzën e saj si të ishte e tyre dhe ajo është martuar me të dhe më pas kanë lindur dhe një djalë. Në këto kushte jetonin të katërt në një shtëpi.