Vendimet e para të Biden përmbysin politikat e Trump
SHBA do të rikthehet në paktin e klimës dhe marrëveshjes me Iranin
Joe Biden do të nënshkruajë një seri urdhrash ekzekutivë në ditët e tij të para në detyrë, duke u përpjekur të rivendosë kontrollin mbi ato çështje që i konsideron të dëmtuara nga vendimet e Presidentit në largim, Donald Trump.
Biden, 78 vjeç, tashmë ka përshkruar planet për të dërguar një projektligj emigracioni dhe një paketë stimuluese dhe lehtësuese të Covid-19 në Kongres, i cili do të kontrollohet nga demokratët. Të premten ai tha se do të përshpejtonte dorëzimin e vaksinave kundër Covid-19, të zhytur në kaos nën Trump. Biden ka në plan të kthejë SHBA-të në marrëveshjet e klimës së Parisit dhe marrëveshjen bërthamore të Iranit, të rrëzojë ndalimin e udhëtimit që Trump vendosi kundër disa vendeve me shumicë myslimane, të kufizojë dëbimet dhe përjashtimet në kohën e pandemisë dhe të vendosë një mandat "maskë" mbi pronën federale. Në një memo të publikuar të shtunën, shefi i kabinetit të ardhshëm të Shtëpisë së Bardhë, Ron Klain, tha: "Këto veprime do të ndryshojnë rrjedhën e Covid-19, do të luftojnë ndryshimin e klimës, do të promovojnë barazinë racore dhe do të mbështesin komunitetet e tjera dhe do të rindërtojnë ekonominë tonë në mënyra që forcojnë shtyllën kurrizore të këtij vendi: burrat dhe gratë që punojnë, që ndërtuan kombin tonë. Ndërsa objektivat e politikës në këto veprime ekzekutive janë të guximshme, unë dua të jem i qartë: teoria ligjore pas tyre është e bazuar dhe përfaqëson një rivendosje të një roli të përshtatshëm, kushtetues për Presidentin". Në memo nuk përmendet ribashkimi me Organizatën Botërore të Shëndetësisë, i përmendur më parë si përparësi. Klain tha se urdhrat pasues do të adresonin barazinë dhe do të mbështesnin komunitetet me ngjyrë, si dhe do të adresonin reformën në drejtësinë penale, qasjen në kujdesin shëndetësor dhe përparësitë e tjera. NJË PRESIDENT
I FAJËSUAR Trump largohet nga zyra i fajësuar dy herë, herën e dytë si nxitës për një sulm ndaj Kapitolit të SHBA-së, ku humbën jetën pesë persona.
Biden do të gëzojë kontrollin demokratik të të dyja dhomave të Kongresit, me një diferencë të vogël në Dhomë, por me votën vendimtare të Kamala Harris në Senat, si nënpresidente në një Senat ku demokratët dhe republikanët janë 50 me 50.
Puna e Senatit, përfshirë konfirmimin për të emëruarit e kabinetit të Biden, së shpejti do të dominohet nga gjyqi i fajësimit të Trump. "Është e rëndësishme që Senati të bëjë detyrën e tij kushtetuese, por edhe të bëjë detyrën e tij kushtetuese për të ecur përpara në këto emërime, në veprimet urgjente që i duhen vendit", tha Klain. RREZIKU PËR DHUNË Pjesa më e madhe e Uashingtonit është nën masa të shtuara sigurie pas kryengritjes së dhunshme të javës së kaluar në Kapitol, me zyrtarë të zbatimit të ligjit që paralajmërojnë për më shumë potencial për dhunë përpara inaugurimit të Biden. Pasditen e së dielës grupe të vogla protestuesish pro-Trump, disa të armatosur, nisën të mblidheshin jashtë godinave shtetërore, përfshirë Miçiganin, Ohajon dhe Karolinën e Jugut. Në 50 shtete amerikane priten protesta nga mbështetësit e Trump.