BARDHI: PS DEL HUMBËSE NË ÇDO SONDAZH

Teksa PD-ja është drejt mbylljes së negociatave me të gjithë aleatët për formulën e koalicionit, kreu i qeverisë kishte përgatitur një videomontazh dhe e postoi në “Facebook”. Në video kreu i PS-së Edi Rama i quante kryetarët e partive të vogla “memexhinj” dhe ironizonte kryedemokratin se lë demokratët mënjanë dhe u siguron mandatin e deputetit “memexhinjëve” (aleatëve). Kryeministri shkon edhe më tej në sulmet e tij ndaj Bashës, ku shprehet se mungesa e koalicioneve parazgjedhore me aleatët e tij është halli i vërtetë i Bashës. “’Meme Party’, ja pse u tremb Luli kur pa ne ëndërr qe ‘Meme’-t do ndaloheshin me ligj”, shkroi Rama në “Facebook”. Pas këtij statusi i menjëhershëm ka qenë reagimi edhe i kreut të PD-së, Lulzim Basha. Ky i fundit kujton situatën e vështirë ekonomike e shëndetësore, në të cilën ndodhet vendi ynë, ndërsa kreu i qeverisë merret me videomontazhe për të përçarë opozitën në vendimet taktike elektorale. Sipas kryedemokratëve, shqiptarët janë lodhur me Kryeministrin aktual. Ky i fundit, sipas Bashës, nuk do ta kuptoj këtë, ndaj Basha në reagimin e tij shprehet se do ia mësojë këtë Ramës më 25 prill. “Kur Rama qesh, Shqipëria qan. Duket se ai e ka të vështirë të kuptojë që shqiptarët anembanë vendit janë lodhur prej tij. Këtë do ta mësojë mirë në 25 prill, kur ta largojmë dhe të sjellim një të ardhme më të mirë për familjet shqiptare”, shkruan kreu i PD-së, Lulzim Basha.

KOALICIONET Ndryshimi i Kodit Zgjedhor pa dakordësinë e opozitës, pas ndryshimeve sipas marrëveshjes së 25 qershorit, bënë që për herë të parë që pas ‘92 të ndryshohet skema e koalicioneve. Në zgjedhjet e 25 prillit të gjitha partitë që dakordësojnë për koalicion para zgjedhor, do të përfshihen në një listë. Në kampin opozitar është dakordësuar që të përballen me maxhorancën aktuale me dy lista koalicionesh. Nga njëra anë është PD-ja, së bashku me aleatët e saj të vegjël dhe nga ana tjetër lista e partisë së dytë më të madhe në opozitë, LSI-së, me partitë me filozofi të majta. Deri më tani, PD-ja ka dakordësuar për koalicionin

Sekretari i PD-së Gazment Bardhi replikoi dje me numrin dy të PS-së, Taulant Balla, i cili nga Elbasani kujtoi ngjarjen e 21 janarit. Përmes një postimi në “Facebook”, Bardhi u shpreh se Balla bën diversion pasi e ndjen humbjen. “Diversionet idiote të Taulant Ballës për Opozitën e Bashkuar kanë vetëm 1 shkak, humbjen e thellë të pushtetit të korruptuar të Edi Ramës dhe Taulant Ballës më 25 Prill! Çdo sondazh i nxjerr humbës, sepse çdo shqiptar e di se Edi Rama dhe Taulant Balla kane vetëm 1 hall, të shtojnë pasuritë e tyre, llogaritë bankare, vilat e fshehura! Ky është modeli që do të shkojë për skrap më 25 Prill”, shkroi Bardhi me tri parti aleate, PAAnë, PDK-në dhe LZHK-në. Shumë pranë marrëveshjes ndodhet me PBDNJ-ja, ndërsa po negociohet ende me PR-në dhe PDIU-në. Arritja e marrëveshjes me aleatët nënkupton edhe garancinë për emrin në listën e PD-së në 25 prill.