Duma: PD të mbështetet te fryma, jo tek individi

Anëtarja e kryesisë së PD: Idetë e mira, nëse prezantohen, e gjejnë rrugën e vet. S’duhet të paragjykohet procesi për ndryshimet statutore

“Partia Demokratike duhet të vitalizojë dhe rivitalizojë të gjitha mënyrat se si ajo i përshtatet shoqërisë. Një nga gjërat më të mëdha është të mos lexojmë më një parti që mbahet me frymën e saj. Është një parti që mbahet me frymën dhe metodën

Teksa e krahasoj me Partinë Socialiste, që sipas Dumës, mbështetet vetëm te lideri dhe poshtë ka një ushtri që vepron vetëm për të, Partia Demokratike, sipas saj, nuk është populiste, por vepron në bazë të frymës që krijon, bashkimit të ideve. “Partia Demokratike duhet të vitalizojë dhe rivitalizojë të gjitha mënyrat se si ajo i përshtatet shoqërisë. Një nga gjërat më të mëdha është të mos lexojmë më një parti që mbahet me frymën e saj. Është një parti që mbahet me frymën dhe metodën. Duhen maksimizuar pikat e forta. PD ka individualitete, është e pamundur që PD ti bëjë ato horizontale. Ngjyrimet duhet të vitalizohen. Duhet të bëhen të dukshme. Pala tjetër ka një lojtar dhe një protagonist. Ndërsa PD ka individualitete të spikatura që shkëlqejnë në pozicionet e tyre të deleguara që duhet të jenë delegime reale”, tha Duma në një intervistë për “A2 CNN”. NDRYSHIMET STATUTORE Anëtarja e Komisionit të Përhershëm për Ndryshimet Statutore, Grida Duma, foli edhe për ndryshimet statutore. Duma tha se në Komision

kanë mbërritur 3 draftpropozime. Ajo tha se të gjitha propozimet do të shqyrtohen dhe do të merren parasysh. Ndërkohë, sugjeroi që kritikët të mos paragjykojnë procesin. Teksa u shpreh e hapur për propozime të reja, Duma tha se idetë e mira e gjejnë rrugën e duhur. “Do të kisha dashur të shikoja sa më tepër propozime statutore. Do të jem gjithmonë një partizane e asaj që gjerat nuk duhen të paragjykohen, ato duhet të pasgjykohen. Nëse ka ide të mira, edhe nëse mendohet se dikush i dëgjon më mirë apo më keq, idetë e mira e kanë gjetur rrugën. Idetë e mira kanë ardhur edhe nga kundërshtitë, madje nga kundërshtitë kanë ardhur më shumë. Në këtë kuptim, unë mendoj se nuk duhet humbur ky shans”, tha Duma. Ndërkohë, e pyetur nëse mirëpriten zërat kritikë në selinë blu, Duma tha se në këto 8 vite shpeshherë opozita ka qenë më në qendër të sulmeve se vetë qeveria që administron të gjitha financat. “Në arenën e politikës shqiptare PD është partia që ka pasur kritikat brenda dhe jashtë vetes. Madje në këto 7-8 vite qëndrimi ndaj opozitës ka qenë më kritik sesa ndaj qeverisë. PD absolutisht nuk ka asnjë pengesë për të thënë kritikat brenda dhe jashtë saj, të cilat janë kthyer shpesh edhe në një telenovelë që e ka tejkaluar diskursin politik. Unë kam respekt për të gjitha qëndrimet që e turbullojnë ujin. Unë mendoj që nuk duhet të tërhiqet nga kjo. Këtë e them në parim, paragjykimi nuk duhet të ekzistojë. Zonja Harxhi ka qenë një nga kandidatet që ka qenë me korrekte dhe më normale gjatë garimit për kreun e PD-së”, deklaroi deputetja Duma. Përkundër akuzave të grupit “Për PD”, që ka hedhur akuza se Basha po tenton të “privatizojë” Këshillin Kombëtar për të larguar kritikët, Duma u shpreh: “Unë mendoj që në PD dhe vetë Lulzim Basha nuk i ka bërë luftë të ndryshmes, publikisht nuk e ka bërë asnjëherë. Ka pasur momente që të sqaronte edhe pozicionin e tij ndaj individëve të ndryshëm, nuk e ka bërë këtë dhe kjo është zgjedhja e tij. Unë mbetem me besimin se dy gjera janë vendimmarrëse në momentet e duhura. A është e domosdoshme apo jo? Lulzim Basha besoj se e ka kuptuar që kjo është e domosdoshme për PDnë. Pa vullnetin e tij shumë nga këto elemente nuk bëhen. Po a i duhet Bashës të krijojë të gjitha këto epiqendra, por jo një të vetme dhe ta decentralizojë duke i dhënë peshë politike dhe jo ta centralizojë duke mos i dhënë peshë, për mua duhet të jetë një decentralizim i pushtetshëm i PDsë. Kjo është rruga e vetme për të shkuar në një PD që zgjerohet drejt shoqërisë. Nuk mundet që PD të ecë përpara me një strukturë rixhide, sepse nuk i shkon elektoratit të saj”, deklaroi ajo.