ALEANCA PADITI NË SPAK DHE KËRKOI SHPALLJEN “NON GRATA” TË SORECAS
KiE-ja ka reaguar përmes zëdhënësit Peter Stano një ditë pas padisë që ka bëri Aleanca për Mbrojtjen e Teatrit ndaj ambasadorit BE-së Soreca në SPAK. Në një deklaratë për shtyp, Stano tha se Luiggi Soreca ka mbështetjen e plotë të liderëve të Komisionit Europian për punën e bërë nga ambasadori në përforcimin e marrëdhënieve BE-Shqipëri. Zëdhënësi i KiE-së theksoi se BE-ja do të vazhdojë ta mbështesë fuqimisht Reformën në Drejtësi, ndërsa ka vlerësuar përpjekjet për implementimin e saj dhe vetingut. “Dua të trajtoj një çështje gjatë kohës së fundit në Shqipëri. Duket se ka filluar një fushatë kundër delegacionit të Bashkimit Europian në Tiranë dhe dua të them që iniciativa dhe akuzat e Aleancës për Mbrojtjen e Teatrit në Shqipëri kundër kreut të delegacionit Europian (Luiggi Soreca) janë të pabazuara dhe dezinformuese. Ambasadori Soreca, kreu i delegacionit ka një mbështetje të fortë nga liderët e Komisionit Europian për punën e tij që po bën në kuadër të marrëdhënieve mes Shqipërisë dhe BE-së. BE-ja vijon që ta mbështesë fuqimisht
Aleanca për Mbrojtjen e Teatrit e akuzon ambasadorin e BE-së Luiggi Soreca se ka tentuar të ndikojë në Gjykatën Kushtetuese për të favorizuar kryebashkiakun e Tiranës, Erion Veliajn, për çështjen e Teatrit Kombëtar. Dy ditë më parë, Aleanca depozitoi në SPAK një padi ku i kanë bërë konkrete akuzat e tyre ndaj kreut të delegacionit europian. Aleanca për Mbrojtjen e Teatrit kërkon zbardhje të takimit të ambasadorit Soreca me kreun e Gjykatës Kushtetuese, Vitore Tusha. Në padinë e saj në SPAK e akuzon Sorecan për kryerjen e veprave penale “Korrupsioni aktiv i nëpunësve të huaj publikë”, parashikuar nga neni 244/a i Kodit Penal. Ndërkaq, Aleanca i ka kërkuar Presidentit Meta shpalljen “non grata” të ambasadorit të BE-së në Shqipëri. Reformën në Drejtësi në Shqipëri dhe implementimin e saj. Përpjekjet e pafundme të Shqipërisë drejt Reformës në Drejtësi dhe vetingut në drejtësi duhet të mospengohen në procesin e tyre”, tha Stano. Në mbështetje të ambasadorit Soreca ka ardhur edhe ministrja e për Punët e Jashtme, Olta Xhaçka, e cila ka reaguar pas padisë që Aleanca bëri në SPAK. Përmes një postimi në “Twitter”, Xhaçka shprehet e keqardhur dhe i quan shpifje akuzat e Aleancës ndaj Ambasadorit të BE-së. “Luiggi Soreca është një mik i mirë i Shqipërisë dhe popullit shqiptar. Një mik i cili ka shkuar dhe përtej detyrës së tij, për të ndihmuar shqiptarët me pasojat e tërmetit dhe pandemisë COVID19. Një mik i vërtetë i cili ka mbështetur integrimin e vendit tonë, edhe duke kritikuar qeverinë dhe politikën në rastin e gabimeve të bëra. Keqardhje për akuzat e bëra ndaj tij. E sigurt që ambasadori Soreca gëzon respektin dhe mbështetjen e shumicës së popullit shqiptar”, shkruan Xhaçka.