NE GJITHE VENDIN
Legalizimet, 800 emrat e rinj që marrin tapinë
Miratohet lista e re me familjet që marrin tapinë për shtëpitë e ndërtuara pa leje. Gazeta boton të plota tabelat zyrtare me emrat e përfituesve në Tiranë dhe rrethe
Agjencia e Kadastrës ka publikuar emrat e familjeve që kanë gati tapinë në Tiranë dhe rrethe. Gazeta boton sot emrat e përfituese në Tiranë, Berat, Korçë, Pogradec, Krujë dhe Elbasan, të cilët në përfundim të afatit 30-ditor do të pajisjen me dokumentin e pronësisë.
“Drejtoria vendore e ASHK-së bën afishimin publik për qytetarët, në zbatim të VKM-së nr.1040 date 25.11.2020 ‘Përcaktimin e rregullave të zbatimit të kritereve të legalizimit dhe miratimin e modelit të aktit të legalizimit, për ndërtime pa leje’, ka marrë në shqyrtim kërkesën e qytetareve të mëposhtëm. Publikimi i kërkesave për afishim të subjekteve që po trajtohen nga ASHK bëhet për një periudhë 30-ditore”, thuhet në njoftim. Me ndryshimet e bëra është shkurtuar koha për marrjen e tapisë. Ligji përcakton që brenda një periudhe 2-mujore të përmbyllen të gjitha procedurat. Me ndryshimet në ligj Agjencia e Kadastrës ka miratuar edhe tarifat e reja për 65 shërbime që ofron. Tarifat e përcaktuara variojnë nga 700 lekë deri 25 mijë lekë. Konkretisht, për regjistrimin e lejes së ndërtimit duhet të paguhen 2 000 lekë, e njëjta faturë edhe për regjistrimin e lejes së zhvillimit. Referuar tabelave zyrtare, për lëshimin e Certifikatës së Pronësisë, tarifa e përcaktuar është 1500 lekë. E njëjta tarifë, edhe për lëshimin e vërtetimit të pronësisë. Ndërsa në rastet kur ka humbur certifikata e marrë apo është dëmtuar dhe lëshohet një certifikatë e re, detyrimi është 1000 lekë. Tarifa më e lartë, prej 25 mijë lekësh, aplikohet për regjistrimin e hipotekës gjyqësore, për garantimin e vlerës së detyrimit të përcaktuar në vendimin gjyqësor të formës së prerë mbi 1 milion lekë. Tashmë me projektin e ri, atë të dixhitalizimit të arkivës, një pjesë e procedurave mbi pasuritë e paluajtshme, që nga pagesat e parcelës ndërtimore, vërtetimet, regjistrimi fillestar, rivlerësimi i pasurisë e deri te marrja e Certifikatës së Pronësisë, mund të kryhen online përmes sistemit “e-Albania”.
FAMILJE në Tiranë dhe rrethe marrin lejen e legalizimit. Agjencia e Kadastrës ka publikuar një ditë më parë emrat e përfituesve, të cilët pas afatit 30-ditor do të pajisjen me dokumentin e pronësisë.