REAGIMI I PRESIDENTIT META
Mbi 1,500 persona, përfshirë dhjetëra fëmijë, janë helmuar në Deçan për shkaqe që ende nuk janë zbuluar nga autoritetet.
Dyshimet e para janë se banorët e kësaj komune janë helmuar nga uji i pijshëm. Komuna e Deçanit të martën ka shpallur gjendjen emergjente për shkak të helmimeve. Prokuroria ka nisur hetimet. Nga e shtuna deri të martën mbi 1,500 banorë të Deçanit kanë shkuar në spital për shkak të helmimit. Janë edhe 51 fëmijë, të cilët janë dërguar për trajtim në Spitalin e Pejës. “Që nga dita e shtunë e deri më tani kanë kërkuar ndihmë shëndetësore 77 qytetarë nga Deçani, nga të cilët 51 në repartin e pediatrisë dhe 26 në emergjencë”, kanë thënë zyrtarë për informim të Spitalit të Pejës. Drejtori i Qendrës Kryesore të Mjekësisë Familjare në Deçan, Selmon Berisha, ka thënë se numri i personave të helmuar që kanë kërkuar ndihmë shëndetësore në këtë qendër ka shkuar në mbi 1,500. Sipas tij, gjendja e pacientëve është e mirë.
Gjatë 24 orëve të fundit në këtë qendër janë raportuar dy viktima, por sipas mjekëve, viktimat kanë pasur probleme të tjera shëndetësore.
Komuna e Deçanit, në bazë të Ligjit për Vetëqeverisje Lokale dhe Ligjit për Parandalimin dhe Sëmundjeve Ngjitëse të Statutit të Komunës së Deçanit, ka marrë vendim që të shpallet gjendje emergjente në tërë territorin e kësaj komune.
Kompania Rajonale e Ujësjellësit “Hidrodrini” ka kërkuar që uji në fshatrat e Deçanit të mos përdoret për pije. Sipas të dhënave zyrtare, shqetësime për shëndetin kanë shfaqur banorët e fshatrave Prejlep, Rastavicë, Irzniq, Gllogjan, Shaptej, Gramaqel, Baballoq, Ratishë dhe Jasiq i Ri.
Dyshimet për helmime të qëllimshme
Kryetari i Deçanit, Bashkim Ramosaj, ka thënë dje në një konferencë për mediat se për shkak se probleme me ujin e pijshëm ka pasur edhe njëherë gjatë këtij muaji, kjo i shtyn ata të mendojnë se këto probleme mund të jenë edhe të qëllimshme. Ai ka ftuar institucionet përkatëse që të merren me këtë rast. Ministri
Ndaj rastit të Deçanit ka reaguar edhe Presidenti i Shqipërisë, z. Ilir Meta. “Me shqetësim po e përcjell situatën emergjente në Komunën e Deçanit. Qytetarëve të helmuar iu uroj shërim sa më parë dhe tejkalimin pa pasoja të kësaj situate. Familjeve të tyre iu shpreh mbështetjen dhe solidaritetin tim më të thellë. Me besimin e plotë se institucionet shtetërore përgjegjëse dhe drejtësia në Republikën e Kosovës i kanë të gjitha kapacitetet dhe po bëjnë përpjekjet e duhura për zbulimin, zbardhjen e shkaqeve dhe kapërcimin e tyre, e nxis qeverinë shqiptare t’u gjendet pranë, sipas mundësive, me ekspertizë dhe çdo ndihmë të nevojshme. Shqipëria dhe Kosova gjithmonë krah njëratjetrës!”, ka shkruar Meta. i Shëndetësisë, Arben Vitia, ka vizituar të martën Komunën e Deçanit, ku është takuar edhe me kryetarin e kësaj komune. Ai ka thënë se dy vdekjet e dyshimta në këtë komunë nuk kanë të bëjnë me helmimin. Drejtori i Instituti Kombëtar të Shëndetit Publik, Naser Ramadani, ka thënë se asnjë pistë e hetimeve nuk tregon se helmimi ka ndodhur nga uji. Megjithatë, ai ka thënë se ende po hetohet ky rast. “Kjo nuk do të thotë që nuk mund të ketë infeksione hidrike, por do të dalim me analiza permanente, nga analizat e pacientëve. Pistat e hetimit që flasin për dyshime të infeksionit hidrik janë në hetim”, ka thënë Ramadani. Instituti Kombëtar i Shëndetësisë Publike të Kosovës (IKSHPK) ka bërë të ditur të hënën se nga gjashtë mostra të testuara të ujit, në dy prej tyre janë gjetur koloni të dyshimta të baktereve. Megjithatë, sipas drejtorit të IKSHPK-së, Naser Ramadani, testimet në laborator duhet të vazhdojnë dhe shkaku i saktë i këtij helmimi nuk është përcaktuar ende.
Deputetë të opozitës kanë kritikuar Kryeministrin Albin Kurti e ministrin e Shëndetësisë, Arben Vitia, për neglizhimin e rastit të helmimit të mbi 1 mijë e 500 qytetarëve. Deputetja e Aleancës për Ardhmërinë e Kosovës, Time Kadrijaj, ka publikuar fotografi nga Qendra e Mjekësisë Familjare në Deçan, ku mijëra banorë të këtij qyteti po kërkojnë ndihmë mjekësore. Ajo ka thënë se ministri Vitia ka shkuar me duar në xhepa në Deçan. Deputetja e PDK-së, Blerta Deliu-Kodra, ka thënë se Kryeministri Kurti nuk duhet të ketë në axhendë asgjë më të rëndësishme se jetën e qytetarëve. Megjithatë, ajo ka deklaruar se shembulli që po japin ata është jonjerëzor. Ndërsa Kryeministri i Kosovës, Albin Kurti, përmes një postimi në rrjetin e tij social “Facebook” se është në vizitë zyrtare jashtë vendit, por po komunikon vazhdimisht me institucionet përgjegjëse. Opozita e ka kritikuar se po qëndron në resortet greke, ndërkohë që Deçani është në gjendje të jashtëzakonshme. “Në bisedë me Kryetarin e Komunës, z. Bashkim Ramosaj, jam njoftuar për gjendjen emergjente në Komunën e Deçanit. Për të konkretizuar mbështetjen e qeverisë dhe për t’u njoftuar nga afër me situatën, sot në Deçan është zëvendëskryeministrja, znj. Donika Gërvalla dhe ministri i Shëndetësisë, z. Arben Vitia. Bashkëndjej brengën dhe shqetësimin tuaj dhe ju dëshiroj shërim sa më të shpejtë”, ka shkruar ai.