Kush është inxhinierja që zbuloi aferën me uniformat, ish-ministri tregon çfarë fshihet pas 25 milionë USD
Zbardhet dosja e Prokurorisë së Posaçme për arrestimet e zyrtarëve të Ministrisë së Brendshme, të dyshuar jo vetëm për uniformat e Policisë
Rezulton se z. Enea Righi ka nënshkruar marrëveshjen e bashkimit të përkohshëm të shoqërive dhe prokurën e posaçme në emër të shoqërisë “Servizi Italia SPA”, përtej tagrave të përfaqësimit për t’i kryer këto veprime juridike, referuar kompetencave të dhëna nga shoqëria “Servizi Italia SPA”, të përcaktuara në ekstraktin e regjistrit tregtar
Pjesë e hetimit të Prokurorisë së Posaçme kundër Korrupsionit dhe Krimit të Organizuar nuk është vetëm tenderi i uniformave të Policisë së Shtetit, por edhe tenderë me mishin apo me lavanderinë. Në dosjen voluminoze të SPAK, të siguruar nga gazeta “Panorama”, hidhet dritë edhe mbi abuzime të tjera të zyrtarëve të Ministrisë së Brendshme. Aty përshkruhet një tjetër rast i favorizimit në tenderë korruptivë. SPAK hedh dyshime mbi tenderin e mishit dhe produkteve të tij, pasi nga provat e administruara deri më tani rezulton se atë e ka fituar një kompani që nuk e ushtron aktivitetin e saj në prodhimin apo shitjen e produkteve të mishit. Sipas dosjes hetimore, është e provuar nga Drejtoria Rajonale e Autoriteti Kombëtar të Ushqimit Korçë, që subjekti në fjalë nuk është i licencuar në tregtimin e mishit. Ndërsa sa i përket tenderit të uniformave, dëshmia më e fortë kundër të arrestuarve është ajo e kryetarit të Komisionit të Vlerësimit të Ofertave. Procedurat për këtë tender me vlerë afro 28 milionë dollarë kanë nisur që në vitin 2019. I gjithë procesi është shoqëruar me dritëhije, pasi është anuluar dhe rihapur si garë, ka pasur ndryshime të specifikimeve teknike, të pjesëmarrësve, derisa në korrik të vitit të shkuar u përmbyll duke shpallur fitues një konsorcium të udhëhequr nga kompania “D&E”, me administrator Ismail Kadiun.
PJESË NGA DOSJA E SPAK
Prokuroria e Posaçme kundër Korrupsionit dhe Krimit të Organizuar, mbi bazën e akteve të referuara nga Drejtoria Vendore e Policisë Tiranë, më datë 25.06.2020 ka regjistruar procedimin penal nr. 174 për veprën penale “Shkelja e barazisë së pjesëmarrësve në tenderë apo ankande publike”, parashikuar nga neni 258 i Kodit Penal.
Në datë 23.06.2021, në referim të nenit 287/1 të K. Pr. Penale nga organi procedues u disponua për regjistrimin si persona që u atribuohet vepra penale emrat e shtetasve: Edlira Naqellari, Flutura Çekrezi, Anisa Bogdani, Ani Omuri, Klevis Hasani, Aurora Mulla, Kreshnik Bejkaj, Fatmir Demneri, Mariglen Buzali, Gëzim Mingaj, të dyshuar për kryerjen e veprës penale “Shkelja e barazisë së pjesëmarrësve në tenderë apo ankande publike”, kryer në bashkëpunim parashikuar nga nenet 258 dhe 25 të Kodit Penal.
Në datë 17.06.2020, shtetasi Argent Daci, administrator i shoqërisë “Daci-Al”, ka bërë kallëzim penal te Shërbimet e Policisë Gjyqësore të Drejtorisë Vendore të Policisë Tiranë, ku rezulton se shoqëria e tij e regjistruar në QKB, si person Fizik “Argent Daci”, me NIPT L01914003T, ushtron aktivitetin tregtar në fushën e therjes, prodhimit, përpunimit dhe tregtimit të mishit të freskët. Nga ana e Agjencisë së Blerjeve të Përqendruara është ndjekur procedura e prokurimit për dy raste:
1. Blerje mishi dhe nënprodukte të tij, Qarku Tiranë, Fondi Limit: 30,846,736 lekë (pa TVSH)
2. Blerje mishi dhe nënprodukte të tij, Qarku Tiranë, Fondi Limit: 5,030,037 lekë (pa TVSH)
Këto prokurime i ka fituar Shoqëria “4S” shpk, me NIPT L64425401K, e cila nuk ushtron aktivitetin e saj në adresën ku është licencuar për tregtimin e mishit, fakt i konfirmuar edhe nga Drejtoria Rajonale e Autoriteti Kombëtar të Ushqimit Korçë, në drejtim të kallëzuesit, me shkresën e saj nr.731/ 1 Prot., datë 06.05.2020, e cila ka cituar se subjekti “4S” me NIPT L64425401K, është futur në planin vjetor për inspektim nga Drejtoria Rajonale e AKU-së Korçë për licencën me Nr. LN-3823-09-2017, por që nga momenti i dhënies së kësaj licence çdo inspektim i programuar sipas riskut (2 herë në vit), nuk është realizuar, pasi subjekti nuk është konstatuar asnjëherë hapur, fakt i konfirmuar edhe me telefon nga administratori i kësaj shoqërie në drejtim të AKU-së Korçë, i cili ka deklaruar se nuk ka filluar akoma ushtrimin aktivitetit. Pra, ka rezultuar se subjekti fitues i këtij prokurimi, shoqëria “4S” shpk, nuk zhvillon aktivitet në adresën Korçë, ku ka ende aktive licencën e dorëzuar si plotësim të njërit prej kritereve të këtij prokurimi, me numër LN-3823-09-2017 me kod II. IB me emërtimin përshkruese të veprimtarisë Shitje me shumicë e ushqimeve me origjinë shtazore (për njerëz), e cila është dorëzuar për procedurën e prokurimit pranë autoritetit kontraktor. Po ashtu, edhe vetëdeklarimi që shoqëria “4S” shpk ka bërë për kontrollin e fundit të AKU-së, është fiktiv, pasi Drejtoria e AKU-së Korçë e ka shprehur se nuk e ka inspektuar asnjëherë subjektin që nga dhënia e licencës.
Prokuroria e Posaçme kundër Korrupsionit dhe Krimit të Organizuar, mbi bazën e kallëzimit të bëra nga Shoqëria BOE “Sanitary Cleaning” sh.p.k& Servizi Italia S.p.A., më datë 07.07.2020, ka regjistruar procedimin penal nr. 185 për veprën penale “Shkelje barazisë së pjesëmarrësve në tenderë apo ankande publike”, parashikuar nga neni 2581 Kodit Penal.
Nga aktet rezulton se Shoqëria BOE “Sanitary Cleaning” sh.p.k & Servizi Italia S.p.A, ka marra pjesë në procedurën e prokurimit të zhvilluar nga Agjencia e Blerjeve të Përqendruara (ABP) me datë 03.09.2019, me objekt: “Për shërbimin e lavanderisë dhe hotelerisë për pacientët e hospitalizuar në pavijonet e Qendrës Spitalore Universitare “Nënë Tereza”, me fond limit 1.117.059.801 lekë pa TVSH (rreth 9.200.000 Euro), për 4 vjet, me numër reference REF. 30830-07-18-2019. Pas skualifikimit të kësaj shoqërie në këtë tender, me datë 18.09.2019, njoftim të cilin e ka marrë në Sistemin e Prokurimeve Elektronike (SPE) për vendimin e Komisionit të Vlerësimit te Ofertave(KVO), e cila është skualifikuar për disa shkaqe të paraqitura dhe të njoftuara në drejtim të kësaj shoqërie të skualifikuar.
Pas ankimit të bërë në Komisionin e Shqyrtimit të Ankesave (KSHA) pranë Agjencisë së Blerjeve të Përqendruara (ABP), ky Komision e ka rrëzuar ankimin e shoqërisë duke i kthyer përgjigje për këtë vendim me shkresën Nr.1648/2, datë 02.10.2019. Më pas, nga kjo shoqëri në datë 11.10.2019 është bërë ankim te Komisioni i Prokurimit Publik, i cili me vendimin e datës 10.01.2020, ka pranuar ankimin duke vendosur që duhet të kualifikohet për këtë tender shoqëria BOE “Sanitary Cleaning” sh.p.k & “Servizi Italia” S.P.A. Po ashtu, rezulton se Komisioni i Shqyrtimit të Ankesave pranë ABP-së ka marrë në shqyrtim edhe ankesën e shoqërisë tjetër pjesëmarrëse në këtë tender, “AGS”, ankim i paraqitur më datë 23.09.2019, për të cilin e ka pranuar ankimin me datë 30.09.2019, duke e kualifikuar atë. Në zbatim të vendimit të KSHA-së pranë ABP-së, të datës 30.09.2019, për kualifikimin e “AGS” dhe të vendimit të Komisionit të Prokurimit Publik (KPP), të datës 10.01.2020, më datë 14.01.2020, nga ana e ABP-se është bërë rivlerësimi në sistemin e Prokurimit Elektronik (SPE) duke renditur si fitues shoqërinë BOE “Sanitary Cleaning” sh.p.k & “Servizi Italia “S.P.A dhe “AGS”. Pas këtij momenti, pas komunikimeve që ka pasur Agjencia e Blerjeve të Përqendruara me shoqërinë BOE “Sanitary Cleaning” sh.p.k& “Servizi Italia S.P.A, me shkresën Nr.309/1 Prot, datë 26.02.2020, njoftim i dërguar edhe në adresën e e-mail-it të kësaj shoqërie, është njoftuar kjo shoqëri se nga ana e ABP-së po verifikohej ankimi i bërë nga shoqëria e renditur e dyta në këtë tender “AGS” sh.p.k, e cila rezulton të kishte bërë një ankesë me pretendimin se një nga administratorët e shoqërisë “Sanitary Cleaning” sh.p.k është i dënuar nga Gjykata italiane dhe se nga ana e ABP-së ishte pezulluar procedura e këtij tenderi deri në një konfirmim të kësaj ankese. Ky pretendim po verifikohej nëpërmjet Ministrisë së Drejtësisë së Republikës së Shqipërisë.
Me shkresën nr.478 prot, datË 09.03.2020, shoqëria “Sanitary Cleaning” sh.p.k ka paraqitur pranë ABP-se dëshminë e penalitetit të lëshuar nga ana e Autoriteteve Italiane për shtetasit italianë Luigi Innocenti dhe Fatos Deliu (administratorët që kanë lidhje rezidenciale në shtetin Italian), doku