Pensionet, emrat që marrin shtesën e re LISTA E ISSH
Zbardhet lista e re e miratuar dje nga ISSH me emrat e pensionistëve që marrin deri në 5 mijë lekë shtesë. Tabelat me minatorët, metalurgët e naftëtarët që përfitojnë në Tiranë e rrethe
Përfundon llogaritja e shtesës për 191 pensionistë nga radhët e minatorëve, naftëtarëve dhe metalurgëve.
Instituti i Sigurimeve Shoqërore ka publikuar një ditë më parë emrat e përfituesve në Tiranë dhe rrethe. Shtesa, sipas skemës suplemtare që ka nisur të aplikohet që prej vitit 2019, varion nga 12 deri 20 për qind mbi masën e pensionit. Këtë shtesë e përfitojnë të gjithë personat që kanë jo më pak se 6 vite në profesionet dhe punët e përcaktuara të vështira dhe shumë të vështira, ndërsa gjithsej sipas Institutit të Sigurimeve Shoqërore janë rreth 23 400 pensionistë që përfitojnë. Bazë për llogaritjen e shtesës janë vitet e punës, për minatorët rritja do të jetë me 1 për qind për çdo vit pune në minierë, ndërsa për metalurgët dhe naftëtarët me 0.6 për qind. Në këtë mënyrë sa më shumë vite pune aq më i lartë do të jetë edhe përfitimi. Krahas kësaj është ulur edhe pragu kontributiv, kështu për të marrë pension të plotë këto tri kategori mjafton të kenë 30 vite pune dhe jo 37 sa kërkohen aktualisht. Kujtojmë që nga buxheti i shtetit, këtë vit janë vënë në dispozicion rreth 14 milionë dollarë. Në 5 vitet e para skema do të financohet nga shteti dhe kostoja e përllogaritur është 140 milionë dollarë. Sipas ligjit me pensione suplementare do të trajtohen ata ish minatorë, naftëtarë dhe metalurgë, që kanë punuar në industrinë shtetërore dhe që punojnë në sektorin privat, por parashikohet që në vijimësi punëdhënësit dhe punëmarrësit privatë të paguajnë kontribute shtesë në masën 5 për qind.