VELLEZERIT
Prokuroria e Posaçme kundër Krimit të Organizuar ka kërkuar konfiskimin e pasurive të dy vëllezërve, të akuzuar nga autoritetet italiane për trafik ndërkombëtar të kokainës. Sipas një njoftimi të SPAK-ut, pas hetimeve, ka rezultuar se pasuritë e vëllezërve Armand dhe Gerti Marku janë vendosur nga të ardhurat e trafikut të lëndëve narkotike. Në këtë mënyrë, është vendosur sekuestrimi i një pasurie e llojit truall me sipërfaqe totale 688 m2, si dhe objektin e ndërtuar mbi të, hotel “Harbour”, pronë e ndodhur në zonën turistike të Kanalit të Çukës në Sarandë, në pronësi të shtetasit Petro Branko. Gjithashtu, SPAK-u i kërkon Gjykatës së Posaçme të sekuestrojë edhe një pronë të paluajtshme e llojit truall, me sipërfaqe 688 m2, së bashku me objektin përkatës të ndërtuar mbi të një pishinë, e ndodhur në zonën “Turizëm Kanali i Çukës” Sarandë, në pronësi të shtetasit Petro Branko si dhe një njësi shërbimi me sipërfaqe 51 m2, e
Hetuesit italianë kanë arritur të zbulojnë që vëllezërit Marku ishin një fraksion i kartelit, duke u bërë një nga furnizuesit e mëdhenj të kokainës në Europë. Gerti Marku ishte arrestuar në prill 2017 dhe hetuesit kanë zbuluar se organizata ka qenë aktive të paktën 3 vite më herët. ndodhur në rrugën “Don Bosco”, Tiranë, e blerë në vitin 2017 me çmim 105 000 euro. Sipas njoftimit të SPAKut, shtetasi Armand Marku, rezulton të jetë i shpallur në kërkim ndërkombëtar nga Interpol Tirana, pasi Gjykata e Milanos me një vendim të vitit 2017 e ka dënuar me 6 vjet e dy muaj heqje lirie për veprat penale “Trafikim narkotikësh” dhe “Bashkëpunim në krim”. Gjithashtu, Armak Marku bashkë me vëllanë e tij, Gertin, i cili njihet edhe me emrin Ledio Hallkokondi, janë shpallur në kërkim ndërkombëtar nga Interpol Roma më datë 09 tetor 2020, pasi autoritetet gjyqësore të Firences, rreth një vit më herët, kanë lëshuar urdhër arresti ndërkombëtar, për veprën penale “Pjesëmarrje në organizatë kriminale me qëllim trafikimin e lëndëve narkotike”. Vëllezërit Marku, sipas autoriteteve italiane, janë pjesë e kartelit të trafikut të kokainës nga Amerika Latine drejt Europës, i njohur si
“Kompania Bello” e drejtuar nga Dritan Rexhepi. Armand dhe Gerti Marku arritën të shpëtonin gjatë operacionit të koduar “Los Blancos” në shtator të vitit 2020. Hetuesit italianë vlerësojnë se vëllezërit Marku janë një fraksion i këtij karteli dhe furnizues të mëdhenj të kokainës në Europë.