Në mars ndryshon logoja dhe emri, tifozët të ndarë

Pasi përjetoi një nga mbrëmjet më ekzaltuese në historinë e saj të vonë me fitoren 2-0 të regjistruar ndaj Juves, kanë qarkulluar zërat e parë lidhur me revolucionin në planin e imazhit që Interi po pret të përjetojë. Në muajt e ardhshëm, në fakt, do të zbulohen logoja e re dhe "emri" i ri që do të shoqërojë daljen e stemës interiste në nivel publicitar: biznesi i klubit do të mbetet "Football Club Internazionale Milano" (për të qenë të qartë pas lajmeve të paqarta që qarkulluan në orët e para të ditës së djeshme), pra emri në të vërtetë nuk do të ndryshojë, por logo e re do të shoqërohet nga më "i menjëhershmi" emër-slogan Inter Milano (për arsye marketingu), saktësisht ashtu siç tani klubi zikaltër thërritet në të gjithë botën. Rinovimi i stilit minimal mendohet të parashikojë përjashtimin e "Duomo"-s së Milanos me përfshirjen e stilizuar të grataçieleve të kryeqendrës lombarde.

EDHE SPONSORI - Stema e ideuar në vitin 1908 nga ilustruesi Xhorxho Muxhiani është modifikuar gjatë harkut të viteve, por asnjëherë i ndryshuar plotësisht. Ndërsa tani mund të pësojë një ndryshim të madh, do të zhduken germat "F" dhe "C", në mënyrë koherente me emrin e ri, që do të vendoset përreth germave "I" dhe "M". Mbi këtë ristilizim "Suning" po punon tashmë prej muajsh për të globalizuar Interin dhe edhe nëse tani grupi kinez është në kërkim investitorësh të rinj, do të jetë me siguri ai që do përcjellë skuadrën drejt së ardhmes. Prezantimi, në fakt, parashikohet në muajt e ardhshëm, për datëlindjen e klubit (të 113-ën, më 9 mars). Me lamtumirën e sponsorit historik "Pirelli" të programuar për sezonin 2021-'22, Interi pret të nisë kështu sezonin e ardhshëm me një petk totalisht ndryshe. Me shpresën që në fanellën zikaltër të mund të qepet edhe diçka tjetër (titulli) që mungon prej kohësh…

TIFOZËT TË NDARË - Në rrjetet sociale ka nisur polemika mes tifozëve tradicionalë: "Logo me 'IM' pa 'FC' nuk ka kuptim të shohë dritën, po shkatërrohet më shumë se një shekull histori". Ka edhe apele personale për pronarët: "I dashur Stiven, mund të kuptojmë ndryshimin e logos, por jo emrit. Jemi Internazionale Milano dhe jo Inter

Milano". Por, në kohë pande- mie, dikush shikon edhe llogaritë: "Zgjedhje e detyruar për të shtyrë markën drejt merka- tove të reja".