Këlliçi: Rama bën propagandë e gënjen për antikorrupsionin
“Ndëshkimi i modelit të Ramës, rrugë që të çlirohemi nga korrupsioni”
Partia Demokratike ka reaguar serish mbi takimin e zhvilluar nga Kryeministri Rama me kryebashkiakët socialistë ku i kritikon për korrupsionin në tenderë. Në një deklaratë për mediat, deputeti i zgjedhur Belind Këlliçi u shpreh se takimi i zhvilluar në kryeministri ishte propagandë e gënjeshtërt dhe hipokrite përballë të emëruarve të tij në pushtetin vendor. Këlliçi deklaroi se PD-ja ka denoncuar me prova aferat korruptive dhe vjedhjen e taksave të shqiptarëve nga Rama me bandën e tij të plaçkitësve. Për deputetin e zgjedhur, sevdaja e madhe e Ramës për antikorrupsionin është një lojë që konsumohet para kamerave, ndërsa kur ato shuhen vazhdon. Këlliçi shtoi se e vetmja rrugë që Shqipëria t’u kthehet sa më parë shqiptarëve është ndëshkimi i modelit të ndërtuar nga Edi Rama. Teksa denoncoi tenderin e dhënë për ish-kryebashkiakun e Vorës Agim Kajmaku dhe një tjetër në Fier me vlerat më të larta u shpreh se Rama po i shpërblen me para publike autorët e masakrës së 25 prillit.
DEKLARATA E PLOTË Ndoqëm përpjekjen e radhës të Edi Ramës për t’u hedhur hi syve qytetarëve shqiptarë, me propagandën e gënjeshtërt dhe hipokrite përballë të emëruarve të tij në pushtetin vendor. Por tashmë, shumica dërrmuese e qytetarëve e dinë mirë se ajo që Rama bën dhe ajo që Rama thotë, nuk kanë lidhje me njëra-tjetrën. Sot, Partia Demokratike do të sjellë një provë për të dëshmuar edhe një herë, se sevdaja e madhe e Ramës për antikorrupsionin është një lojë që konsumohet para kamerave, ndërsa kur ato shuhen vazhdon vjedhjen e taksave të shqiptarëve me bandën e tij të plaçkitësve. Të
MIJE EURO ka përfituar në 2 tenderë “AME 2020” sh.p.k., në pronësi të ish-kryetarit të Bashkisë Vorë, Agim Kajmakut. Një nga “OSHEE” sh.a., me objekt “Mirëmbajtje e ambienteve të brendshme dhe tarracës për ‘OSHEE Group’ sh.a., për Drejtorinë Rajonale Tiranë/ OSSH sh.a.”, me vlerë 61,136 euro dhe një tjetër nga Bashkia Fier me objekt “Blerje lule dekorative”, me vlerë 16,279 euro gjithë e mbani mend Agim Kajmakun. Të emëruarin nga Edi Rama në krye të Bashkisë së Vorës, që humbi mandatin sepse shkeli ligjin e dekriminalizimit dhe ndërsa ishte në arrati, midis viteve 2019 dhe 2020, fitonte miliona lekë tenderë. Sot, Agim Kajmaku vazhdon të shpërblehet nga Edi Rama. “AME 2020” sh.p.k., në pronësi të Kajmakut, ka përfituar 2 tenderë. Një nga “OSHEE” sh.a., me objekt “Mirëmbajtje e ambienteve të brendshme dhe tarracës për ‘OSHEE Group’ sh.a., për Drejtorinë Rajonale Tiranë / OSSH sh.a.”, me vlerë 61,136 euro. Oferta më e lartë! Dhe një tjetër nga Bashkia Fier me objekt “Blerje lule dekorative”, me vlerë 16,279 euro. Edhe ky tender me ofertën më të lartë! Ky pra është Edi Rama i vërtetë. Ai që para kamerave qan për taksat e qytetarëve dhe pas kamerave i përdorë ato për të shpërblyer ata me të cilët ka kryer masakrën zgjedhore të 25 prillit. Korrupsioni dhe bashkëpunimi me krimin janë modeli me të cilin Edi Rama ka shkaktuar rrënimin e përditshëm të ekonomisë së çdo familjeje, duke nxitur largimin masiv të të rinjve shqiptarë. Ndëshkimi i modelit të ndërtuar nga Edi Rama është e vetmja rrugë që Shqipëria të çlirohet nga korrupsioni dhe t’u kthehet sa më parë shqiptarëve.