Denis dhe Samuel Troka rrëfejnë si u futën në botën e artit

Dy vëllezer fierakë, të lindur në Itali, por me mendje dhe shpirt tek atdheu i tyre. Me talent, me guxim e durim, po arrijnë një pëlqim të madh në publik edhe të vipave shqiptarë. Po cilët janë këta? Vëllai i madh quhet Denis Troka, 21 vjeç (lindur dhe rritur në Itali), profesioni aktor (muzika pasion). Projekti i tij i fundit është filmi me Drilon Hoxhën. Vëllai i vogël, Samuel Troka, emri i artit TROKANIT, është 19 vjeç, profesioni këngëtar. —Denis, ti tashmë je pjesë e një projeki shumë të madh, me një emër të njohur të kinematografisë shqiptare si Drilon Hoxha. Si të bën të ndihesh ky fakt dhe si e gjete veten përkrah Drilonit? - Ndihem shumë i emocionuar, përgjegjësi shumë të madhe. Për mua nuk është vetëm një ëndërr, por e ardhmja ime. Në këtë botë jemi futur falë menaxheres dhe njohjeve që ajo ka si ishgazetare dhe mbështetjes së madhe që kemi nga prindërit tanë. - Sa e vështirë ka qenë për ty të përshtateshe në këte botë? - Për mua ka qenë shumë e vështirë. Mendova se ishte e lehtë, pasi i shihja në TV dhe mendoja, ja këta kënaqen. Por në realitet është e veshtirë, pasi është trysnia e kamerave, një stafi të madh që mban përgjegjësi për çdo gjë. - Kemi dëgjuar nga burimet tona që përveç aktrimit, ti pëlqen dhe muzikën. Kujt i keni ngjarë për këto talente që keni si ju, edhe vëllai juaj? - Aktrimi ka qenë ëndrra ime që femijë. Por tashmë për mua është punë, obligim. Ndërsa muzika, pasion. Pasi unë jam rritur me muzikë popullore nga ana e babit që femijë. - Na trego pak si aktor i ri qe je, çfarë do të thotë kjo gjë për ty? - Durim, mend në kokë, nerva, pasion për punë dhe nëse e do diçka, e arrin. Siç unë e arrita. - Jeni futur në një botë ku në Shqipëri ka një konkurrencë të madhe. A jeni gati për këtë sakrificë? - Shumë gati jam, pasi çdo talent ka vendin e vet. Nuk ka rëndësi sa konkurrencë ka, kur ke talent. - Brenda pak muajsh, keni arritur shumë lart. Çfarë dhe kush ju ka ndihmuar apo falë talentit? - Arritja jonë nuk është vetëm falë talentit tonë, por si fillim të familjes siç thashë dhe me sipër, pastaj falë ndihmës së menaxheres sonë. E gjithë kjo gjë për ne është krenari dhe përgjegjësi. - Samuel, ose ndryshe siç njihesh me emrin e artit Trokanit, mund të na e tregosh si u fute në botën e artit? - E gjitha kjo ka qenë rastësi për mua, pasi ka qenë vetëm një ëndërr e imja, kurrë nuk e kisha menduar se do bëhej realitet. Gjithçka nisi falë menaxheres sonë, ku me shaka më tha, a do të bëhesh këngëtar? Me shaka i thashë po. Dhe tashmë gjithçka po ecën në rrugën e vet. - Me tri klipe dhe je i ftuar special përkrah një këngëtari të njohur si Majk, si të bën të ndihesh ky fakt? - Ndihem i privilegjuar, krenar dhe për mua është arritje shumë e madhe. - Gjithashtu, kemi mësuar që shumë shpejt do bësh një bashkëpunim me një këngëtar si Mandi Nishtulla, si lindi kjo ide dhe si ndihesh që do bësh nje projekt me një këngëtar si Mandi? - Një emër shumë i rëndësishëm jo vetëm për mua si këngëtar, por për këdo që është në këtë botë është nder e kënaqësi të bëj një këngë me të. - Dy vëllezër për profile të ndryshme, njëri në aktrim dhe tjetri në këndim, si ndihesh për këtë fakt? - Është e rrallë të jenë dy vëllezër në dy botë të ndryshme, pasi janë dhe Mozzik e Getinjo, por janë të dy në një fushë, prandaj jam krenar si për vete, edhe për vëllain tim. - Projekti i radhës, nëse mund ta zbulosh, cili është? - Nuk mund të them me detaje, por mund të them që është super e bukur, pasi flet për anën femërore. Që të jemi krenarë dhe t’i respektojmë femrat, pasi falë tyre, kemi lindur dhe jemi rritur.