Situata nga COVID-19, bie në 6.7% shkalla e infeksionit
Ishte fillimisht ministrja Manastitliu që dha lajmin për mbërritjen e dërgesë së radhës me 40 mijë doza. Por disa orë më vonë, Kryeministri njoftoi dyfishin e kësaj sasie. “Të shtunën dhe të dielën mbërrijnë 90 mijë e 800 vaksina ‘AstraZenca’. Shqipëria do të vijojë të qëndrojë në vendet e para të klasifikimit europian për shpejtësinë e vaksinimit dhe ne do ta tejkalojmë objektivin e 500 mijë të vaksinuarve brenda majit”, shkroi Rama në rrjetet sociale. Kjo është dërgesa e dytë që sigurohet përmes mekanizimit “COVAX”, të ngritur nga Bashkimi Europian. Fillimisht u dorëzuan gati 38 mijë e 400 doza, të cilat u aplikuan te mësuesit dhe pedagogët. Kjo sasi e radhës vjen në kohën kur në Europë është rihapur debati për sigurinë e vaksinës “AstraZeneca”. Pas Danimarkës që ndërmori masën e pezullimit edhe autoritetet shëndetësore në Norvegji kanë kërkuar të enjten nga qeveria që të ndalë procesin e vaksinimit me “AstraZeneca”, pas rasteve të përsëritura me mpiksje gjaku. Pavarësisht kësaj, pra pikëpyetjeve dhe pasigurive në rritje, në Shqipëri nuk do të vijohet me procesin e vaksinimit normalisht. Këtë e bëri të qartë edhe ministrja Manasturliu kur tha se do të vijohet që të përdoren të gjitha vaksinat.
OPERATORËT TURISTIKË Ndërkohë këtë fundjavë, do të nisë edhe vaksinimi i operatorëve turistikë. “Sot kalojmë mbi 300,000 vaksinime të kryera dhe në fundjavë nisim vaksinimin e operatorëve turistikë”, tha Rama teksa vizitoi një qendër vaksinimi në Kamzë. Kërkesa për vaksinimin e operatorëve turistikë u bë nga Presidenti i “Biznes Albania”, Luan Bregasi, gjatë një takimi me Kryeministrin, si garanci për një sezon turistik pa kufizime. Por ajo që nuk dihet, është se cila vaksinë do të aplikohet për këtë kategori.
VAKSINIMI Dje, sipas Ministrisë, shifra e të vaksinuarve ka arritur mbi 300 mijë persona, çka do të thotë që deri më tani është vaksinuar gati 11 për qind e popullatës. Por jo të gjithë të vaksinuarit janë imun. Kjo për vetë faktin që pjesa më e madhe prej tyre kanë marrë vetëm një dozë vaksine, ndërsa për të siguruar mbrojtjen duhet të injektohen të dyja dozat. Prej së hënës, ka nisur edhe vaksinimi i personave mbi 60 vjeç që vuajnë nga sëmundjet kronike, ndërsa në të njëjtën kohë po vijohet me vaksinimin e punonjësve të Policisë, ushtarakëve, gazetarëve dhe
Më pak raste të reja dhe gjithnjë e më pak pacientë të shtruar në spitalet COVID-19. Të enjten shkalla e infeksionit ka rënë në 6.7 për qind. Çka do të thotë se vetëm 6.7 për qind e të testuarve kanë rezultuar të infektuar. Janë kryer 2520 testime, nga të cilat kanë rezultuar pozitivë 169 qytetarë. Rastet pozitive të konfirmuara janë identifikuar në këto bashki: 49 raste në Tiranë, 15 në Shkodër, 13 në Korçë, 9 në Fier, 8 në Elbasan, 7 në Devoll, nga 6 raste në Berat, Pogradec, nga 5 raste në Kavajë, Gjirokastër, Gramsh, 4 në Skrapar, nga 3 raste në Durrës, Kamzë, Mat, Përmet, nga 2 raste në Has, Vlorë, Mirditë, Sarandë, Maliq, Këlcyrë, nga 1 rast në Krujë, Kukës, Lezhë, Tropojë, Mallakastër, Delvinë, Tepelenë, Divjakë, Fushë Arrëz, Dibër, Peqin, Kuçovë, Poliçan”, ka bërë me dije ministria. Në 24 orët e fundit ndërkohë, janë shëruar 572 qytetarë, duke e çuar numrin e të shëruarve në 100,013 që nga fillimi i epidemisë. E përmirësuar vijon të paraqitet situata në spitalet COVID-19 ku për herë të parë pas shumë muajsh, në intubim ndodhet vetëm një pacientë. “Aktualisht në spitalet COVID në Tiranë dhe tre spitalet rajonale po trajtohen 182 pacientë, 9 në terapi intensive, nga të cilët 1 pacientë janë të intubuar”. Lidhur me fatalitetet, të enjten janë raportuar edhe 4 humbje jete si pasojë e Covid-19. “Me gjithë përpjekjet e stafit mjekësor, 4 qytetarë e kanë humbur betejën me Covid-19: 2 qytetarë nga Tirana, 1 qytetar nga Kukësi, 1 qytetar nga Elbasani, të moshave 57 - 86 vjeç”. operatorëve të terrenit. Përveç vaksinës “AstraZeneca”, në dispozicion janë edhe “Pfizer”, vaksina ruse “Sputnik” dhe ajo kineze “Sinovac”.