“Djalli” mbret i 11-metërshave, Gasperini: Edhe ajo zotësi është
Gara me Udinezen në Kupën e Italisë nuk e heq vëmendjen e Xhan Piero Gasperinit nga sfida e fundjavës kundër Milanit në kampionat (të shtunën në 18:00). Polemik trajneri i Atalantës, sidomos në lidhje me penalltitë që kuqezinjtë kanë marrë sivjet në favor (12 në 18 ndeshje). Lidhur me këtë fakt, Gasperini ka sqaruar: "Me siguri që marrja e penalltive është një çështje aftësie. Ka që e quajnë përvojë, por edhe ajo është një cilësi. Ekipi im nuk merr thuajse kurrë penallti në favor, por në ecurinë e një sezoni numri i penalltive mund të bëjë diferencën. Në këtë aspekt, Atalanta nuk është mes skuadrave më të vlerësuara".
MILANI, MBRET PENALLTISH - Në 18 javë të Serisë A, të gjitha skuadrat kanë pasur të paktën një penallti në favor. Udineze, Parma dhe Xhenoa janë të vetmet që kanë marrë nga një 11-metërsh kundër duke e kapitalizuar. Nëse këto tri
NDESHJE ekipe janë më pak "të favorizuara" në këtë aspekt, mbret mund të quhet Milani, që deri në këtë pikë të kampionatit ka marrë 12 herë penallti pro. Disi e dobët shënjestra pasi vetëm nëntë prej tyre janë shndërruar në gol, por kjo nuk e ndryshon sezonin e jashtëzakonshëm të ekipit të Pioliti, i cili qëndron në krye të Serisë A me 43 pikë e vetëm tri larg Interit ndjekës. Pikërisht, zikaltrit janë në vendin e tretë të podiumit me katër penallti në favor gjatë 18 javëve të kampionati. Aleksis Sançez ndaj Sampdorias është i vetmi "huq", pasi Lukaku i ka dërguar në rrjetë ato që ka goditur. Lacio, Krotone dhe Sampdoria janë ekipet që plotësojnë vendin e tretë, teksa në të dytin qëndrojnë Juventusi, Roma dhe Sasuolo. Dy të fundit i kanë transformuar në gol shanset e tyre, ndërsa mbi bardhezinjtë rëndon ajo penallti e humbur nga Kristiano Ronaldo kundër Atalantës. Napoli dhe Fiorentina janë emrat e tjerë me peshë që kanë pësuar nga tri penallti në favor gjatë këtij sezonit dhe nuk kanë gabuar kurrë, por nëse skuadra e Hysajt lundron në vendet e larta, vjollcët po regjistrojnë një ecuri që lë shumë për të dëshiruar.